2014年3月13日 星期四

夏天不同缺少 - SFERANGS肌膚法寶盒

一白遮三醜細細個已經聽到耳熟能詳!!!相信好多女士都好想有勝白如雪既肌膚,所以都好怕曬黑。

小妹自問天生都唔係白白滑滑既女生,而且又喜歡outdoor活動,成日都好鍾意林心如話既「同陽光玩遊戲」,但身為女仔點都想白D遮下皮膚既瑕疵。

有次同朋友上網見到有盒美白套裝做緊優惠,當然二話不說就買左...Oh!!!女生都係天生購物狂!!!

講緊既美白套裝就係SFERANGS肌膚法寶盒啦!!! So Nice, I love the white box so much!!!


原來SFERANGS係著名既韓國醫學美容品牌!!!而依盒肌膚法寶盒仲係用左生物技術同納米技術創造成的美膚產品,聽到就覺得好勁啦!!!等我馬上去試下先~~

一盒入面有8件產品,但由於個朋友好鍾意其中兩件(極致美白面膜&神奇修復眼霜) ,所以有兩件拱手相讓左俾佢!!!但餘下6件都啱曬陽光味重既小妹用!!!
1:極致美白面霜
2:天然防曬乳液
3:蘆薈潔面泡沫
4:極致美白活膚水
5:極致美白精華
6:三重遮瑕修護膏
開始之前當然要test下我依家肌膚情況啦!!!就算近日陽光唔係好勁,但室內外既紫外光都不停影響緊我既皮膚,你地睇下未急救之前小妹皮膚數據幾差!!!
 Oh no!!!All in negative value, i need to save my skin~



其實未曬之前就應該要用天然防曬乳液去保護,因為紫外光好傷我哋既皮膚。紫外光唔止陽光有,連平日室內燈光都會有,所以OL話係室內工作唔洗搽防曬,其實都未必啱!!!

一般如果唔係去戶外長時間曬,SPF 30都足夠,當然如果去沙灘或者長時間係戶外做野既朋友就要SPF度數高小小先可以保護到!



而SFERANGS既防曬乳液SPF 50+ PA+++,足夠我去戶外活動時用,而且細細枝可以放係隨身包定時俾我補搽。防曬乳液除左可以防曬之餘仲含有天然植物保濕因子為皮膚補水,今個星期日出海用就啱曬!!!


剛剛都講要SOS小妹D皮膚當然就係要試下一系洗面護膚啦!!! Let's Go!!!

首先係用下個蘆薈潔面泡沫!

打開已經聞到好香既味道,一睇原來潔面泡沫入面含有綠茶成分,所以有一陣陣既香味!!!除左綠茶當然有主角蘆薈,因為蘆薈性質溫和激刺性低,所以對於敏感皮膚同急救皮膚都好啱用。

用後感:因為本身轉季皮膚都比較乾,加上成日不停吹風皮膚有少少白色乾紋出現,但洗完面覺得好似濕潤番,白色乾紋都退左。

洗完面就搽Toner~~~

個Toner原來都含有巴西莓、百合、冰川牛奶等可以抑制黑色素形成,令肌膚亮白。

用後感:當然唔會立即由黑變白啦!但用完都覺得皮膚唔會繃繃緊,拍完上面過左2分鐘左右就好快吸收,好清爽!

好啦!!!睇下皮膚有冇變左先~~



比洗面同用Toner之前好似皮膚好左WO!!!數據去番正數啦!!!當然唔可以就既停,要搽埋個Cream同Surum~~~Go, go, let go!

我習慣會搽左Cream再搽Serum因為自己有時未必可以接受到太滋潤既產品,所以搽Cream睇下效果先。



一小瓶入面既Cream已經可以搽4-5次,可以好好咁試清楚產品。而個Cream本身有美白成分可以淡化肌膚斑點,提亮暗沉膚色。

用後感:用完之後都係好清爽,可能我皮膚本身好乾同黑,好快就吸收曬。

之後就搽Serum!!! Serum本身就高效美白,改善肌膚又可以緩緩紫外線引起的皮膚問題。


用後感:講真對於小妹係有小小笠黏黏既,如果冬天或者乾燥D既日子用會比較好!但都算好用!

事實至真!又睇下數字啦!

之後都講有6件產品,最後就係枝三重遮瑕修護膏~



SFERANGS三重遮瑕修護膏可以美白肌膚、改善皺紋及阻隔紫外光,而且長效遮瑕,平日返工用都適合。
SFERANGS肌膚法寶盒購自Glamashop!!!因為兩盒一齊買加上會員,所以都係大約$75左右一盒,用黎SUMMER SOS皮膚一流!!!


文章介紹為個人喜好及用後心得,不同人士喜好及膚質各有不同。
文中產品成分轉載自: http://www.glamabox.com/hk/tc/glamabox/sferangs-box-201401
blogspot
theztyle.com
glamablog

2014年3月4日 星期二

天然的2月Glamabox

每次收到Glamabox既每月盒子都會覺得好Surprise,因為每個月都會有不同驚喜,今個2月就有天然產品為我帶黎我無限驚喜。

除此之外,仲有甜甜既朱古力為充滿情濃氣氛既2月再添一份愛!
事不宜遲,等我同大家分享今個2月既天然驚喜啦!!!


你哋睇,只係一個小小既盒子已經有6個不一樣品牌,9件產品。收到時真係好覺得好滿足呀!!!

喜歡敷Mask既小妹我又點會唔即刻試下Annie's Way既Jelly Mask呢!

我收到既係薰衣草舒緩睡眠果凍面膜,薰衣草有舒緩同安撫的功效,對於成日訓得麻麻地既我真係好啱用呀!敷完之後可以令肌膚回復水嫩光澤狀態,真係好好用呀!

P.S: Annie's Way 果凍面膜仲可以放係雪櫃,當敷既時候拎出黎就可以有涼陣陣面膜。

試完依款薰衣草舒緩睡眠果凍面膜,真係好想試埋其他不同系列呀!因為夏天就到,放工敷番個涼陣陣既果凍面膜一定會好Relax,成日既倦意好快就會消失!!!


2月盒子點只得一款Mask咁少呀! 仲有來自美國有機品牌Michael Todd 南瓜面膜~~




南瓜面膜採用營養豐富的南瓜和甘醇酸,除咗滋潤同緊緻肌膚之外,仲可以令肌膚重現光澤同彈性,有助改善細紋和皺紋。

未打開之前已經覺得好有信心保證,因為有一層鋁紙將開口位封好,到用家手中先開封,確保衛生,打開之後已經有濃濃既南瓜味湧湧出黎,就好似有個南瓜係前面咁,好天然呀!


Michael Todd除咗有南瓜面膜之外,仲有100%有機卸妝棉,卸妝棉含有黃瓜,混合洋甘菊,金盞花,椰子和蘆薈成分,卸妝的同時仲為我帶黎清新感覺。


其實一向都有用開卸妝棉既小妹我,有時都會好煩惱,因為平日就算封好個袋口,卸妝棉都會好快乾,我再再放入保鮮袋先可以keep得耐d。但Micheal Todd既packing好好,有雙重保護可以令卸妝棉唔易乾。

而對於成日化完妝夜晚好懶卸妝既我卸妝棉真係一個好幫手,因為可以將大部份化妝品卸除,之後好易就可卸去所有化妝品。
P.S: 使用卸妝棉時可以先按在面上(不用用力在面上擦),待成分同化妝品混合,令化妝品容易帶走。

今個盒子卸妝都有2件產品,另一件就係D'ORIENT ACQUA 系列卸妝潔面啫哩~


卸妝潔面啫哩利用特別的抗老配方讓肌膚一邊潔淨一邊注入水份,而且可乾濕兩用,使用在眼部及唇部都沒有問題。

以下就有個小體驗利用4款不同的化妝品(順序眼線液、眉筆、唇膏及唇彩)去証明可以卸去眼部及唇部的化妝品都冇問題。

圖3可以睇到化妝品同卸妝潔面啫哩溶和一地變成黏液,只要用紙巾一抹就可以輕易卸妝。
而圖4經清水一洗,皮膚比化妝前仲要白同滑。

卸妝同時護膚同步進行!我依個小懶鬼又可以Save多d時間啦!

卸完妝點可以少得要潤膚呢!!! 今次Glamabox都好take care到不同需要,特別有2款不同的面霜,分別係 Janue小黃瓜清爽水潤霜



同 Janue恒潤駐顏牛奶霜 ~~


兩款面霜都好滋潤,就首先睇下 Janue小黃瓜清爽水潤霜~



使用前皮膚的粗糙度係負3(好upset ar!!!)但你睇用完之後粗糙度瞬間就升至正5,真係好體驗到加上膠原蛋白既小黃瓜清爽水潤霜,令幼紋ByeBye的效果。

另外,Janue恒潤駐顏牛奶霜,含有豐富滋潤的鮮奶成份,讓肌膚瞬間高效吸收,使肌膚嫩白富有彈性。打開時散發出陣陣牛奶香氣,令我即刻想飲番杯牛奶!



效果証明搽完恒潤駐顏牛奶霜為肌膚注入水分,未搽之前水份都只係0度,但搽完水份立即提升至5度。好快就有彈彈既肌膚。

2月盒子亦都有Maxfactor既幻彩明亮睫毛膏,睫毛膏的基礎上添加4倍微閃幻彩粒子,營造出細緻的閃亮效果;再加上寶石色調的彩珠,可透過光學的反射,令雙眼的自然色彩更加突出,綻放更亮麗的閃爍神采。

 
而Max Factor的 iFX回彈式刷頭,能完全覆蓋每根睫毛,達至每根分明的效果,雖然睫毛膏質地比較乾身,但正因如此可以每根睫毛更分明,唔會令睫毛打結。


最後當然唔可以少得為我帶來一點甜既飛瑞爾鳥結杏仁牛奶朱古力。

以瑞士優質牛奶配合鳥結杏仁粒的香脆,烘培出獨特的瑞士風味,為2月濃情添上一份美。

想知道多d有關Glamabox既資料可以kick入佢地個webpage : http://www.glamabox.com/hk/tc/
文章介紹為個人喜好及用後心得,不同人士喜好及膚質各有不同。



2014年3月1日 星期六

Deliziosa Cena @ Jack's Terrazza Ristorante

當提到意大行菜,相信大家腦海都會浮現不同款式的pizza同pasta,雖然當中分為很好多不同煮法而且亦有多種pasta類型,對於少吃澱粉質的小妹我就真係少試。但試過Jack's Terrazza Ristorante之後,意大行菜在心目中改觀了不少!



一餐飯除左食物的色香味美之後,餐廳環境都係一個好重要的元素。浪漫環境下可以令一餐飯更加錦上添花、清幽環境下可以令人份外享受。當身處於既浪漫又清幽的Jack's Terrazza Ristorante,而且有大廚為我們一班朋友準備的晚餐,當然就係Wonderful Moment!



不可不提餐廳內仲特別設有"韆鞦吊椅",喜歡浪漫的朋友一定唔可以錯過,而且陽台位置亦設有數張餐枱,酷愛同朋友吹住陣陣自然風享受美食的朋友就最適合不過!



「美酒佳餚」有美味既佳餚之前當然係要有美酒作陪,而今次餐廳特意挑選的美酒竟然是小妹最喜歡的氣泡酒 - Moscato Dessert Wine 2008 (Italy)。小妹喜歡氣泡酒的其中一個原因就係酒內形態優雅的氣泡。除此之外,容易入口亦係我喜歡上它的原因。




大部份氣泡酒會比較甜,而且味道較易入口,所以一般都是女士喜歡揀選的酒。今次既氣泡酒都唔例外,而甜甜的氣泡酒亦為一餐佳餚揭起序幕。




品嚐冷盤之前有鬆軟的小餐包,一個個小餐包散發住陣陣香味,未食已經覺得可口,而且配上橄欖油同醋,真係perfact match!




今次的冷盤有我的最愛Goat Cheese風乾牛肉,厚薄適中的風乾牛肉將新鮮的露筍同香濃的Goat Cheese包起形成小卷,令每一口小卷都可以食到3種食材的味道。風乾的牛肉入口即溶,而Goat Chees更是對於喜歡羊獨特風味的小妹當然是愛不釋"口",我想喜歡羊獨特風味的朋友都應該和我有一樣想法!




冷盤之外亦有Salad,而今次的Salad就有地中海快燒生吞拿魚柳伴火箭菜車厘茄沙津




吞拿魚的外層輕輕燒香,內層Keep住係生,口感同味道和平時只係生食的吞拿魚有少少不同,而再配上火箭菜一齊食個味道相當不錯。而且火箭菜的營養價值十分高,它含有多種天然營養素,例如係維他命A、C,以及礦物質硒、鐵等等,對身體亦有不少的益處。


一餐意大利菜點可以缺少Pasta呢!




今次Pasta之選就係雜錦海鮮龍蝦忌廉汁燴意大利飯,平日少在晚餐食飯的小妹都忍不住口,每口飯都充滿龍蝦香味,而且再配上蝦、魷魚等的海鮮,令整個Pasta充滿海洋風味,食完仲有齒頰留香的感覺。




食完濃濃龍蝦味的意大利飯之後,送另一道主菜前竟然有用作Refresh的檸檬雪葩,真係好貼心!香香的檸檬味同雪葩口感都可以去除先之前3道菜式帶來小小膩口感覺,令我好快就想再品嚐下一味菜!


美味的菜式當然係想食唔停口,食完個Refreshment Dessert當然又係另一味主菜既時間啦!登登登登,香草芝士烤春雞!!!




細心的餐廳已經將烤好的雞切成四大件,方便大家分享食用。嫩滑的雞肉再配上特製醫汁,兩個味道配合得很好,令人有想一吃再吃的感覺。


除左烤春雞之外,餐廳亦為我地一班Girls準備左另一款白肉 — 香煎原條新西蘭龍脷魚配青檸牛油汁,另再配上烤香草新薯及鮮菜。很少機會會在西餐餐桌上可以看到原條龍脷魚,這點令我有點驚喜。




因為龍脷魚是以香煎方法處理,所以能做到表面香脆可口,但內裡依然保持細嫩肉質,再加上新鮮檸檬及青檸牛油汁更令龍脷魚的鮮味帶出來,但又不會有魚腥味。平日不喜歡吃魚的朋友都值得一試。


喜歡吃肉的小妹我又點可以只食烤春雞及龍脷魚, 最後當然還有我另一最愛牛肉。




這道蕃茄紅酒汁燴牛仔膝,牛仔膝經煮理後肉質入口即溶,不會有肉質難咬的感覺。再配上由栗米蓉炸成的栗米餅,整道菜式都十分配合。


不可或缺的甜品為美味的晚餐寫上完美的句號,而這餐的句號可以算上是豐富非常。




這道Dessert Platter由3款不同的甜品組成,分別是意大利芝士蛋糕、特式意大利雲呢拿朱古力雪糕及特式意大利朱古力芒果雪糕。


3款甜品中我最喜歡的是特式意大利朱古力芒果雪糕,因為雪糕有濃濃的芒果味,酷愛芒果的我一試難忘。另外的2款甜品都十分可口,令人想一試再試。


如果要我為這頓既晚餐打分,我想都會是坐8望9的分數。


想了解更加關於Jack's Terrazza Ristorante,歡迎到以下網站: http://www.jacksterrazza.com/


菜式口味優劣屬於小妹個人感覺,不同人士口味各異。


glamablog

theztyle.com