駱駝漆工廈搵食篇－ACOCake Cupcake Party～

貪食嘅小妹剛剛搬到觀塘返工，當然要四出搵食啦！第一步就係公司所在嘅大廈內搵...

萬萬無諗到竟然會見到一間Cupcake小店！喜歡Cupcake嘅小妹一於要會一會下～

大門外有射燈投影出ACOCake字樣外還有一個蛋糕Display係門外，令人一睇就知道小店係賣蛋糕吧！

甫入店內就見掛着一幅又一幅嘅Cupcake掛畫，好多Cupcake，小妹快要發瘋啦！

而且更有數個位可讓客人在店內享用cupcake食品!!!

Wow!!!好多精緻又靚嘅cupcake、曲奇、手做糖霜...小妹花多眼亂呀！

一於由櫃頂開始睇起啦！

櫃頂有一枝枝飲品，當中有小妹最愛嘅Perrdies 有氣礦泉水同Esprit 有氣飲料...

下一層就有各式各樣嘅曲奇，不同造型可以適合不同派對!!! 

還有手做糖呀！好似細細過食嘅花塔餅呀！好精緻呀！

之後當然有佢地招牌cupcake啦！Mini版好得意呀！一口一個，平日party就啱曬。

小妹當然忍不住要同同事們分享啦！所以特別揀咗當日幾款Mini Cupcake買返公司俾同事...

分吃係Green Tea, 芝麻, 檸檬同香蕉。同事都讚味道不錯呀！

除左Mini Cupcake原來仲有為新人訂製Big Day Cupcake!

Cupcake有中式又有西式，就算Wedding點搞都可以Match到無有怕啦！

見到有D結婚公仔紙盒，原來ACCOCAKE唔止為客人整Cupcake仲有埋Packing，細心之極！

細心嘅ACOCake當然仲有為新人訂製結婚蛋糕，好細緻嘅花紋呀！

可想言之ACOCake手工巧手而且好有心思～

店入面仲有一樣令小妹心心眼嘅就係Le Cupcake de la alace...

到底係D咩等小妹為大家介紹啦！

登登登登...就係Cupcake底加上雪糕，再配上果仁＆蝴蝶餅...未食就知口感會好豐富啦！

當日雪糕有榴連同熱情果兩個口味，本身小妹想試榴連，但可惜要返工只好試熱情果味...

雪糕香滑，入口散散酸酸甜甜味道，熱情果味十分RICH～

一問之下原來個雪糕係限量，出面無得買嘅...

雪糕上的焦糖海鹽醬，咸甜適中配上雪糕三個味互相Match！

Cupcake 味香而且鬆軟，再配上白滑Cream，一口食曬三層，口感豐富而且各有特式。

另外在雪糕旁邊嘅蝴蝶餅亦十分香脆，而Hazelnut用朱古力包住甜甜地但又不會蓋住棒子味，味道一流！

一杯就有多個味感，配上甜酸咸三個味道，太豐富大滿足呀！

想知多D關於ACOCake可以Click入其Facebook -->  https://www.facebook.com/acocake/timeline

文章介紹為個人喜好及用後心得，不同人士各有喜好~

希望大家會鍾意小妹分享，小妹仲有其他Blog，FB Page及IG，歡迎大家去睇~Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

「吃喝玩樂」半天海上之旅＠小木船 Wooden Boat

夏天快到啦！又係出海好日子，而熟悉小妹嘅朋友都知小妹超喜歡到海上玩...由其是係船P!!!

早前有幸試到係小木船WoodenBoat舉行嘅船上小派對，其實WoodenBoat個概念好簡單就係想令一眾都市可以走到一個寧靜環境，享受下海風，過一個舒服又輕鬆嘅下午，所以當日真係令小妹樂而忘返呀！

當日下午小妹就同好朋友Lulu去到屯門嘉道理碼頭上船。

WoW，小木船好靚呀！主層整齊枱椅可以方便一班朋友一齊進食。

而「飛橋」(即遊艇頂層)鋪上綠油油仿草地毯配上精美珊瑚裝飾佈置，最適合三五知己安坐談天說地。


主層仲有一盞又一盞古色古香嘅掛燈為船上點綴不少懷舊氣氛～


齊人就開船啦！今次派對嘅主題係5小時暢遊青馬大橋，所以船一開就當然係慢慢地向青馬大橋出發啦！

開船約半小時船主已經開始端上青馬大橋套餐到會（套餐內包括食物及飲品、5小時船程上所需要的物品HKD 480／一位）...


套餐中嘅每道食物都係船主精心挑選，主要以健康為題。都市人忙忙碌碌一星期，週末健康一點就最適合不過啦！

就等小妹為大家一一介紹套餐上每道菜式啦！

首先小妹就被一個又一個嘅〈香草雜菌酥餅〉吸引...


香草雜菌酥餅份量剛好足夠船上每人一件，入口時還是暖暖的，所以酥皮還是香脆，而中間嘅香草雜菌味道不錯，微微帶有少少濕潤感，配上酥皮就剛好是外脆內軟感覺。

一件件的食物還有這個〈燒汁金菇煙肉卷〉～


雖然小妹平日不太喜歡金菇有少少泥草味，但今次嘅金菇完全沒有這個感覺，可能因為燒汁同煙肉味都蓋過泥草味，而煙肉味又不會太鹹，小妹很喜歡呀！

另一道都是豬肉為主嘅食物就有〈日式鍋燒豬柳〉～


豬柳經走油，所以表面有微微脆口感。而當中茄子吸了小小汁，相當惹味！
肉類食物何止只有豬肉...還有雞肉，〈日式燒汁芝麻雞〉～


芝麻雞味道不錯，以到會雞肉來說肉質都算上滑嫩。

另外肉類還有羊肉，〈小木船燒羊肶〉～


小妹係一個羊控，見到大大隻羊肶差點失控啦！

這隻羊肶沒有羊羶味，所以對於平日怕羊羶味嘅朋友都可以接受，而入口啖啖肉，肉質都算滑，配上芥末醬味道不錯！

肉類以外還有蔬菜，就是這道〈蒜蓉牛油雜菜〉～



菜上有炸過嘅蒜蓉鋪面，這雜菜分別有茄子、椰菜、 豆角、紅蘿蔔、菇，入口時有啖啖牛油味。對喜歡牛油嘅朋友應該會大愛！

派對總要有一至兩道澱粉類食物方可飽肚，而今次的套餐上就有三道，相信如果派對上多男士亦會飽肚～

澱粉類食物中最吸引小妹就是〈咸牛肉沙拉醬中東薄餅〉


薄餅不是脆脆的界那種，而是有少少咬口的，配上牛肉醬及生菜就有多重口感。

另一道就是〈拿破崙雞絲意粉〉



向來意粉都是美味食物，今次亦不例外。

最後一道就是〈美國牛肉飯〉



牛肉和飯是分開上的，就不怕肉汁把飯浸成糊狀。

飯內加入了少少椰汁，所以入口有少少椰香，小妹十分喜歡！而牛肉的汁加上椰飯十分Match，而且比正常的牛肉飯更帶有另一番味道。

這次海上之旅另一重點就是要一睹青馬大橋風光，船由屯門開出先穿過到吸水門大橋。



小妹同船上新識嘅朋友都把握機會要同吸水門大橋合照。

穿過吸水門大橋後不到一會就到達青馬大橋...



小妹同Lulu都急不及待要同青馬橋拍照！



多謝Lulu幫助影下遠景青馬橋！

除了青馬大橋外，船還會駛到迪士尼碼頭～



迪士尼碼頭旁邊就係迪士尼酒店，酷似皇宮一般嘅酒店！



慶幸當日陽光十分充足，所以不論青馬橋相和迪士尼合照都可以影得很美！

在船程途中，船上亦有結他手一邊輕彈音樂，一邊唱歌。



如果客人喜歡亦可以點歌及一展歌喉。

 當日尾聲時小妹有幸有杯西瓜沙冰...


清甜嘅西瓜沙冰配上夕陽西下的景色為一整嘅海上派對畫上一個完美句號！

總括而言，食物味道不錯，環境當然是滿分，服務十分滿意(因為船主地都有熱情招呼)。

想知多D關於小木船Wooden Boat可以Click入--> http://www.woodenboat.hk/
or
其Facebook --> https://www.facebook.com/woodenboathk/

文章介紹為個人喜好及用後心得，不同人士各有喜好~

希望大家會鍾意小妹分享，小妹仲有其他Blog，FB Page及IG，歡迎大家去睇~Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice