2015年6月29日 星期一

肌膚SOS良方【SHISEIDO IBUKI Multi-Solution Gel高效活膚啫喱】

日忙夜忙,小妹生活就俾返工、開會、打文、搞活動充斥住,令小妹休息時間越來越少啦!再加上壓力大同通宵工作,肌膚成日都無得休息,而且負擔仲越來越重,好多時都令痘痘、毛孔粗大等問題出現!所有問題一齊嚟真係頭都大呀!

但好彩小妹遇上全新SHISEIDO IBUKI Multi-Solution Gel(高效活膚啫喱)...

IBUKI Multi-Solution Gel以多重活肌方面去急救,搶救擾亂日常美麗的危機,集中治療效果,令肌膚重新回復穩定狀態,告別肌膚煩惱。

咁Amazing!一於等小妹睇下到底有咩咁神奇啦!

一個療程解決5大肌膚問題盡在Light Mac|Light Me Up全效面部療程

壓力!相信大部份都市人都會有,小妹當然唔例外...加上香港環境唔多唔少嘅污染,令到肌膚好多時都會變差,變得脆弱,仲好易引致5大肌膚問題,包括:色斑、細紋、暗瘡、毛孔及肌膚鬆弛~~ 

係香港長大嘅小妹都有遇上依5大肌膚問題,特別係暗瘡、毛孔同膚色問題呀!小妹有幸收到LightMAC邀請,特別體驗佢哋Light Me Up全效面部療程,一次改善5大肌膚問題~


小妹仲特別揀選跑馬地LightMAC進行療程,少少遠離市區。好似未進行療程之前就有一種遠離煩囂,減壓感覺呀!

由於小妹進行療程當日好大雨又冇帶遮情況下,未到中心已經半身濕透,但好在中心同事就馬上為上妹送上拖鞋、浴袍同暖暖飲品令小妹唔會凍親,還有舒適感覺呀!貼心服務真係要一讚呀!


安坐係大堂中心等候區就見到好多不同產品,原來LightMAC為咗為客人提供最好嘅Treatment效果,所以都會提供不同配合療程後需要嘅護膚品可供客人選購。


跑馬地LightMAC還有多個不同治療室針對不同治療時使用,小圓圖係平日普通療程用嘅單面床小房間,而大圖就係雙面床嘅大床用作比較繁複療程用!


而且係細心嘅LightMAC有Dressing Zone同房內沐浴區可以俾客人完成療程先整理梳洗!

講咗咁多LightMAC介紹,當然要介紹下 Light Me Up全效面部療程啦~

WOW!Light Me Up全效面部療程最新代言人係荷李活新星趙茜呀!


「Light Me Up 全效面部療程」適合任何肌膚,由資深的醫學美容團隊因應客人需要從13種療程中揀選兩種合適波長的光學或換膚療程同時進行,一次過解決5大肌膚問題。

到底係邊13種療程?!就等小妹同大家一齊睇下啦!


13個不同療程當中不乏一D療程係針對性,亦有一D係綜合性可以針對不同肌膚問題~

當小妹聽完治療師介紹不同療程後,就到小妹見醫生嘅時間啦!

醫生見到小妹面上肌膚情況時大致都話暫時面上都未有出現色斑問題,不竟小妹還年輕。
但面上就出現有缺水同膚色不均問題,出現暗粒同粉刺都係因為缺水現象,小妹真係要為肌膚補補水呀!



治療師就回到介紹室,針對醫生為小妹提出嘅問題所以都介紹小妹可以首先進行乳酸保濕換膚 –水溶性 (局部)為皮膚去除老化角質,刺激細胞更生。
而且亦為小妹平衡保濕,最重要係可以修復肌膚,提升肌膚滋潤度,收細毛孔,令肌膚瞬間嫩白。

其實水溶性醫學換膚係採用滲透力最佳嘅乳酸,將堆積在表皮的老化角質層脫落,令後續養分更容易被肌膚吸收。同時可以改善暗啞膚色、肌膚乾燥及粗糙,並加速肌膚彈力蛋白生長、清除粉刺及黑頭,迅速收細毛孔。



首先治療師為小妹卸妝潔面,可見小妹面上都有少少紅印,而且額頭皮膚比較暗啞。


首先治療師細心為小妹雙眼貼上膠布才開始療程,而且首先由臉的邊緣位置開始,目的係睇下會唔會有皮膚過敏問題。

過程中全無不適,又唔會有熱同痛嘅感覺,小妹舒服到想瞓一樣呀!


跟接住就馬上做脈衝光(IPL)全方位療程,依個療程可以均勻膚色及緊膚去皺從而刺激膠原蛋白更生、加快新陳代謝。仲可以幫助改善微血管擴張同去除色斑。


由於脈衝光波長介乎520nm至1200nm,當接觸皮膚後會產生光熱效應。較短的波長可用來淡化斑點和血管擴張的問題,較長的波長有嫩膚和收毛孔功效,能同一時間改善多種肌膚問題。


由於脈衝光會有少少熱效應,為咗幫皮膚Cool Down,所以治療師預先塗上冰涼嘅Gel。
當然又係臉的邊緣位置開始,因為會有針拮感覺,所以開始完第一下治療師都有問小妹即時反應,可否接受。


治療師係面上不停用脈衝光為小妹皮膚進行治療,過程中少少針拮一樣嘅感覺,但都係可以接受的。而面上亦有少少暖嘅感覺都係可以接受到的。


最後治療師為小妹敷上仙人掌補水面膜,聽治療師講仙人掌精華可以強效為肌膚補水,最適合光學療程後使用。

而面膜紙特別係生物纖維面膜,所以不會引致敏感,而且能為面上帶來更多精華。

完成整個療程後,治療師小心為小妹講解療程後注意事項,例如要塗上30度以上防曬產品、完成治療後連續3日敷上補水面膜、還有4小時內避免洗面影響治療結果等。
小妹都好留心聽治療師話,乖乖地敷足面膜,做足補水,保濕。


3日後,小妹面上膚色Keep住亮白,而且飽滿,暗粒問題都減少。

小妹好慶幸可以體驗到Light Me Up全效面部療程,為小妹改善膚色同缺水問題!


想知更多Skin Medical Centre及全方位面部綜合收緊療程可以Click入-->  LightMAC or LightMAC Facebook

係LightMAC Website仲可以俾大家以優惠價($ 480)體驗一次價值超過$5,000嘅皮膚分析&Light Me Up全效面部療程,詳情可以Click入--> http://www.lightmac.com/trial.php

文章介紹為個人喜好及用後心得,不同人士各有喜好,體質亦各有不同~

是次產品由LightMAC提供,文中產品成分由品牌提供。

希望大家會鍾意小妹分享,小妹仲有其他Blog,FB PageIG,歡迎大家去睇~




Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice

2015年6月27日 星期六

駱駝漆工廈搵食篇-ACOCake Cupcake Party~

貪食嘅小妹剛剛搬到觀塘返工,當然要四出搵食啦!第一步就係公司所在嘅大廈內搵...
萬萬無諗到竟然會見到一間Cupcake小店!喜歡Cupcake嘅小妹一於要會一會下~


大門外有射燈投影出ACOCake字樣外還有一個蛋糕Display係門外,令人一睇就知道小店係賣蛋糕吧!


甫入店內就見掛着一幅又一幅嘅Cupcake掛畫,好多Cupcake,小妹快要發瘋啦!

而且更有數個位可讓客人在店內享用cupcake食品!!!

Wow!!!好多精緻又靚嘅cupcake、曲奇、手做糖霜...小妹花多眼亂呀!

一於由櫃頂開始睇起啦!

櫃頂有一枝枝飲品,當中有小妹最愛嘅Perrdies 有氣礦泉水同Esprit 有氣飲料...


下一層就有各式各樣嘅曲奇,不同造型可以適合不同派對!!! 


還有手做糖呀!好似細細過食嘅花塔餅呀!好精緻呀!


之後當然有佢地招牌cupcake啦!Mini版好得意呀!一口一個,平日party就啱曬。


小妹當然忍不住要同同事們分享啦!所以特別揀咗當日幾款Mini Cupcake買返公司俾同事...
分吃係Green Tea, 芝麻, 檸檬同香蕉。同事都讚味道不錯呀!


除左Mini Cupcake原來仲有為新人訂製Big Day Cupcake!

Cupcake有中式又有西式,就算Wedding點搞都可以Match到無有怕啦!


見到有D結婚公仔紙盒,原來ACCOCAKE唔止為客人整Cupcake仲有埋Packing,細心之極!


細心嘅ACOCake當然仲有為新人訂製結婚蛋糕,好細緻嘅花紋呀!
可想言之ACOCake手工巧手而且好有心思~


店入面仲有一樣令小妹心心眼嘅就係Le Cupcake de la alace...
到底係D咩等小妹為大家介紹啦!


登登登登...就係Cupcake底加上雪糕,再配上果仁&蝴蝶餅...未食就知口感會好豐富啦!

當日雪糕有榴連同熱情果兩個口味,本身小妹想試榴連,但可惜要返工只好試熱情果味...

雪糕香滑,入口散散酸酸甜甜味道,熱情果味十分RICH~

一問之下原來個雪糕係限量,出面無得買嘅...

雪糕上的焦糖海鹽醬,咸甜適中配上雪糕三個味互相Match!

Cupcake 味香而且鬆軟,再配上白滑Cream,一口食曬三層,口感豐富而且各有特式。

另外在雪糕旁邊嘅蝴蝶餅亦十分香脆,而Hazelnut用朱古力包住甜甜地但又不會蓋住棒子味,味道一流!

一杯就有多個味感,配上甜酸咸三個味道,太豐富大滿足呀!

想知多D關於ACOCake可以Click入其Facebook -->  https://www.facebook.com/acocake/timeline

文章介紹為個人喜好及用後心得,不同人士各有喜好~

希望大家會鍾意小妹分享,小妹仲有其他Blog,FB PageIG,歡迎大家去睇~Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice

2015年6月22日 星期一

瞬效亮白同背心印ByeBye-Vaseline瞬效亮白修護潤膚露

一到夏天背心又點少得呀?!但經常係戶外跳跳紮紮嘅小妹唔多唔少都係身上留下不少背心烙印,兩截色令小妹去Party着起Top Dress都有一道道曬印,真係好醜怪。

好彩小妹早前收到Vaseline亮白修護肌膚系列嘅全新產品-瞬效亮白修護潤膚露,令小妹唔再為兩截色、曬印頭痛啦!


正所謂「一白遮三醜」,嫩白肌膚好多時可以為肌膚遮蓋不少瑕疵,而Vaseline今個夏天作出了一個突破性的即時亮白體驗!


細細睇產品介紹,原來全新Vaseline瞬效亮白修護潤膚露從過往經典嘅Jelly中提取修護微因子,再加上微亮白因子,令肌膚可以一抹後膚色亮度即時提升,同時能為肌膚保濕及進行修護,但又能清爽不黏膩。

小妹見到一篤 黑也即時變得亮白,當然要馬上一試啦!


一按就擠出粉紅色潤膚露,仲散發出陣陣香氣,小妹都幾喜歡依個味道,So Nice~


輕輕一推就可以將潤膚露推開,而感覺清爽不笠膩,就算夏天塗上亦不會有黏笠笠感覺。
而且在戶外時亦不會出油,夏天要潤膚露真去的是不錯的選擇。
潤膚露感覺輕盈,皮膚可以迅速吸收,就算早上出門塗,都只需花上一分鐘時間。

小妹分別係手同腳都試過產品,一齊睇下個效果...


左面是塗上潤膚露,而右面當然是沒有塗上。

明顯見到塗上後的皮膚好像打了一層粉底一樣,膚色亮白,連手錶手鏈印都可以一一蓋過。

同樣左面是塗上潤膚露,而右面是沒有塗上。

在腳上都同樣令膚色亮白,只要薄薄塗上一層即可以。

夏天有Vaseline瞬效亮白修護潤膚露唔再怕曬成兩截色,曬完都可以着吊帶同Top Dress啦!

依家萬寧都已經有得賣啦!一枝350ml都只係$49.9,小妹用完後都回購。想同小妹一樣可以試到就快D去買啦!

想知更多Vaseline產品可以Click入--> Vaseline HK Facebook


文章介紹為個人喜好及用後心得,不同人士各有喜好,體質亦各有不同~

是次產品由Vaseline提供,文中產品成分由品牌提供。

希望大家會鍾意小妹分享,小妹仲有其他Blog,FB PageIG,歡迎大家去睇~

Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice

2015年6月14日 星期日

亮白美肌再不遙不可及【Cremorlab-白花瑩肌潔面慕絲】

夏天到,又係時候要美白亮肌啦!但好多時美白產品都少不免有機會出現敏感情況...小妹都曾經試過因為用美白產品令至皮膚敏感,所以小妹都幾嚴選美白產品~

有幸小妹接觸到天然溫泉水品牌CREMORLAB嘅Triple Bright白花瑩肌潔面慕絲,令小妹今個夏天除咗靠美白面膜同亮肌精華外,仲多咗件好幫手亮白肌膚...

到底CREMORLAB白花瑩肌系列同其系列內嘅潔面慕絲係D咩,就等小妹為大家解構...



Yeah,小妹嘅美肌夢不再遙不可及!

CREMORLAB 嘅 Triple Bright白花瑩肌系列集合了能加倍提升肌膚質素的3大元素。

糅合富含礦物質的T.E.N.礦物水煙醯胺6大白色花卉精華,可以為皮膚源源不絕補充水分之餘,仲提供鎮淨保濕的水分保護膜,更有效改善膚色不均、色斑問題及有效抑制黑色素產生,令肌膚變得晶瑩水潤,雪白無瑕。



其實T.E.N.礦物水就係提取自地下1,100米的金津礦物水,蘊含10多種人體必要及稀有的礦物質,包括釩、鍺及高濃度的鉀等,高效為肌膚保濕,鎮靜並強化肌膚,增加肌膚彈性,讓肌膚即時恢復柔軟、水潤。相傳泉水仲有能醫百病的功效~~



而6大白花精華係咩?

咪就係由櫻花、洋甘菊、牡丹、茉莉、百白及白蓮花提取出嘅精華,糅合6大白花精華成份,可以加倍提亮肌膚,而且更有效改善膚色不均及色斑問題,令肌膚變得雪白無瑕。

講咗依個系列產品咁多好處,當然就係要講番件產品啦!一於一齊睇下件產品啦...


WoW,瓶身大大隻字寫住MADE IN KOREA,唔係國產產品好放心用呀!


為確保衛生,產品都有鋁紙封口,第一次使用產品時先解開,小妹最愛就係依D設計嘅產品,令小妹用得好放心!


擠出潔面慕絲,就聞到散發出淡淡香味,這香味就是外種花集合而成的香氣。

小妹本以為係雪白嘅慕絲狀,但原來係雪白嘅Gel...一於試下用起泡網睇下可唔可以做到慕絲效果...


果然小小潔面慕絲在起泡網上加點水就產生大量慕絲啦!

只係小圓圖上一小點就產生出圖中咁多慕絲,小妹想這一小點應該沒有1ml,而產品就有120ml,應該可以用上很多次吧!


將慕絲全都塗上面上,足足可以敷滿整塊面。

慕絲感覺滑滑柔軟,加上淡淡清新香氣,在面上打圈非常舒服,洗面都變成一種享受呀!


當用水沖洗過後,面上沒有出現過敏情況,不竟含有美白成份,小妹都有點怕會過敏。相信其他有過敏嘅朋友都可以一試,因為產品性質都算是溫和。

面部除了亮白不少外,而且好似注滿水一般,水潤Q彈,摸起來好像有一層滑滑的保護膜蓋在皮膚上保護肌膚。


產品除了可以潔面外其實還可以用作卸妝,小妹就用了眼線、睫毛膏、眼影、唇膏、眉筆等彩妝一試卸妝效果。


右下角小圖將慕絲不停打圈至看不到慕絲而又未沖水時,當中大部份彩妝都卸去,只餘下小量唇膏及眼線未完全卸走。

但沖水過後絕大部份彩妝都卸去,效果都算可以接受,不竟產品都不是以卸妝為主打,卸妝效果是產品帶來嘅Bonus~~


夏天有Cremorlab白花瑩肌潔面慕絲陪住小妹,相信亮白美肌不再是夢,再不會遙不可及啦!

Cremorlab白花瑩肌潔面慕絲已經係莎莎化粧品店獨家發售,120ml 嘅白花瑩肌潔面慕絲都只係HKD88,真心幾抵用。

想知更多Cremorlab產品可以Click入--> Cremorlab Website or Cremorlab Facebook
當然仲可以到 SaSa Website 同 SaSa Hong Kong Facebook


文章介紹為個人喜好及用後心得,不同人士各有喜好,體質亦各有不同~

是次產品由theZtyle.com提供,文中產品成分由品牌提供。

希望大家會鍾意小妹分享,小妹仲有其他Blog,FB PageIG,歡迎大家去睇~

Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice



小妹的生日蛋糕@諾亞半熟蛋糕專門店

生日快樂,剛過去嘅5號係小妹25歲生日,又大一歲唔可以再咁任性啦!

每年小妹都有個習慣就係會同家人於正日切生日蛋糕慶祝,今年雖然爸爸遠在他鄉,但習慣都沒有變!!!

其實自小妹懂事後和家人切生日蛋糕最大意義係要報答媽媽10月懷胎生下小妹依個百厭星。

所以小妹每年都會搵不同蛋糕,答謝媽媽帶小妹來到依個花花世界...今年巧遇屋企附近(荃興徑)開咗新嘅蛋糕專門店當然要一試啦!

企係遠遠處已經見到黃澄澄嘅招牌...


小帆船圖案加上諾亞半熟蛋糕專門店字樣,小妹見到已經食指大動啦!


門外凍箱排列住一個又一個蛋糕,每個看下去都好似係度同你招手,快d帶我返去啦!


因為小妹放工去到時間都有點晚(7點半算不算上晚呢?!)見到凍箱內部份款式嘅蛋糕都空了或只餘下一個! 相信一定係好好味所以都賣光了!


步入鋪內見到一張超大嘅蛋糕餐牌,上面都例上店內蛋糕同泡芙款式...見到一張一張食物嘅相小妹已經好肚餓啦!

忌廉哥都係上面呀!


有點可惜小妹最想上試嘅抹茶半熟蛋糕忌廉哥特別版已經售罄...下次小妹要早一點!
今次只好選擇另一款蛋糕吧!


再睇之下竟然見到媽媽同小妹最愛嘅香芒...香芒溶心芝士蛋糕呀!再細心睇原來係限定產品!

小妹真係好幸運呀!竟然可以買到限定蛋糕而且仲要係心頭好~~

細心店員問小妹大約幾耐左右先會食蛋糕,因為可以幫手準備乾冰暫時雪住蛋糕~~好貼心呀!如非雪糕蛋糕店,小妹都好似未試過會有乾冰雪住雪糕呀!


由於小妹回家只花10數分鐘,所以店員都話時間剛剛好可以不用雪,而且更係最佳食用時間添(未食前可以先放到室溫中10-15分鐘味道口感更佳),盒子上亦有介紹到...


貓貓造型嘅蛋糕盒,好得意呀!


打開貓貓蛋糕盒就見到小妹最愛嘅芒果啦!芝士蛋糕上鋪滿一粒一粒切成方粒嘅芒果肉,加上芒果果醬,芒果控小妹大愛呀!

拎起蛋糕仲發現貼心服務添...


登登登登...原來盒內已經準備好刀叉同碟,不得不讚小刀除係刀外仲係一個食物鏟,切好嘅蛋糕好輕易就可以裝到碟上...細心情度爆燈!!!



蛋糕上面厚厚嘅芒果層,差不多成吋厚呀! 芒果迷一定不可以錯過呀!
芒果層下面就係芒果味嘅芝士蛋糕,對比一般芝士蛋糕,這個兩層嘅芝士蛋糕厚很多呀!



這個蛋糕比平日芝士蛋糕切起來鬆軟得多呀!輕易就可以用膠刀切開了...

一切開就見到溶心情況出現了...芒果味嘅流心醬慢慢流出啦!



看!流心醬比小妹想像的還要多呀!

蛋糕入口軟滑,而且有濃濃嘅芒果味,芝士味就細細品嚐下才淡淡散發出。

芒果酸甜味剛剛好,相信都是經過挑選吧,要不是一定會偏甜或偏酸了!

流心醬味道不會太濃不會搶走蛋糕味道,而流心醬細滑,沒有粗粒影響口感。

這麼好味嘅限定芒果溶心芝士蛋糕,家人秒速地搶空了!眼見家人吃得津津有味小妹都好開心!

今年嘅生日多得諾亞半熟蛋糕專門店,令小妹同家人過咗個滋味十足嘅生日~

想知多D關於諾亞半熟蛋糕專門店 可以Click入其Facebook -->  https://www.facebook.com/noahcastella/timeline

文章介紹為個人喜好及用後心得,不同人士各有喜好~

希望大家會鍾意小妹分享,小妹仲有其他Blog,FB PageIG,歡迎大家去睇~Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice