小妹一向都對蟹情有獨鍾，但奈何食蟹係何等麻煩之事，所以小妹向來都甚少係街外食蟹。但早排小妹同一班朋友知道喜記新出三道懶人必試以蟹為主題既菜式，好蟹既小妹點可唔同朋友一試呢？！
一入到喜記就見到有好多名人係喜記個牌上簽名，証明喜道應該都係深受名人喜歡。
再望另一面就見到好多生猛又新鮮既海鮮係魚缸入面，再見到介紹喜記既專訪，其中「喜記正宗炒辣蟹」更曾榮獲法國藍帶美食大獎，環境又靚又舒服!!!
事不宜遲，就等小妹同大家分享當晚食左D咩啦! 首先當然係餐前小食開下胃啦!
WoW，百味豆腐呀!!
用小妹最鍾意既豆腐撲上d脆粉再炸!外皮香脆，入面D豆腐不單止香仲好滑!!小妹平日小食煎炸野都食左兩三塊，So yummy!!!
開胃餐前小食又點會缺少小小酸辣既食物呢!
陳醋木耳，木耳爽口微辣，相當醒胃。而川滷牛展亦好有口感!
食完前菜就到今晚主菜一蟹三食既第一道黑松露菠菜汁鮮蟹鉗~~
一隻大過湯匙既已經拆殼既蟹鉗就沐浴係黑松露菠菜汁內，真係令小妹忍唔住想一啖食左佢!!
今次都係小妹第一次將蟹鉗好似雞脾咁大啖大啖食，啖啖蟹肉都好鮮甜，聽聞因為蟹鉗都係每日新鮮拆出，所以份外鮮甜!
而個黑松露菠菜汁味道唔會太濃郁，並冇搶走蟹既鮮味，配搭上相當合適!
而個黑松露菠菜汁味道唔會太濃郁，並冇搶走蟹既鮮味，配搭上相當合適!
第二味一蟹三食就有招牌將軍令!原來因為菜式好似一個個將軍令牌所以因此命名~
每個令牌都係用大量蟹肉加上少量蝦膠炸成，再以蒜蓉、豆豉，辣椒炒成，菜式上枱已經聞到香濃既蒜蓉豆豉香味，啖啖都有蟹味之餘仲有少許蝦膠令菜式彈牙有咬口!
最後一道一蟹三食就係鮮蟹肉脆皮鵝片。
以鮮甜味美既蟹肉配合莧菜蓉、芒果、黑松露油冰凍成蟹肉球再加上炸成金香可口既鮑汁鵝片，一冷一熱令菜式有一層又一層的味道，豐富了味蕾感覺!
食完三道蟹既菜式點夠小妹止蟹癮呢?!再上一道共黃金蟹蓋!
蟹蓋內釀有蟹羔、雞蛋、甘荀、肉...入口啖啖有蟹羔香味，而且用預先準備的小匙就可以一啖一啖食完整個蟹蓋，懶人真係好啱食!!!
食完蟹點少得食下其他海鮮呢?!海鮮又點會缺少魚呀!再上一道多寶魚兩食!!!
將多寶魚起肉同四季豆，甜椒等炒香成一食，而另一食則是將多寶魚魚骨炸至金黃香脆!!!
小妹比較喜歡炸脆魚的一食，因為香脆可口，但都要小心慢慢咀嚼呀!
海鮮又可止魚，當然仲有鮑魚，再上一道原隻蠔皇扣鮮鮑魚~
鮮鮑魚有咬口，但又唔會韌，濃香既蠔汁包裹住整隻鮮鮑魚又係啖啖肉之選!
要食肉又點可以缺少另一招牌菜金牌牛肋骨呢?!
牛肋骨帶有濃濃香味的牛味(真係好濃牛味，唔係講笑!!!)再配上特有醬汁，更令再度牛味帶出!!!如果喜歡牛的朋友一定好鍾意，仲要特別試骨位附近，因為牛味會再濃一點!!!
食完咁多肉點都要食一D菜平衡返，小妹就好欣賞以下一道野菌蟲菜泡田園蔬菜~~
因為小妹好喜歡娃娃菜，再加上野菌同蟲草花又有營養同時又美味!
小妹同朋友亦都點上櫻花蝦炒飯，炒飯點點均勻拈上雞蛋炒得香噴噴，而櫻花蝦味道為炒飯點綴不少!!!!
最後當然要以甜點作結啦!!!沒想到是小妹平日到酒樓必點的香滑流沙飽!!!
熱熱的流沙包分開後流出奶皇餡，滿滿的奶皇餡太味美啦!美中不足只係鹹鴨蛋可以更多令餡更香!
餐廳資料:名稱：喜記蟹將軍地址：香港銅鑼灣謝非斐道440號地下及地庫
電話：2575 7565
是次試食為個人觀感及分享，菜式口味優劣屬於小妹個人感覺，不同人士口味各異。
沒有留言:
張貼留言