2014年4月25日 星期五

輕鬆茶聚@北斗翁頂尊火鍋料理(太子店)

唔知大家同小妹會唔會一樣,孩提時候喜歡假日同屋企人一齊去飲茶呢?!由於小妹都算得上係大家族長大(話說自己一房人半齊時都要兩張大枱嫁),所以細細個既時候已經好鍾意飲茶依個活動。

點解?!之唔係因為可以叫滿成枱好似一座座蒸籠山般既食物,然後兩張枱之間再互傳食物,依D有傾有講既互動交流同一齊分享真係好開心。正正因為依個原因依家同朋友間聚會都有時揀飲茶,可以叫好多食物大家一齊開心SHARE!!!

可能我太鍾意飲茶既原因,連公關都邀請我同一大班朋友一齊去試下位處太子既北斗翁頂尊火鍋料理,一入去已經有朋友先到開定茶同位等,真係好開心呀!


記得小朋友時都係有點心車四圍係身邊,但因為安全問題依家好多茶樓都會用點心紙取代,雖然唔可以好似細個時咁喜歡邊籠就拎邊籠,但北斗翁既點心紙上多款食物都已經滿足到小妹啦!!!


首先為大家介紹鮑汁鳳爪啦!雖然小妹平日唔多食「踩腳趾」(好old school既名),但為左要一試有幾出名都食左一隻,味道可以再濃味一點,同再「林」身d,但都算可口。


介紹完有名既鮑汁鳳爪, 當然要介紹另一出名既菜式,即燒極品BB豬。唔!!!食肉獸既小妹食第一舊就已經愛上啦!BB豬皮脆,而且肉味香濃,令人想一食再食。



燒味系列又點只得BB豬,仲有脆皮燒鵝添,燒鵝皮燒到脆卜卜,但個鵝肉就keep住好juicy,肉質好嫩滑,真係值得一試! 

去到茶樓又點可唔試腸粉系列呢?! 好野今次有兩款不同既腸粉可以試到,分別係蜜汁叉燒腸鮮蝦腸。兩個腸粉既皮都好薄好滑,完全唔會食到有粉粒,証明粉漿開得好!

而蝦腸d蝦好大隻之餘仲要係爽口,唔會好似d死蝦同急凍蝦d肉質「梅」的。
叉燒腸都唔馬虎嫁,唔係平日燒味叉燒既頭頭巴尾尾,係真正入味既叉燒切成適中大小。

由於我鍾意飲茶都係因細個既時候原故,所以去到茶樓都一定必定會點以下既4款點心。
第一樣當然係小朋友最愛既鮮蝦燒賣啦!每粒燒賣都有鮮蝦係入面,而豬肉同蝦既比例剛剛好,令燒賣入口彈牙之餘又不失口感,味道上亦有陣陣蝦味。

第二樣既當然係牛肉球啦!同平日食既山竹牛肉有d唔同,因為唔係用腐竹放係牛肉球底,而係用較健康既茶取代,令食起上來都唔單止食肉,仲有蔬菜。

第三樣當然係豉汁蒸排骨啦!排骨都幾入味,而且真係有骨,唔係一大堆碎肉整成。

第四樣都可以少得蝦餃呢?! 未食之前已經睇到蝦餃內有原隻鮮蝦,所以蝦餃唔止餡靚仲好皮薄添。

去到茶樓又點可以缺少飽點呀!我地有蠔皇叉燒飽,叉燒飽同既汁剛剛好,而飽的皮都好軟,好好味,你睇下我同lulu食得幾開心就知啦!!

除左蠔皇叉燒飽之外,飽點又點可以少得我的最愛大壽飽呢?!

原來北斗翁既大壽飽又係好有名嫁,你睇幾大個既壽桃飽,有我半隻手,而分開入面仲有成1/4個咸蛋黃呀!除左細個既時候會見咁足料既壽桃飽之外,依家真係買少見少。


一啖咬落去就食到甜味剛剛好既蓮蓉,而咸蛋黃份量又唔會太多令個飽唔會太膩,依家諗起都好回味!!!



當然豬腳仔都係出名既菜式之一啦!!!細細隻,但好入味,可惜已經飽飽地,只係食左一件。

要完美既一餐又點可以少得有d甜點呢?!
北斗翁都有好多選,其中我地點左既四個甜品入面,杞子桂花糕就係我既首選。
入口唔會即刻溶,有糕點應有既咬口,仲有陣陣桂花香味,鍾意花香同茶香既小妹好like ar!!!

你睇我地一大班人點止食左上面介紹咁小既點心呢!!!成枱都係美食真係令人回味!!!

雖然唔可以一一同大家分享每個點心既味道,但都希望同大家一齊欣賞到其他美味既點心!

潮式蒸粉果

北菇棉花雞


 XO醬蒸魚雲
 薑蔥牛柏葉
竹笙素菜餃 

食完一頓咁豐富既點心午餐真係又開心又興趣,而且仲令我諗起小朋友時同家人去飲茶既時光,真係好想即刻可以再去北斗翁飲茶呀!

餐廳資料:
名稱:北斗翁頂尊火鍋料理 Beidouweng Hotpot Cuisine
地址:太子彌敦道789號健峯保險大廈地下及1
電話:2397 6633


是次試食為個人觀感及分享,菜式口味優劣屬於小妹個人感覺,不同人士口味各異。

blogspot
theztyle
glamablog
elle

2014年4月7日 星期一

清新的3月盒子

小妹近日成日都懶洋洋,可能因為天氣問題啦!!!成個人都好攰好冇精神,但收到Glamabox既3月盒子個人即刻精神曬啦!!!想知點解呢?!唔買關子啦,等我話俾大家知啦!!!


3月份既Glamabox不單止有護膚用品,而且仲有小妹最鍾意既健康飲品,真係令我感到好貼心呀!!!事不宜遲,睇下有D咩禮物啦!



鍾意飲不同類型健康飲品既小妹點可以唔首先介紹白蘭氏® InnerShine®升級版活顏馥莓飲呢?!


原來白蘭氏®InnerShine®升級版活顏馥莓飲,含有小妹平日最鍾意食既保眼睛既藍莓同補血既黑加侖子,仲有加入野櫻莓同紅莓,四種果莓都含抗氧化營養花青素,對女士們有益,而且添加左葡萄籽精華及抗氧化果皇巴西莓,令馥莓飲既抗氧化能力指數極高。

唔講唔知原來萄萄籽精華的原花青素抗氧化能力比维他命C及维他命E高,能高效對抗紫外線及游離基對肌膚的傷害,並能防止膠原蛋白流失,延緩細胞老化,令肌膚由內而外剔透亮澤。

飲既時候覺得個味酸酸甜甜好開胃,鍾意濃味飲品既朋友應該會好喜歡,而小妹鍾意比較淡味,所以用左少少冰水沖稀黎飲,都唔會太奇怪,好野今個夏天飲品LIST上又多左樣健康飲品啦!而且有張COUPON岩曬我去同媽媽入定D貨~~

第二樣為大家介紹既飲品就係菊皇茶啦!一打開真係好有驚喜呀!


原來菊皇茶係用原粒既草本材料製成,同平日見到一包既沖劑好唔同。菊皇茶有六種不同既草本材料,其中包括我成日會用黎沖水既枸杞子同杭白菊,而且仲有蓮子心、甘草、橘皮、胖大海再加上冰糖密封包裝。以上咁多種草本對身體都有益,可紓緩身體多種不適,滋潤開聲、清熱降火、排毒養顏。

小妹因為平日好多時都通宵達旦做野,第二日起身都難免有小小口氣,但飲左依個茶好似口氣小左,而且冇咁熱氣。一包仔就可以沖到1-2杯,如果自己再加入冰糖仲可以沖多2至3杯!!!平日成日同班朋友開通宵做野一齊飲就岩曬!!!

講完飲品又點可以唔講下skin care product 呢!!!今次就有1樣skin care product,就係Jayanti~~

小妹收到既係有機蘆薈面霜 同有機修護抗敏精華~
一睇產品介紹原來有機蘆薈面霜可以有滋養、舒緩、抗皺、潤滑和保濕的功用。特別針對敏感性肌膚,維持健康、年輕的肌膚。小妹天氣一轉就有小小皮膚敏感,用左面霜搽上面的確有功效,好值得回購呀!

而另一枝產品就係有機修護抗敏精華,小小一枝精華就有有機蘆薈、多種維生素和礦物質,可以幫助傷口癒合、消炎、抗衰老、緊緻毛孔等。

小妹試係手上既時候已經覺得好清爽,唔似一般精華咁有笠黏黏既感覺,小妹仲用黎搽係暗瘡位,真係2-3日就已經見唔到粒暗瘡。夏天不時出D暗瘡有左佢今個夏天唔怕暗瘡橫行啦!

夏天除左怕生暗瘡,小妹其實都怕曬黑,雖然我都算係好鍾意戶外活動既大小姐,但黑左真係要長D時間先可變白,所以防曬好重要。

今次Glamabox就為我帶黎La Roche-Posay水凝防曬隔離液&UVIDEA XL 每日高效隔離乳。


兩件產品分別有SPF 30同SPF 50 既防曬之餘同時改善肌膚。

水凝防曬隔離液蘊含專利LONG-UVA過濾因子,珍珠岩及控油因子,無香料防敏配方不阻塞毛孔,不含PARABEN。小妹搽上都覺得質地輕盈柔滑,膚色都有小改變,變得白了一點。

UVIDEA XL 每日高效隔離乳可以抵禦黑色素沈澱、延緩日光老化,有效防護UVA紫外線,讓肌膚保濕舒適,抵禦紫外線導致之色斑、細紋、暗啞形成,膚色更為白晢、健康、明亮。

最後為大家介紹係DKNY綠蘋果女士淡香氛~

小小一瓶香氛味道清新,夏天就最岩用,而且小瓶包裝,方便平日做完運動既小妹係體育館沖完涼用啦!

文章介紹為個人喜好及用後心得,不同人士喜好及膚質各有不同。
文中產品成分轉載自: http://www.glamabox.com/hk/tc/glamabox/sferangs-box-201401

Blogspot
Glamablog
The Ztyle
pixnet
ELLE