2018年10月20日 星期六

25+X的抗衰老小步曲【Lancôme Renergie立體塑顏緊緻系列】

25+X...除咗年紀不最年輕,連皮膚都開始出現老化問題,抗皺、提膚、緊緻塑顏已經離小妹不遠,加上工作家庭等生活問題,忙碌壓力更加重肌膚負擔。

有幸遇上Lancôme Renergie立體塑顏緊緻系列的3款最新於香港率先發售嘅產品,幫助咗小妹解決不少轉季、出差遇到嘅肌膚問題。


本月(10月)新推出的3款針對性護膚品,包括有舒緩和強化脆弱肌膚功效的鎮靜修護啫喱、獨有抗皺緊緻功效的修護面霜,以及重塑面部輪廓的緊膚面膜,有助修復肌膚屏障,對抗衰老痕跡。 

 而Lancôme Rénergie Multi-Cica系列(修護啫喱及修護面霜),特別採用無香料配方,專為喚醒和舒緩脆弱及泛紅肌膚而設,以迎合敏感肌膚的需要。 


Rénergie Multi-Cica Gel Apaisant立體塑顏緊緻修護啫喱能舒緩乾燥、痕癢、 泛紅及敏感皮膚,以療程方式(連續七天使用) 或週期性護理方式,為肌膚鎮靜舒緩。使用時能瞬間降低肌膚溫度,發揮即時舒緩效果,加上蘊含保濕及鎮靜的活性成分,有助改善繃緊泛紅。


包裝上已經清楚列出使用方法,潔面後塗於面上,靜待10分鐘後,用清水洗淨。

為配合7天療程方式使用,所以修護啫喱為7支獨立包裝。


深黃啫喱質地,於肌膚上超易可以推開。
獨立包裝使用時十分方便,特別係小妹出差時帶齊外遊日數份量,輕易就可以完成連續7天使用目標。


一支份量剛好小妹塗抹全面,而且有D重點問題位置(痘痘位、泛紅位)都足夠多塗一點。


使用時最深刻感覺到冰冰涼涼,皮膚泛紅帶熱感覺馬上舒緩。
而且痘痘位明顯比較易消退,平日花上幾天的紅腫痘痘,使用期間一兩天就消退。

另外,小妹出差韓國天氣乾燥,落機已經雙頰泛紅乾繃繃,但晚上使用後問題馬上舒緩,而且感覺肌膚補充到水份,不再感到乾燥。


Rénergie立體塑顏緊緻修護乳霜專為修復肌膚屏障而研製,結合立體塑顏緊緻系列的抗皺緊緻功效,配方採用[Up-Cohésion]TM科技加上模擬加速肌膚老化的太空微重力環境下研發測試,令修護乳霜不單緊緻肌膚,更具抗衰老功效。 


乳白色的修護乳霜,易於肌膚上推開,而且尖尖嘴口更易擠出適用份量。


小妹於全面連頸部都會塗抹,使用後皮膚感覺更緊緻,而且有微微保水功效,皮膚不易變乾出油。
韓國之行亦有賴乳霜幫小妹塑顏,令上妝更貼服,而且不易出現乾紋及出油情況。


Rénergie Multi-Lift Masque,有助緊緻肌膚同時提升五官及輪廓的立體感。 嶄新科技蘊含蜂蠟及棕櫚蠟,配方能在睡眠期間滋潤肌膚,有助改善肌膚彈性,強效緊緻肌膚及重塑輪廓。 


淡黃色的睡眠面膜,一擠出來已經有陣陣蜂蜜香味,而且明顯上比較「杰」身,單一於肌膚上塗於肌膚上比較難推開,但如面上塗上精華或面霜後推就會比較易推。


小妹差不多2-3晚就會用一次睡眠面膜,由於瞓覺時間就可以做到修護,小妹係懶人達人當然最喜歡不過啦!


塗抹完就可以馬上去瞓,因為Rénergie Multi-Lift Masque比一般更易吸收,面上不會有痴笠笠感覺,唔怕會整污糟枕頭。


圖為第二日瞓醒後未洗面時,皮膚明顯飽滿有神采,而且膚色明亮。

依個全新系列仲係香港率先推出,中國內地都未有得買呀!

全新Rénergie Multi-Cica Gel Apaisant立體塑顏緊緻修護啫喱 
建議零售價*:$700/3ml x 7 
全新Rénergie Multi-Cica Anti-aging Repair Crème立體塑顏緊緻修護乳霜 
建議零售價*:$820/50ml 
全新Rénergie Multi-Lift Masque 立體塑顏緊緻面膜 
建議零售價*:$700/75ml 

文章介紹為個人喜好及用後心得,不同人士各有喜好,體質亦各有不同~

是次產品由LANCÔME提供, 而產品成分轉自LANCÔME Website
想知更多產品資料可以Click入LANCÔME Facebook

小妹仲有其他Blog,FB PageIG,歡迎大家去睇~

2018年9月22日 星期六

我的「小黑瓶」之旅|LANCÔME升級版嫩肌活膚精華肌底液

近年小妹發現過往用開嘅護膚品開始有大不如前嘅感覺,每次用上不同面膜、精華、面霜等都好似有「差少少」感覺!

後來同朋友傾起先發現小妹可能因為冇用開肌底液嘅習慣,肌膚年輕蛋白同活膚機制因年紀漸大而變得不再年輕,亦令護膚品不易吸收。

當然唔可以俾肌膚差落去要想想解決方法,朋友們不約而同推薦小妹一試LANCÔME嘅小黑瓶(Advanced Génifique 升級版嫩肌活膚精華肌底液)。


Advanced Génifique 升級版嫩肌活膚精華肌底液以Saccharomyces Cerevisiae(釀酒時使用嘅酵母)酵母萃取為成分,酵母萃取可以令肌膚表皮變得綿密細緻,有助強化肌膚保護屏障功效,加上酵母可助肌膚底層細胞修復合成,賦活及激活肌膚,有助後續保護品更易吸收,亦令肌膚變得年輕。


研發小黑瓶期間進行過180個配方測試,將Lancôme嘅嶄新專門科技帶到護膚品內。
順帶一提小黑瓶係由法國製造的。


小黑瓶以按鍵式泵設計,一泵就已經是足夠一次份量,使用簡單又方面。


半透明嘅精華肌底液,質感輕盈,於肌膚上輕易就可以推開。


由於係肌底液,要為肌膚打開吸收大門,當然係潔淨面部後第一步啦!

一於同大家做過前後對比啦!

未用之前肌膚無咁飽滿,仲帶有小小暗啞添,搽完面部明顯帶有光澤,透亮度都有提升一點,而且亦比較上柔滑細緻。

其實小妹用後開頭一兩天面部有D小暗粒小狀況出現,相信由於係肌底細胞修復同合成過程中,肌膚輕微出現炎性反應,幫助細胞加強修復力。

過後幾天就再冇小紅點出現,肌膚亦變得更光澤細滑,後續護膚品都明顯吸收得較之前快。


小妹慶幸小黑瓶出現,令小妹唔再白白因肌膚問題而浪費其他護膚品,Thanks LANCÔME!

文章介紹為個人喜好及用後心得,不同人士各有喜好,體質亦各有不同~

是次產品由LANCÔME提供, 而產品成分轉自LANCÔME Website
想知更多產品資料可以Click入LANCÔME Facebook

小妹仲有其他Blog,FB PageIG,歡迎大家去睇~


2018年8月23日 星期四

我要做Kissable Lips女朋友!KOCOSTAR 保濕水潤凝膠唇膜

小妹嘴唇向來都易乾同甩皮,特別夏天長時間係冷氣地方,乾得更快...仲搞出好多尷尬場面添,尤其係同男朋友錫錫時,到底點先可以做到Kissable Lips女朋友?!

近日有幸可以試到來自韓國人氣品牌KOCOSTAR研發出既誘惑又可愛迷人的保濕水潤凝膠唇膜,一於要為男朋友改變一下~ 



外型獨特玩味的KOCOSTAR 保濕水潤凝膠唇膜,以大大誇張咀形包裝,非常可愛迷人,難怪被選為2017 Cosmoprof 10大最獨特美容產品之一。

KOSOSTAR保濕水潤凝膠唇膜共備有五款不同功效及味道,薄荷-排毒抗氧化、香桃-提亮滋潤、藍莓-舒緩滋養、玫瑰-保濕亮澤及櫻花-緊緻活膚。每款唇膜蘊含植物萃取物及保濕因子,為雙唇保濕滋潤,舒緩乾燥問題,並有助令嘴唇回復柔軟,同時令唇妝更易上色及顯色。唇膜同時通過韓國KOTITI重金屬測驗,不含有害成分。

小妹今次用嘅係薄荷,含薄荷葉水可以排毒功效、有助去除死皮,撫平煩惱唇紋。而綠茶葉提取物有助抗氧化、激活肌膚、滋潤雙唇。


打開唇膜包裝,內附有唇膜勺用來拎出唇膜,同時可以減少手部接觸未使用的唇膜,方便衛生。



一盒內共有20片唇膜,薄薄的唇膜,真係令小妹心動。


用法都非常簡單,只要取出唇膜置於雙唇上。待10分鐘後取下唇膜,再用手輕拍餘下嘅精華即可。


本來小妹都有少少怕唇膜敷上唇時,會有黏住不舒服嘅感覺,但一試後完全改觀。

敷上唇時只係感到有薄膜輕輕緊貼,全無不適,就算小妹舌頭嚐到唇膜都無奇怪味道,so nice! 

試過敷唇膜大大片好易滑落,但係用KOCOSTAR唇膜就算我不停郁來郁去,低頭玩電話都唔會滑落,可以做住野敷Mask真係好正!


用後雙唇明顯無咁乾,小妹用咗兩星期 (大概3-4日就敷一次) ,出現乾死皮同甩皮情況都減少,唇紋都有淡少少。最驚喜係個唇唔再紫紫黑黑,好似帶少少紅潤感覺。


當然塗起唇膏都更易,而且更上色,就算塗淡色都明顯咗!

KOCOSTAR保濕水潤凝膠唇膜已經登陸香港SASA門市啦!每盒建議零售價 $248/(每盒共20) 。

希望大家鍾意小妹分享,小妹仲有其他Blog,FB PageIG,歡迎大家去睇~