2015年10月24日 星期六

川味雞烤魚大王一嚐烤大魚

認識小妹嘅朋友都知小妹係魚怪好喜歡食魚。但小魚太多骨小妹有點怕,最好就係食大魚啦!今次就同朋友去咗川味雞烤魚大王食近年好流行嘅烤魚,一滿小妹魚癮~


見到點菜紙上林林總總嘅食物,小妹已經滿曬口水啦!



除咗有多款食物種類外,仲有多款飲品可以解渴。


佢地仲有vip可以join,$100入會即刻回贈$100coupon,平日消費又有折,太讚!!!


飲品先到,本來好想飲啤酒,但因為小妹唔舒服所以只好飲汽水啦!朋友就飲jolly shandy,小小酒先似相聚飯局!


Wow!!! 成枱都係食物呀!要開動啦!


頭盤食左個冷盤泡椒鳳爪


起初以為泡椒一定會好辣,但原來都唔會呀!

雞腳入口爽脆,不會太辣,相信不好辣的朋友都可以大快朵頤。


小妹一向都喜歡食湯麵,今次依碗仲係雞湯米線添!


米線爽口彈牙,但最正嘅係個湯,濃香雞湯,無味精味飲完都唔會口渴。


仲有佢哋個招牌口水雞

雞肉超滑,辣味濃,如果怕辣嘅朋友可能只可以少吃一塊!

小妹比較喜歡反而係上面D花生,因為好脆口,唔會淋支支~


終於到小妹Favourite...剁椒烤鲩魚(微辣)


因為係兩個人食所以只係細半,如果大半的話就會有埋魚尾添!

其實當中仲有不同伴碟配菜,如莞茜、白蘿蔔、芽菜、酸菜、椰菜...湯底麻香味濃,算上不錯~


魚肉唔會一夾就散開!

魚皮煎得香脆,喜歡脆口帶有少少咬口嘅朋友就要係魚皮未沾上湯就要食一口~


雖然是大魚,但魚肉沒有泥味,魚味不腥,怕食魚的朋友可以一試。

因為大魚魚骨都易挑出,入口可以啖啖魚肉。


美食當前加上有好朋友相陪,一於開動食曬全部!

文章介紹為個人喜好,希望大家鍾意小妹分享!

小妹仲有其他Blog,FB PageIG,歡迎大家去睇~