2018年7月14日 星期六

來一場Girls Talk @ Girl Boss by Master Kama

小妹向來都喜歡同媽媽不定期咁一齊去D特式餐廳撑枱腳,傾下女人心事!


今次小妹就近近地去左荃灣廣場Girl Boss by Master Kama一試!


未入店內已經俾個馬蹄形包廂吸引,一班朋友一齊係包廂邊食邊傾,一定會好開心!

但因為小妹今次只係同媽媽兩人,所以今次就坐普通雙人枱,下次同多幾個朋友時一定要Book個馬蹄包廂 (當日見到6個人都夠坐)~~ 


餐廳用點餐紙方式落單,自己可以跟心水剔自己喜歡嘅食物!

食物種類都算好多,單單沙律都有6款可以選擇~


另外,飲品就有另一張Menu,沙冰、花茶、cocktail...凍熱都有選擇!


小妹向來好喜歡花茶,見到有咁多款真係好開心,由於花多眼亂關係,職員好貼心問要唔要聞一聞D花茶。

原來店內提供樣本可以聞完再點,小妹聞完好幾款就已經揀到心水!


最後揀咗草莓女孩約會茶...

茶杯及茶壺內有草莓及檸檬,令花茶不用加糖都有果甜味,同時帶有少少酸味,十分醒胃。


小妹好喜歡自己斟茶個感覺,好治癒呀!


另一杯就係Yellow Submarine,以芒果及雜莓製成的沙冰!

味道同樣是酸酸甜甜的,開胃同時食飽後可以消滯~ 

今次小妹同媽媽就一於食佢地Bossy Royal Set,Set內可選2款沙律或湯,2款小食,1款主菜及2款Pasta類食品!同時點左2款不同飲品試一試!


沙律系列分別揀咗三文魚柚子檸檬玻璃杯沙律及蟹肉牛油果蘋果青瓜沙律!


三文魚柚子檸檬玻璃杯沙律

好多三文魚呀!店員同小妹講,依款沙律要搖勻先食,搖呀搖...搖完之後就可以將入面醬汁同材料拌勻。

三文魚肥美油香亦有口感,加上果肉及醬汁微酸,幫助醒胃。


蟹肉牛油果蘋果青瓜沙律

一絲絲蟹肉,入口陣陣蟹味,再配上新鮮沙律菜,味道清新但不失鮮味!

加上牛油果肉,味道不算太濃,連媽媽平日不喜歡牛油果都可以接受~~


食完沙律前菜就有afternoon tea嘅三層架set端上!原來就係小食加上其中一款Pasta!


第一層就係香草白醬焗大蜆薯蓉

大蜆比想象中大隻,入口鮮味,完全沒有沙,Like!

香草白醬味道剛剛好沒有搶走蜆味,配上薯蓉一同食令每啖帶有陣陣芝士香!


第二層係芝士蟹肉釀蟹蓋,小妹最期待的!


焗芝士形成拉絲,加上每一啖都是滿滿的蟹肉。入口芝士濃香味和蟹肉鮮味互相提鮮。小妹同媽媽都Like爆,差不多想用連蓋都食埋!

仲有驚喜的是用小魚餅烘成的薄脆,烘得不會太乾,剛剛好,味道一流。


最後一層就係波爾多紅酒燉牛面肉燴意大利飯

牛肉肉腍香,意大利飯濃濃肉汁,令意大利飯不會太乾。


另一款Pasta就是巴馬火腿水牛芝士薄餅


每塊巴馬火腿下都有水牛芝士,加上一片片芝士on Top,芝士迷的小妹大愛!

薄餅底香口,外脆內軟。


最後就是小妹最愛嘅燒一口安格斯西冷,焗薯粒,燴蔬菜,香草法式牛油...

真係牛控必食!


一口牛肉有濃香牛味,再點溶化的牛油加倍濃香感覺,有口感但絕不是overcook的韌感覺!

小妹一口接一口停不了!

另外配菜的粟米及蔬菜吸了牛油味道,非常香口。

而焗薯粒,外脆內腍,帶有薯味!

小妹另外要一讚係店員非常好態度,笑容超nice,成餐飯食得好開心~

Girl Boss by Master Kama
地址: 荃灣大壩街4-30號荃灣廣場4樓432號舖

希望大家鍾意小妹分享,小妹仲有其他Blog,FB PageIG,歡迎大家去睇~ 



2018年7月2日 星期一

卸妝與滋養一Take過【Nine Oriens Magical Cleansing Oil】

魚與熊掌想兩者兼得?!小妹反而就想卸妝與滋養可以一Take過...


今次小妹就試下Nine Oriens Magical Cleansing Oil!

Nine Oriens Magical Cleansing Oil係集合卸妝與潔面於一身嘅潔顏油。不單可以能溫和而且徹底卸去彩妝及污垢,亦同時也能滋養肌膚。

蘊含純天然有機植物油及堅果油,富含維他命E和F,再加上植物綷取角鯊稀以及天然香薰油,令肌膚瞬間潔淨並同時滋養。每天簡便的潔面,便能為肌膚抗衰老、減退細紋,使肌膚回復緊緻有彈性。


小妹一向都會用到粉底液、唇彩、眼線液、眉粉等化妝,今次就一於試下卸妝力有幾徹底!


只於適量卸妝油加上打圈按摩,好快就已經見到唇彩、粉底液同眉系列產品完全溶解卸去。

而眼線膏同眼線液只要用紙巾一抹都可以完全卸走。


卸妝後,除咗肌膚變得乾乾淨淨外,感覺肌膚好水潤,完全無卸妝後乾繃繃感覺,而且味道好Nice,使用後好舒服。

文章介紹為個人喜好及用後心得,不同人士各有喜好,體質亦各有不同~


是次產品及成分資料由品牌提供

小妹仲有其他Blog,FB PageIG,歡迎大家去睇~