又到轉季大日子啦！保濕＆防曬產品當然唔少得啦～小妹有幸收到Ultra B² SPF Travel Set就可以為小妹轉季日子保濕同做好防曬準備啦！
其實小妹一向都有用開B5保濕產品...但原來依家嘅保濕產品已經去到B² 倍效修復保濕。到底咩係B² 倍效修復保濕技術？！技術內除咗含有可以支持皮膚天然保濕作用嘅透明質酸納，而且係將可以治療修復皮膚成份嘅B3同B5合上。
B² 倍效修復保濕技術可以重點治療修復皮膚上的障壁層（皮膚的第一層屏障），而且可以改善皮膚水合作用，更可以減少水分流失。
講咗咁多B² 資料，都係番黎講番小妹收到嘅Ultra B² SPF Travel Set，Travel set入面包括有維B² 補效補濕精華10ml + 控油保濕防曬乳SPF30 25 ml，單單一set travel set已經價值＄350啦！！小妹要好好珍惜啦！
首先講下維B² 倍效補濕精華～
原來依枝精華已經榮獲Best Beauty Buy Winner NZ Best Beauty 2014，好勁呀！
細細枝帶去旅行好方便，而且按泵設計，十分衛生。
按出透明精華，精華質地有D似凝露，所以輕易就可以推開，而且好容易就俾皮膚吸收，雖然有少少黏貼感覺...但
當完全吸收後，感覺清爽唔油膩，唔會有黏笠感覺，夏天時用就唔洗怕笠痴痴。
用完後皮膚好似有層Cover咁，好滑嫩。
Travel set入面仲有另一枝產品就係控油保濕防曬乳SFP 30 啦！
小妹以前都提過SPF係防曬系數，在陽光充沛的日子下，它與要多久才受到太陽紫外線曬傷有關，而SPF 30正正就可以將出現明顯曬傷的情況延長至30小時才出現。
有咁長時間鍾意點曬都冇問題啦！
小妹係手都試推，感覺好輕盈，而且唔會好油膩，小妹最怕就係搽完防曬有笠笠地感覺。
去台灣旅行，小妹都有帶同行，平日出街前搽上，成個旅程返到香港都唔會曬黑，防曬效果不錯！
整體來說，精華保濕度不錯，而防曬能發揮其作用。夏天有依套良伴十分不錯！
想知多D關於UltraCeuticals產品可以Click入--> http://www.ultraceuticals.com.hk
or
其Facebook --> http://www.facebook.com/HK.UltraCeuticals
文章介紹為個人喜好及用後心得，不同人士各有喜好~
沒有留言:
張貼留言