2014年5月18日 星期日

粥底牛肉宴@北斗翁頂尊火鍋料理

小妹由細到依家都好喜歡食肉類既食物,無論點都好一日三餐都要有肉,所以家人都會叫小妹做「食肉獸」,而咁多肉類當中除左羊肉之外,另一類當然就係牛肉啦!
因為牛肉可以提供高質量的蛋白質,而且含有與人體比例一致同全部種類的氨基酸,當中所含的肌氨酸比任何食物都高。除此之外,牛肉的脂肪含量很低,仲含有礦物質和維他命B雜,可以為人體提供每天所需要的鐵質。


因為小妹太喜歡牛肉啦,所以又點可以錯過同一班朋友一試有肥牛專門店之稱既北斗翁頂尊火鍋料理粥底牛肉盛宴呢!


Yeah Yeah Yeah !!!粥底牛肉盛宴我黎啦!!!

一入到去已經覺得環境好舒適寬敞,未食已經俾環境吸引住啦!!!
如果一家三/四口子就當然要坐佢地既Sofa卡座,自己自成一閣,有一種好似包左個小廳既感覺呀!!!

一坐埋枱小妹就已經見到好多林林種種既醬油同配料,例如XO醬、蔥、沙嗲醬等...
haha...又係小妹搞搞陣既時間啦!!!平日在家中混醬時就最愛加入生同熟蒜,因為小妹太心急啦,有時食物未熟已經放入口中,所以生蒜可以殺殺菌!!!

而北斗翁既食材咁新鮮,簡簡單單既混醬就已經好好味,唔洗多加花樣啦!!!
當然混醬係要視乎自己個人喜好...Haha!!!


除左有混醬材料,枱面仲已經有好多唔同既飲品呀!!!由左起有橙汁、酸梅湯、竹蔗水,食火鍋可能都會有少少燥熱就等小妹揀番樣下火飲品先。


係店內除左有以上面個幾款飲品之外,仲有多款不同既酒類可以選擇,啤酒、日本清酒...你睇下個酒櫃就知有幾多選擇啦!!!


小妹同一班朋友又點可以錯過店內推介既讚 大吟釀呢,大吟釀一般是以50%左右的精米釀製,釀成後會有自己特有的酒香同色澤。



小妹平日飲清酒時都會以熱水座暖清酒先飲用,但今次依款同小妹平日飲既好唔同,而係用冰水座至清酒凍身才飲用既!!!

一問之下,原來好品質既清酒應該係凍飲既,因為凍飲先可以真正品嚐出清酒既順喉、醇滑、香味、同辛或甘既味道。


的確今次飲既清酒沒有平常飲用時只覺得口內同喉嚨辛辣。這次試入口時,覺得比清酒比平常的香醇,在喉嚨時不會有想它快點滑下去既感覺。令次一試後,小妹開始慢慢改變了我對清酒既想法。


對小妹而言,食火鍋最好既飲品配搭當然就係啤酒啦!!!店內提供了兩款不同由啤酒機打出來既啤酒,分別為1664 BlancHoegarden。小妹就選上平日最愛的1664 Blanc。

 

今次盛宴既主題係粥底牛肉,意思當然係以粥底作為湯底啦!!!今次有好開心可以食到瑤柱白粥鍋底呀!!!


你地睇個粥底滾起時未放材料已經好香米味,而入口亦好綿!!!

今次另一重點係牛肉,小妹又點可以錯過試店內不同既牛肉配料呢!首先為大家介紹既有頂級雪花肥牛。美味可口肥牛要好食除左要肥牛本身有網狀既雪花紋外,當然每片肥牛既厚度都會好影響口感啦!!!


你地睇依碟切到厚薄相稱既雪花肥牛,每片肥牛上既雪花都好平均分佈係牛肉上,未食已經知道淥完出黎一定會好可口。
果然入口已經食到濃濃既牛香,而且肉質相當滑嫩,好好味呀!!!

一碟頂級雪花肥牛又點可以滿足到小妹同一班朋友呢!登登登登...有隻至尊牛肉船即刻登陸我地張枱啦!!!


隻至尊牛肉船分為兩面,兩面都以冰鎮方式將牛柳片同牛柳粒送上。

WOW!!!一片片切得厚薄適中既牛柳片,上面滿佈雪花紋,而且脂肪比例適中,相信食完味蕾一定可以好滿足。

由於小妹食牛肉都喜歡比較嫩身,所以輕輕一淥就己經將牛肉放入口中啦!!!!


一入口牛香已經慢慢湧出來,而且牛肉口感很好,一點韌既感覺都沒有,令我好想一食再食呀!!!

係至尊牛肉船上除左牛柳片,又點可以唔試埋牛柳粒呢?!

一粒粒既牛柳粒同先前既牛柳片一樣都滿佈大理石般油花,而且師傅已經將牛柳切成一粒粒適合一口食用的大細,真係好細心呀!

由於牛柳粒比較厚身,小妹都係決定要淥耐少少先食。但就算淥既時間長左,但肉質都唔會好老身,而且牛肉味比雪花肥牛更濃郁。

話明係食牛專門店又點會得至尊牛肉船同頂級雪花肥牛兩款牛肉配料咁少呢?!

小妹仲試埋佢地自製牛丸添,每好似波子般既牛丸整整齊齊排係碟上等緊小妹同朋友們!!!


牛丸入口彈牙,而肉汁依然保留係入面,味道令人回味。

識食牛當然仲會食埋牛既其他部位啦!!!就等小妹由牛頭開始介紹啦!!!

頭入面當然包括牛既口啦,而小妹要介紹既係口入面既精選牛脷托...用黎做火鍋配料小妹都係第一次食呀!!!

平日BBQ食到既牛脷托都係好脆身,而今次用淥既方法令牛脷托好爽脆煙韌,下次食火鍋一定會再點呀!

牛胃又點少得呢,今次食到既係牛既第三個胃(瓣胃)亦者係牛柏葉,我地食既仲要係爽脆黑柏葉。一般牛柏葉都係白色,因為經漂白過。

依個黑柏葉好爽口,煙韌但又唔係咬唔開個個感覺,好好味呀!!!

除左牛脷托同黑柏葉仲有牛骨髓,奶白色既牛骨髓淥完好似熱熱既啫喱,好得意呀!!

除左牛之外,一入門口就見到有大大個魚缸,好多新鮮既海鮮係入面游來游去,小妹又點可以唔試下D新鮮海鮮呢?!


平日龍躉起肉炒成小菜就食得多,今次就要試下淥生劏龍躉片



WOW!!!一片片厚厚而且雪白既龍躉片,好吸引呀!!!依個龍躉片肉質滑嫩而且啖啖肉無小骨,對於怕魚食到骨既朋友就最好不過!!!

大魚又點只龍躉,仲有鯇魚呀!!!脆肉鯇骨腩片最岩小妹啦!!!



雖然係魚腩位置會比較多骨,但師傅貼心地將魚腩切成一片片薄得可以透光般既腩片,所以就算唔係好識吐骨既朋友都唔怕俾骨卡於喉嚨,而脆肉鯇淥完唔會散曬,入口好滑呀!!!

食完大魚當然要食下D體型比例細小小既鱔啦!!!咸淡水鱔片呀!!!


放入粥底不消數分鐘就有肉質爽脆既水鱔片食啦!!!

手打魚滑就係小妹魚食之中其中大愛啦!!!因為小妹屋企都可以算上係水上人,家中食火鍋時都會自己親手打魚滑,試過自己打就知道要打出好味又滑既魚滑好考功夫 (小小TIPS:如果打既時間要去走油膩可以用茶代水打)。

今次食到既魚滑,完全唔腥之餘仲好彈牙,而且好足魚味,完全係百份百用魚打出黎,而唔係一般加左面粉打出黎個D!!!

食肉獸既小妹當然除左牛同魚之外仲要試下其他肉同內臟啦!!!

首先有頂級鴕鳥肉!!!鴕鳥肉又係含有豐富蛋白質,而且含有多元不飽和脂肪酸,就算食多左都唔怕!!!



鮮紅肉滴既鴕鳥肉,淥完肉質都唔會老身,味道相當不錯!

黃沙靚豬潤對於平日小食豬潤既小妹都忍不住口呀!!!



依碟豬潤唔似一般食到咁好粉,而係爽口,仲要去走根,令豬潤唔食有渣!!



仲有碟新鮮鵝腸等緊小妹添!!!輕輕淥一淥就可以食到爽脆既鵝腸,真係性急小妹既大愛!!!

食左咁多肉同內臟又點可以試下其他野呢?! 北斗翁既鎮店水餃皇都好美味!!!


一隻隻大過湯匙既水餃,入面包住數隻蝦、木耳絲、蝦肉等材料。一口入面總會食到彈牙既鮮蝦同爽口既木耳絲!!!YUMMY!!!

店內脆口炸腐皮都好好食,因為都係新鮮即炸成金黃色,所以上枱時有散散香味,絕對唔係出面食到好有油"益"味既響鈴...


而個脆口炸腐皮有兩個食法,可以用提供既酸甜汁醮來食,另一個方法就係醮粥底...由於小妹鍾意食脆卜卜既食物,所以都係醮酸甜汁!!!

一枱到都係食物,真係好開心呀!!!

當差不多飽飽之際又點可以唔食埋個日式野菜籃平衡下呀!!!一個菜籃有多種不同既蔬菜,例如:生菜、西洋菜、金菇菜...


食飽之後仲有水果同甜點作總結,真係好完美既粥底牛肉盛宴呀!!!


餐廳資料:
名稱:北斗翁頂尊火鍋料理 Beidouweng Hotpot Cuisine
地址:銅鑼灣波斯富街99號利舞臺19樓
電話:2191 7328


是次試食為個人觀感及分享,菜式口味優劣屬於小妹個人感覺,不同人士口味各異。

Blogspot
TheZtyle




2014年5月13日 星期二

I Love Organic, I Love Jayanti

小妹近年迷上了天然同有機,不單止係飲食上,而且個人護理用品同護膚品上都會不停試上唔同既天然有機產品。今次就等小妹試下生產過程通過了有機認證既 Jayanti 賽雅媞的有機天然護理產品啦!
 原來Jayanti 既產品除左係生產過程通過了有機認證,絶對自然和環保,而且Jayanti 的美容産品均得到國際權威機構 ICEA 的有機環保認證,堅持使用頂級有機植物萃取,確保效果顯著持久,係産品的外包裝都註明原産地和清晰簡明資料。

好啦!事不宜遲就等小妹同大家分享小妹用既第1樣個人護理用品。


登登登...就係有機摩洛哥堅果油洗髮露 (Organic Shampoo)!!!



一聽個名就知道洗髮露蘊含可以滋養頭髮既堅果油啦!!!小妹一向都好想試下堅果油既魔力,今次就可以啦!!


除此之外,仲有蘆薈等天然成份可以令乾枯既頭髮回復光澤,對於小妹已經電到受損開叉既頭髮,希望可以有救啦!



小妹試過用不同份量既洗髮露,發現到小妹到胸口長度既厚厚頭髮用圖中小小份量已經可以切底清潔頭髮。

以前小妹一直覺得洗髮露一定要有好多泡泡先可以洗淨頭髮,這樣就可以減低對頭髮同頭皮既傷害。但原來越多泡泡相反係對頭髮有傷害,因為泡泡越多就代表化學物品越多,太多既化學物品反而更加傷害頭髮同頭皮。


大家睇下Jayanti既洗髮露因為係全天然,所以唔會產生泡沬,輕輕按摩就可以將洗髮露既精華帶入頭皮,滋養頭髮。


洗完頭,未吹頭之前頭髮都唔會好難打理,髮尾都好滑順。平日如果趕返工返學,唔吹頭都可以即刻出門口,好岩平日成日都趕出門口既小妹呀!!!


輕輕將頭皮吹乾後,頭髮都唔會有毛燥頭髮飛曬起來,仲好貼服,一向好似爆炸頭既小妹都可以做到貼服似瀑布既髮型。好野,用左之後就唔洗俾屋企人笑我似獅子啦!

吹乾全把頭痛後毛燥byebye,好貼服呀!!!就算訓醒第二日都仲係好有光澤,Oh!!!So Nice!!!


除左有機摩洛哥堅果油洗髮露之外,小妹有幸可以試埋有機塑顏提升精華,之前就試過Jayanti既有抗炎修護同提升皮膚彈性既有機嫩白亮肌精華,效果都幾好,所以令我今次都期待呀!

等小妹為大家介紹到底有機塑顏提升精華有咩好處先啦!

主要針對暗啞的肌膚同有表情紋既精華蘊含有機植物萃取四川花椒和摩洛哥堅果油,可以有效促進血液循環,消除面部浮腫,擊退皺紋和細紋。

而高濃度的有機蘆薈凝膠能激活細胞更生,引導活性成份深入肌膚底層。使用後肌膚可以得到改善、柔滑細緻、輪廓明顯,回復年輕自信。


未打開個蓋已經聞到陣陣四川花椒萃取物既香氣,當然個味唔係太濃,容易為人接受既。就等小妹首先係手上上面試下個感覺先...




將小小精華搽上手背Testing,發現都精華都幾容易推開同搽勻,而且好快就被皮膚吸收,吸收後都唔會有太黏笠笠既feel...


之後當然都係面上試la!!!

因為小妹都有成日都俾人話塊面好腫好包包(haha...其實自己都覺得有小小),搽完幾日之後面部浮腫的確有改善,而且面黃問題都有輕微改善,起碼影起相時都唔會好黃好暗啞,有小小白裡透紅既感覺。


另外因為小妹成日都大笑同有好多小動作,令頸上都有小小頸紋同笑紋出現,當然今次點會放過試下可唔可以去走表情紋啦!!!


經過幾日既測試,頸上細紋都撫平左不少,相信日子有功之下應該可以擊退頸紋同表情紋。



睇產品介紹時,發現原來依款精華可以作妝前打底霜,小妹當然都會一試。
小妹將1比1既精華同液體遮瑕mix up,之後當bb cream咁搽,發現個妝都可以keep到一整日,而且卸妝後,面部都唔會好乾,下次去party都會keep住用依個方法。

文章介紹產品由品牌及Glamabox提供,而文章分享為個人喜好及用後心得,不同人士喜好及膚質各有不同。文中產品成分轉載自: http://www.glamabox.com/hk/tc/product/2216 & http://www.jayantihk.com/zh/

小妹其他Blog都歡迎大家去睇下!!!




2014年5月6日 星期二

My Month - My April Box

~~Happy April, My Month~~

四月 April 又點可以少得有我 .四月小妹. 呢!!!

小妹係四月份真係收到好多不同既禮物, 因為可能有好多人以為我係四月出世,所以特別送上生日禮物。Haha...唔好意思呃左大家,小妹唔係四月生日,但都係因為D特別原因所以先會叫小妹點解叫April,等小妹生日個個月(放心唔洗等好耐既~~)再話俾大家聽啦!!!

一向都對盒子情有獨鍾既小妹 ,細細聲話你知...因為用盒子將雜物收好,咁樣就會咁易俾屋企人知買埋買埋好多小玩意啦!!!

而係咁多份禮物之中當然又點會少得有Glamabox既四月盒子啦!!!


一打開就見到「延續美麗,發放青春活力」,岩曬唔夠青春既小妹!!!


Haha事不宜遲!!!就由小妹同大家一齊睇下Glambox既四月盒子點延續美麗,為大家發放青春活力...Let's Go!!!


好多件不同品牌既產品,當中有d品牌係小妹由細個就開始聽過,有d就係第一次接觸既!!!

率先為大家介紹既就有細細個已經開始有用既品牌 - 施巴,而今次係盒子入面既就係微囊保濕啫喱。 



開左小瓶就見到透明凝膠,而凝膠中有好多一粒粒既綠色小珠,相信小珠應該就係「緩釋微囊水珠 - Sebaspheres」,原來一粒粒既緩釋微囊水珠係有持久發揮保濕既功效, 仲可以令肌膚持續潤澤柔滑。除此之外,產品中仲有透明質酸、蘆薈、尿囊素等,可以保持肌膚持久濕潤亮澤。

搽上面上真係幾保濕wo!!!沖完涼臨訓覺之前搽,唔洗一陣已經吸收曬,到左第二朝起身,就算係冷氣房成晚塊面都唔會好乾,保濕程度都幾好,今個夏天晚晚開冷氣可以靠佢。


第2樣為大家介紹既就係Cosmetic Skin Solutions Hydrating B5 Serum。


依款B5 Serum除左有維他命B5促進細胞生長,修護受損肌膚組織,改善敏感之外,仲有透明質酸(Hyaluronic Acid),可以為皮膚補濕同緊緻毛孔

本身以為細細三粒好快就用完,但原來一粒都可以用到3-4次,因為每次都只係要少少就可以搽曬成面,其他我就用個CON盒裝住留番下次用。


唔...係未搽之前小妹塊面係有D乾,部機讀到既數值都係負2,搽完之後讀數就升左,真係有補濕,而且搽完面上既暗瘡疤有淡左少少,相信應該係維他命B5既幫助。我仲好鍾意佢好快吸收清爽唔會有好笠既感覺。

第3樣盒子入面既品牌就有Jayanti,3月既Glamabox都有出現過依個牌子,可以睇番清新的3月盒子 睇下依個牌子既其他產品。
今次收到既係纖體消脂霜同塑身修護霜,小妹既大腿腰平日收收埋埋唔少豬腩肉,搞到小妹去游水同船河都唔夠膽着3點式,就等我試下可唔可以幫到我啦!!! Haha~~


原來Jayanti既纖體消脂霜入面有有機蘆薈凝膠可以有效加速脂肪代謝,刺激細胞更生。而且亦有有機橄欖油促進膠原蛋白的增生,提升肌膚彈性。只要每天有需要部位輕輕按摩2-3次,待完全被吸收便可。 

相比起小妹夏天為左減腿部既豬腩肉都將cream搽上腳,之後再搵保鮮紙包住一晚訓,容易得多,而且又唔會好似我平日用既方法咁第二日起身雙腳出曬汗,仲會因為紮得太實搞到有一條條紅線,肉鬼酸!!!

除左纖體消脂霜,貼心地仲有埋塑身修護霜,因為含有天然SPF功能既摩洛哥有機堅果油及其他天然滋養成分,可以增強皮膚彈性,重塑身體輪廓,有助減褪妊娠紋,同時保護皮膚不受外來環境傷害和重新平衡其ph值,於陽光日曬下也能給肌膚提供完美自然的屏障。


有左纖體消脂霜&塑身修護霜我就應該可以好快同船P,海灘Say Hello la!!!


要去船P同海灘又點可以少得要有個滑滑既背脊呢?! 小妹背脊成日都會有小小暗粒,夏天既時候都幾頭痛,雖然都會用D有茶樹精華既沐浴露,但又時都會搞到背脊太乾,繃繃緊!!!

好彩今次收到Afforsts既薄荷及尤加利沐浴露又可以俾小妹試下d新野啦!

 沐浴露入面原來有海茴香粹取液,有效促進骨膠元增生,令肌膚更富彈,而薄荷可倍添涼快感覺,尤加利有效平衡油脂分泌。

小妹試完雖然背脊d暗粒唔係退曬,但起碼冇嚴重落去同唔會有繃繃緊既感覺,幾舒服wo!!!

除此之外,仲有L’oreal MEX Pure & Matte 清爽控油磨砂炭黑潔面乳,入面蘊含2000磨砂微粒,可以能徹底通透潔淨毛孔,令持續不泛油光及有效深層去除黑頭死皮。



因為係男士配方,所以一係屋企打開盒子既時候已經俾細佬拎走左啦!!!



今次4月盒子仲因為復活節既原因,所以有神秘禮物添,一睇原來小妹收到既係Cetaphil Cleanser!!!之前屋企執屋俾D塵搞到皮膚敏感,塊面好痕,用完佢洗面就好快唔痕!!!

想知道多D關於Glamabox既盒子資料可以登入佢地網址: http://www.glamabox.com/hk/tc/glamabox

而且依家佢地仲有埋實體商店係銅鑼灣百德新街,可以即刻買盒子唔洗等運送,方便左好多呀!!!

文章介紹為個人喜好及用後心得,不同人士喜好及膚質各有不同。文中產品成分轉載自: http://www.glamabox.com/hk/tc/glamabox/2014-april-box
小妹其他Blog都歡迎大家去睇下!!!
Blogspot
TheZtyle

Glamablog

Elle

Pixnet