冬天最愛飲品 - 黑糖

檸茶、檸水、咖啡、奶茶...相信每個人都總會一種飲品係特別鍾意飲既。我當然都唔例外啦!!但我諗自己都算係比較養身既一群，因為除左係特別情況之下，如果唔係就算夏天我都會飲熱飲既。但冬天我既飲品List就一定會有一種好好飲又好補身既野飲...

登登登!!!就係黑糖類型既飲品啦!!!(Yeah，真係好好飲呀!!!)
  
 

其實以耐以前已經聽朋友同屋企人講黑糖好補身，好岩女士飲！！（黑糖好處）但我一直都冇試...但因為自已身體太差（成日冇lala暈係街，面色又超差），屋企人終於忍唔忍住買左包俾我試。終於一試難忘，依家我一星期都總有２日會係屋企沖黎飲（好彩成日飲都唔算太肥姐！！但就算肥同健康我諗我都係要健康！！）。

Haha～～當然唔小得同大家分享下我屋企依家有既黑糖la！！

第一個我既最愛當然就係 "黑糖紅棗桂圓薑母茶"（購自台灣） ~~

依款呢故名思義除左有黑糖之外，仲又有紅棗同桂圓啦！！以上３樣食品都係好補血，又可以令皮膚紅潤ｄ，對女士特別好！
而令我最喜歡佢既原因係因為薑母，自己本身係好鍾意食薑既食物，因為好暖身之餘又可以幫助身體出下汗，個人好似都健康左。

第２款鍾意既就係 "黑糖紅棗桂圓茶"（購自台灣）～～

佢除左有紅棗同桂圓之外，仲有枸杞／杞子！！而杞子可以明目對於我依個成日對住電腦既宅女真係好似度身定造一樣呀！！


第３位就係 "黑糖玫瑰四物" （購自香港）～～

依款茶個中藥味都比較濃既，因為佢有當歸、川芎、白芍、熟地依４樣中藥，全部都係一ｄ好補身，對女性調理身體都好有效。而玫瑰亦都有助血液循環，所以都會令人面色好ｄ既！

最後就有 "純黑糖"！

我除左會用黎自己加材料沖水飲之外，仲會用黎整野食，好似黑糖桂花糕、黑糖湯丸...

其實以上４款都好易沖水飲，因為佢地都係細細粒，只要加熱水就可以，又唔洗自己煲，簡單方便！！

P.S:我自己就會用以下個小圖份量沖２５０ｍｌ左右既水黎飲，因為好似冇既甜！

 

大家都不妨可以試下嫁，但如果period期間就唔係好recommend飲la!!!因為點都會有影響個血循環既!

文章介紹為個人喜好及用後心得,不同人士喜好及體質各有不同。

Beautyexchange

blogspot

Glamablog

theztyle.com