Birthday Gift @ Zalora

剛剛過去就係小妹由細到大最喜歡既六月, 點解?! 知唔係只係因為小妹係六月壽星囉!!!好野,生日又有藉口買下禮物俾自己啦!!但可惜人越大就越來忙,好多時放工都只係想係屋企做下宅女hea下,休息下,完全都冇精神同心情行街, 咁點可以買野俾自己wo~~~

但好彩依家網上購物咁方便,有online shop就可以滿足到我啦!特別係小妹最鍾意既一站式百貨online shop呀!!!因為產品類型又多又有不同特式,而且可以足不出戶就可以買到自己喜歡既野, so nice!!!
而小妹最近就喜歡上ZALORA購物, 一來因為產品款式又多又新。你地睇下佢地真係有好多不同種類既衫、褲、鞋、手袋…

ZALORA當然唔少得幫我地依d懶人將所有貨品都仔細咁分門別類，可以跟品牌、顏色、SIZE或者價錢分類!!!

令好似小妹依D鍾意跟自己喜好去睇貨品既大懶人就太好!!!穿就得返工, 而係ZALORA就發現左EZRA BY ZALORA 依個BRAND!!!好多TOPS都係SMART CASUAL款, 好適合返工呀!!!

依件衫有幾個ELEMENT都係小妹好鍾意呀!!!真係太好啦!!!
首先件衫有領啦!!!可以俾小妹偽斯文一下!!

而件衫個領位仲有Lace花紋又係我另一大愛，點解小妹會睇到領位有Lace花紋?!唔係因為小妹眼力好, 而係因為ZALORA個SYSTEM有得放大衫既其中一PART , 咁小妹就可以睇清楚先買啦!

件衫最大特色當然係刺繡LACE, 做得好仔細好細膩。而露肩設計最岩就係香港炎熱既夏天, 再配上鬆身剪裁就可以遮遮小妹D BYEBYE肉,太好啦!!!

LACE真係小妹大愛,左睇右睇又睇中左MOONRIVER件LACE上衣 (http://zh.zalora.com.hk/Lacey-Sweet-Top-124937.html) !!!

今次依件仲有4個不同顏色可以選擇!!!等我揀番件夏日既COLOUR啦!!!SKY BLUE, SO COOL!!

仲不論男女都有齊,真係好岩好似小妹我依類大懶人, 等小妹可以一次過買曬全身成套衫。

而且ZALORA以歐美風格為主, 品牌大多都係來自歐美, 例如有:MANGO, Something Borrowed, River Island…

對於有小小崇洋既小妹簡直係大愛呀!!!

所以生日的小妹都忍唔住係ZALORA買左幾件Top黎當禮物哄下自己…事不宜遲啦,就等我話俾大家知到底我買左D咩啦!!!

自從返左工之後,好多時都想買D SMART CASUAL 既衫, 因為可以唔洗點襯, 一

其中個件MESH INSERT PEPLUM TOP (http://www.zalora.com.hk/Mesh-Insert-Peplum-Top-132530.html?setLang=en) 就係一個好例子啦!!!平實COLOUR, 而且只有小小腰帶做裝飾, 平凡得黎又不失美感。而且束腰腰帶可以帶返腰型出黎, SO NICE!!!

而一向識小妹既朋友都知小妹唔係D斯文既人，所以就要靠衣著將自己扮得斯文一D!!! 而有領既衫就係其中一種我鍾意扮斯文既衣著啦!!!

千挑萬選，揀左件EZRA BY ZALORA 另一件上衣, 一件Lace恤衫 (http://zh.zalora.com.hk/Lace-Block-Blouse-130748.html/) !!!

除左領位連衫身都有LACE真係太鍾意啦!!!個STSTEM仲一次過SHOW曬件衫有咩顏色選擇, 岩曬我依D三心兩意既人可以一次過揀自己心水顏色啦!!!

小妹最終都係鍾意白色,因為個LACE好似SHOW得比較OUTSTANDING!!!HAHA!!!

鍾意LACE既小妹又點會放過其他LACE系列既衫啦!!!又為大家介紹我另一件生日禮物!!!EZRA BY ZALORA喱士露肩上衣(http://zh.zalora.com.hk/Lace-Yoke-Cold-Shoulder-Blouse-130715.html?setLang=zh) ~~~

而且背面係用拉鏈設計更加可以帶出腰形!!!

太多LACE同返工衫啦!!!揀番件T-SHIRT平日出街着下先!!!DOROTHY PERKINS間條T-SHIRT(http://zh.zalora.com.hk/Blue-Stripe-Yoke-Jersey-Tee-131304.html) 就岩曬…

T-SHIRT衫褲弧形設計，令T-SHIRT變得不平凡。而且藍白色調最適合SUMMER啦!

睇完我既介紹係唔係覺得好吸引呢?!想睇多ZALORA的貨品，就可以上佢地個網站http://zh.zalora.com.hk/ , 不論女裝男裝都有嫁，自己買衫既同時又可以同另一半買下衫都唔錯呀!!!

 介紹為個人喜好,並不代表該品牌之言論及立場。不同人士喜好各有不同。

Girls"泰式"嘆啦!!!

日日都忙忙忙，好耐冇同一班朋友去食下飯，chitchat下...咁難得約到班朋友緊係要去嘆下d特別既野食，簡單創新既泰菜加上國際菜式就岩曬小妹同一班朋友啦!!!

千挑萬選同朋友就揀左係IFC入面曾經獲《Fortune》雜誌評為最熱門餐廳既Greyhound Café，依間仲係首間係海外開設既分店添!!!見到餐廳外面咁有格調，已經好想即刻入去食呀~~

主菜之前緊係要食番D頭盤醒醒胃啦!!!小妹就揀左薄切三文魚做頭盤。

 將三文魚薄切後淋上特式的辣汁及莞茜製成的醬，最後加上生蒜片。味道有小小辣同微酸，非常醒胃，對於鍾意食辣既朋友真係頭盤既首選!!

除左三文魚外，小妹另一味好鍾意既頭盤就係佢地招牌脆炸單骨雞翼~~

已經將雞中翼切成單骨，對於女士們真係好方便呀!!炸出黎金金黃黃，味道適中唔算太鹹，但如果鍾意食濃味既朋友就可能會差少少!!

仲有另外兩度頭盤都好吸引同美味嫁，分別係秘製辣肉醬手包粉卷同粟米蟹肉餅~~

食完頭盤就去主菜啦!!!食泰國菜又點會少得食冬蔭呀，一於食番個泰式河蝦冬蔭公湯河粉~~

WOW!!!原隻大河蝦係個冬蔭公湯度沖緊涼呀，湯入面除左有河粉仲有D草菇添!!!個湯味道酸酸，微微有少少辣味，就算唔食得辣既朋友都可以handle到~~

個蝦就算係個湯入左浸左陣都好爽口，幾值得大家一試...

餐廳仲有一d國際菜，小妹同朋友都有試到，就好似泰式牛肉意大利麵啦!!

對於小妹味道就濃左少少，而且油膩左少少，如果一向鍾意食比較重口味既朋友就岩曬!!!

另外兩道主菜分別係鮮蝦炒金邊粉 & 軟殼蟹墨汁意粉，味道同賣相都不錯~~

餐飲方面，一向都鍾意飲檸檬茶既小妹就俾佢地個特色檸檬茶吸引住!!!

特色檸檬茶一到就已經feel到會好好飲啦!!!點解，咪因為個冰底係用茶代替水，就算冰溶化左都唔會令杯檸檬茶淡左，太好啦!!

飲入口覺得同平日d檸檬茶好唔同，原來係因為用左青檸，令成杯飲品味道再升華!!

有朋友就叫左另一款特式飲品藍蘭豆甜菊茶，藍藍既顏色傳出陣陣菊花香味，真係好特別!!!

甜品又係一餐飯的序幕，小妹揀左比較light一d既芒果葩菲。

葩菲係椰子味，入口有小小椰肉，而且有濃濃既椰味，感覺同食緊椰青無分別，好真材料呀!芒果糖味同椰香mix埋好fresh...食到底仲有小小椰汁糯米，好貫徹泰菜甜品特式~~~

另外朋友們分別點左3款不同的甜品都好美味!!

P.S:小小TIPS-因為餐廳座位有限，想食既朋友記得訂左位先!!!

餐廳資料:名稱：Greyhound Café地址：中環港景街1號國際金融中心商場二期1樓1082舖電話：2383 1133Website : http://www.greyhoundcafe.com.hk/index.php

菜式口味優劣屬於小妹個人感覺，不同人士口味各異。

Blogspot

TheZtyle

Glamablog

Elle

Pixnet

Ga Ki Nang（家己儂）之 旺角百樂潮州酒樓

Ga Ki Nang (家己儂)...雖然小妹唔係真正既潮州人，但細個既時候已經成日抆衫尾同親戚去潮式茶樓同菜館食野!每次一食就唔停得口，食飽飽仲要嘆番杯功夫茶...諗起就開心啦!!!

今次好高興又可以同一班好朋友同PR去旺角新世紀廣場既百樂潮州酒樓試食潮州菜。

事不宜遲，一齊睇下小妹地食左D咩菜啦!!!

第一味為大家送上既係涼拌魚皮 (~$48)!!!

爽口既魚皮以惹味既魚露再配上薑絲、紅椒、芹絲等涼拌而成，美味之餘亦十分醒胃，正正為豐富既晚餐揭開序幕!!!

除左魚皮做頭盤醒醒胃，不得不提仲有秘製生醃螄蚶(~$48)添~~

螄蚶鮮甜可口，而秘製醬汁濃度恰度好處，唔會搶走螄蚶既新鮮味道，而且有少少辣椒更加帶出螄蚶既鮮味!!!

去食潮州菜，小妹又點會錯過試下佢地出名既打冷名菜呀!!!
登登登登...白烚凍花蟹王(時價)~~

WOW!!!兩隻大大既花蟹，單單蟹蓋已經有手掌般大啦!!!
而師傅仲好貼心，白烚大花蟹之後，就將它斬件成易食既大細上碟，食起上黎好易，好岩小妹依D懶人，當然都好岩同老人家同小朋友一齊食啦!!!

蟹肉新鮮美味，而且蟹肉好結實，完全唔洗醮醬汁都好好味啦，而且D蟹膏又多又香，真係好想一試再試呀!!

你地睇單單蟹鉗既肉已經咁大舊，啖啖肉，so nice!!!(小妹個貪食樣都出左黎啦!!HAHA!!!)

 鹵水菜式又係潮州菜中Must食之選啦!!!小妹同朋友就有幸試到三款不同既滷水菜式!!!
第一款唔少得當然係潮州滷水拼盤(~$350)啦!!!

 一碟既滷水拼盤入面有小妹最愛既鵝肉啦!再有次愛既豆腐，仲有豬耳、鵝腸、大腸等!!!
鵝肉唔只有濃濃既滷水香味，而且滷到鵝肉好「林」好入味，但一D都冇好咸既感覺~~
豆腐又係好香，好入味之餘，仲外有小小咬口，個心就好滑，大愛呀!!!

第二味不可不試就係滷水豬蹄筋 (~$88)~~

一舊舊好重骨膠原既豬蹄筋，煙韌彈牙，女士們一定會好鍾意呀!

最後一味既滷水菜式就係滷水鵝肝 (~$120)~~


雖然小妹平日真係好少會食鵝肝...HAHA因為擔心自己會膽固醇超標呀!!
但今次都俾佢吸引到食左一塊，入口即溶，但鵝肝香氣即使鵝肝溶化後都依然齒夾留香!!

食左7樣佳餚，又點可以缺少美酒呢!!!今次有幸第一次試到野豬啤 (~$38一瓶)...

之前都聽朋友講野豬啤酒既白麥味好香，而且好易入口，女士們好適合飲，今次一試就真係不能同意多一點呀!!!小妹都不經不覺飲左差不多三枝呀!!!

香煎蠔仔烙 (~$198)又係食潮州菜常點既菜式~~

煎得金黃色既蠔仔烙內既蠔肉很大呀!!!但由於小妹比較怕食蛋的食物，所以只係輕輕試左一口，味道不錯!!!喜歡蠔仔烙既朋友真的要一試!!!

潮州粥品又係潮州菜既一出名食品，小時候都有問過籍貫潮州既親戚教路煮潮州粥，但每次只能煮出粥既外觀，但煮唔到外面食到既香味~~

今次有兩款粥，分別係方魚肉碎粥($96一窩)及蠔仔粥(~$110一窩)，小妹因為先前食左蠔仔烙，所以就揀左頭者一試~~

粥有魚香，只要加上少少胡椒粉就可以再將鮮味帶出更上一層樓~~

另外，小妹同朋友都試左好多不同既菜就好似有豉油皇煎倉魚球(~$208)

唔識吐骨既朋友就好岩啦!!!已經起肉既魚塊煎至金黃色鮮香美味!!!

另一味金黃色的就有潮陽炸雙棗 (~104八粒)


雙棗分別是蝦棗和蟹棗，兩者中蝦棗比較彈牙有口感，小妹就比較喜歡，但蟹棗口感及味道亦十分不錯的。單單一兩粒真的會不夠喉呀!!!

 另外兩味咸食分別為沙爹牛肉炒芥蘭 (~$98) 及碧綠川椒雞球 (~$108)...


沙爹味香濃，而牛肉又不會太老身，味道同火侯恰到好處!!!
而雞球雖然炸香外層，但肉質可以保持到嫩滑，相當不錯~~~

食完多味咸食，又點可以唔試埋D甜食呢?!首先有我的最愛最考功夫功架的反砂芋條 (~$98)


由於反砂芋就是把芋頭加上砂糖不停炒香，炒香的過程中砂糖首先會熔成糖漿，然後包裹芋頭，再之後糖漿又會轉回糖砂在芋頭的外層掛着...由於時間及心思需多，所以越來越少地方可以食到!!!

今次十分幸運，食到的反砂芋香口，而且甜味適中，食完一塊馬上就想食第二塊了!!!
由於小妹真的是一個芋迷，單單反砂芋真的不足滿足胃口大大的小妹，所以還有另一味芋頭製成的甜點，福果甜芋泥 (~$35)

甜甜的芋泥由香香的豬油炒成，雖然食起上黎有D膩口，但喜歡芋頭的人一定會愛不釋手!!!
小妹當日都大破戒，一口氣食左兩碗~~食完馬上就想到肥死啦!!!但真的太吸引了!!!
最後還有鴛鴦水晶包 (~$42)，但小妹真的飽飽了，所以未有一試，但見到晶瑩剔透的外皮包住滿滿的甜涵，相信一定十分可口!!!


完美的潮州茶點可以係功夫茶作終結呢?!一杯杯熱騰騰的香茶去了晚餐的飽膩感，還為晚餐畫上完美的句號!!!

餐廳資料:名稱：百樂潮州酒樓 Pak Loh Chiu Chow Restaurant地址：旺角太子道西193號新世紀廣場5樓523號舖電話：2390 0834

是次試食為個人觀感及分享，菜式口味優劣屬於小妹個人感覺，不同人士口味各異。

Blogspot

TheZtyle

Glamablog

Elle

Pixnet

粥底牛肉宴@北斗翁頂尊火鍋料理

小妹由細到依家都好喜歡食肉類既食物，無論點都好一日三餐都要有肉，所以家人都會叫小妹做「食肉獸」，而咁多肉類當中除左羊肉之外，另一類當然就係牛肉啦!

因為牛肉可以提供高質量的蛋白質，而且含有與人體比例一致同全部種類的氨基酸，當中所含的肌氨酸比任何食物都高。除此之外，牛肉的脂肪含量很低，仲含有礦物質和維他命B雜，可以為人體提供每天所需要的鐵質。

因為小妹太喜歡牛肉啦，所以又點可以錯過同一班朋友一試有肥牛專門店之稱既北斗翁頂尊火鍋料理的粥底牛肉盛宴呢!

Yeah Yeah Yeah !!!粥底牛肉盛宴我黎啦!!!

一入到去已經覺得環境好舒適寬敞，未食已經俾環境吸引住啦!!!

如果一家三/四口子就當然要坐佢地既Sofa卡座，自己自成一閣，有一種好似包左個小廳既感覺呀!!!

一坐埋枱小妹就已經見到好多林林種種既醬油同配料，例如XO醬、蔥、沙嗲醬等...

haha...又係小妹搞搞陣既時間啦!!!平日在家中混醬時就最愛加入生同熟蒜，因為小妹太心急啦，有時食物未熟已經放入口中，所以生蒜可以殺殺菌!!!

而北斗翁既食材咁新鮮，簡簡單單既混醬就已經好好味，唔洗多加花樣啦!!!

當然混醬係要視乎自己個人喜好...Haha!!!

除左有混醬材料，枱面仲已經有好多唔同既飲品呀!!!由左起有橙汁、酸梅湯、竹蔗水，食火鍋可能都會有少少燥熱就等小妹揀番樣下火飲品先。

係店內除左有以上面個幾款飲品之外，仲有多款不同既酒類可以選擇，啤酒、日本清酒...你睇下個酒櫃就知有幾多選擇啦!!!

小妹同一班朋友又點可以錯過店內推介既讚 大吟釀呢，大吟釀一般是以50%左右的精米釀製，釀成後會有自己特有的酒香同色澤。

小妹平日飲清酒時都會以熱水座暖清酒先飲用，但今次依款同小妹平日飲既好唔同，而係用冰水座至清酒凍身才飲用既!!!

一問之下，原來好品質既清酒應該係凍飲既，因為凍飲先可以真正品嚐出清酒既順喉、醇滑、香味、同辛或甘既味道。

的確今次飲既清酒沒有平常飲用時只覺得口內同喉嚨辛辣。這次試入口時，覺得比清酒比平常的香醇，在喉嚨時不會有想它快點滑下去既感覺。令次一試後，小妹開始慢慢改變了我對清酒既想法。

對小妹而言，食火鍋最好既飲品配搭當然就係啤酒啦!!!店內提供了兩款不同由啤酒機打出來既啤酒，分別為1664 Blanc及Hoegarden。小妹就選上平日最愛的1664 Blanc。

 

今次盛宴既主題係粥底牛肉，意思當然係以粥底作為湯底啦!!!今次有好開心可以食到瑤柱白粥鍋底呀!!!

你地睇個粥底滾起時未放材料已經好香米味，而入口亦好綿!!!

今次另一重點係牛肉，小妹又點可以錯過試店內不同既牛肉配料呢!首先為大家介紹既有頂級雪花肥牛。美味可口肥牛要好食除左要肥牛本身有網狀既雪花紋外，當然每片肥牛既厚度都會好影響口感啦!!!

你地睇依碟切到厚薄相稱既雪花肥牛，每片肥牛上既雪花都好平均分佈係牛肉上，未食已經知道淥完出黎一定會好可口。

果然入口已經食到濃濃既牛香，而且肉質相當滑嫩，好好味呀!!!

一碟頂級雪花肥牛又點可以滿足到小妹同一班朋友呢!登登登登...有隻至尊牛肉船即刻登陸我地張枱啦!!!

隻至尊牛肉船分為兩面，兩面都以冰鎮方式將牛柳片同牛柳粒送上。

WOW!!!一片片切得厚薄適中既牛柳片，上面滿佈雪花紋，而且脂肪比例適中，相信食完味蕾一定可以好滿足。

由於小妹食牛肉都喜歡比較嫩身，所以輕輕一淥就己經將牛肉放入口中啦!!!!

一入口牛香已經慢慢湧出來，而且牛肉口感很好，一點韌既感覺都沒有，令我好想一食再食呀!!!

係至尊牛肉船上除左牛柳片，又點可以唔試埋牛柳粒呢?!

一粒粒既牛柳粒同先前既牛柳片一樣都滿佈大理石般油花，而且師傅已經將牛柳切成一粒粒適合一口食用的大細，真係好細心呀!

由於牛柳粒比較厚身，小妹都係決定要淥耐少少先食。但就算淥既時間長左，但肉質都唔會好老身，而且牛肉味比雪花肥牛更濃郁。

話明係食牛專門店又點會得至尊牛肉船同頂級雪花肥牛兩款牛肉配料咁少呢?!

小妹仲試埋佢地自製牛丸添，每好似波子般既牛丸整整齊齊排係碟上等緊小妹同朋友們!!!

牛丸入口彈牙，而肉汁依然保留係入面，味道令人回味。

識食牛當然仲會食埋牛既其他部位啦!!!就等小妹由牛頭開始介紹啦!!!

頭入面當然包括牛既口啦，而小妹要介紹既係口入面既精選牛脷托...用黎做火鍋配料小妹都係第一次食呀!!!

平日BBQ食到既牛脷托都係好脆身，而今次用淥既方法令牛脷托好爽脆煙韌，下次食火鍋一定會再點呀!

牛胃又點少得呢，今次食到既係牛既第三個胃(瓣胃)亦者係牛柏葉，我地食既仲要係爽脆黑柏葉。一般牛柏葉都係白色，因為經漂白過。

依個黑柏葉好爽口，煙韌但又唔係咬唔開個個感覺，好好味呀!!!

除左牛脷托同黑柏葉仲有牛骨髓，奶白色既牛骨髓淥完好似熱熱既啫喱，好得意呀!!

除左牛之外，一入門口就見到有大大個魚缸，好多新鮮既海鮮係入面游來游去，小妹又點可以唔試下D新鮮海鮮呢?!

平日龍躉起肉炒成小菜就食得多，今次就要試下淥生劏龍躉片。

WOW!!!一片片厚厚而且雪白既龍躉片，好吸引呀!!!依個龍躉片肉質滑嫩而且啖啖肉無小骨，對於怕魚食到骨既朋友就最好不過!!!

大魚又點只龍躉，仲有鯇魚呀!!!脆肉鯇骨腩片最岩小妹啦!!!



雖然係魚腩位置會比較多骨，但師傅貼心地將魚腩切成一片片薄得可以透光般既腩片，所以就算唔係好識吐骨既朋友都唔怕俾骨卡於喉嚨，而脆肉鯇淥完唔會散曬，入口好滑呀!!!

食完大魚當然要食下D體型比例細小小既鱔啦!!!咸淡水鱔片呀!!!

放入粥底不消數分鐘就有肉質爽脆既水鱔片食啦!!!

手打魚滑就係小妹魚食之中其中大愛啦!!!因為小妹屋企都可以算上係水上人，家中食火鍋時都會自己親手打魚滑，試過自己打就知道要打出好味又滑既魚滑好考功夫 (小小TIPS:如果打既時間要去走油膩可以用茶代水打)。

今次食到既魚滑，完全唔腥之餘仲好彈牙，而且好足魚味，完全係百份百用魚打出黎，而唔係一般加左面粉打出黎個D!!!

食肉獸既小妹當然除左牛同魚之外仲要試下其他肉同內臟啦!!!

首先有頂級鴕鳥肉!!!鴕鳥肉又係含有豐富蛋白質，而且含有多元不飽和脂肪酸，就算食多左都唔怕!!!



鮮紅肉滴既鴕鳥肉，淥完肉質都唔會老身，味道相當不錯!

黃沙靚豬潤對於平日小食豬潤既小妹都忍不住口呀!!!



依碟豬潤唔似一般食到咁好粉，而係爽口，仲要去走根，令豬潤唔食有渣!!



仲有碟新鮮鵝腸等緊小妹添!!!輕輕淥一淥就可以食到爽脆既鵝腸，真係性急小妹既大愛!!!

食左咁多肉同內臟又點可以試下其他野呢?! 北斗翁既鎮店水餃皇都好美味!!!

一隻隻大過湯匙既水餃，入面包住數隻蝦、木耳絲、蝦肉等材料。一口入面總會食到彈牙既鮮蝦同爽口既木耳絲!!!YUMMY!!!

店內脆口炸腐皮都好好食，因為都係新鮮即炸成金黃色，所以上枱時有散散香味，絕對唔係出面食到好有油"益"味既響鈴...

而個脆口炸腐皮有兩個食法，可以用提供既酸甜汁醮來食，另一個方法就係醮粥底...由於小妹鍾意食脆卜卜既食物，所以都係醮酸甜汁!!!

一枱到都係食物，真係好開心呀!!!

當差不多飽飽之際又點可以唔食埋個日式野菜籃平衡下呀!!!一個菜籃有多種不同既蔬菜，例如:生菜、西洋菜、金菇菜...

食飽之後仲有水果同甜點作總結，真係好完美既粥底牛肉盛宴呀!!!

餐廳資料:

名稱：北斗翁頂尊火鍋料理 Beidouweng Hotpot Cuisine

地址：銅鑼灣波斯富街99號利舞臺19樓

電話：2191 7328

是次試食為個人觀感及分享，菜式口味優劣屬於小妹個人感覺，不同人士口味各異。

BlogspotTheZtyle

Glamablog

Elle

Pixnet