小妹近日太忙啦！好多時都冇時間Enjoy Life, 但就算幾忙，小妹都會抽時間為生活帶一點甜
登登登登...就係去食甜品啦！今次小妹就去左旺角PHEROMONE Dessert一試佢哋嘅甜品啦！
2015年7月26日 星期日
2015年6月27日 星期六
駱駝漆工廈搵食篇－ACOCake Cupcake Party～
貪食嘅小妹剛剛搬到觀塘返工，當然要四出搵食啦！第一步就係公司所在嘅大廈內搵...
萬萬無諗到竟然會見到一間Cupcake小店！喜歡Cupcake嘅小妹一於要會一會下～
大門外有射燈投影出ACOCake字樣外還有一個蛋糕Display係門外，令人一睇就知道小店係賣蛋糕吧！
甫入店內就見掛着一幅又一幅嘅Cupcake掛畫，好多Cupcake，小妹快要發瘋啦！
而且更有數個位可讓客人在店內享用cupcake食品!!!
Wow!!!好多精緻又靚嘅cupcake、曲奇、手做糖霜...小妹花多眼亂呀！
一於由櫃頂開始睇起啦！
櫃頂有一枝枝飲品，當中有小妹最愛嘅Perrdies 有氣礦泉水同Esprit 有氣飲料...
下一層就有各式各樣嘅曲奇，不同造型可以適合不同派對!!!
還有手做糖呀！好似細細過食嘅花塔餅呀！好精緻呀！
之後當然有佢地招牌cupcake啦！Mini版好得意呀！一口一個，平日party就啱曬。
小妹當然忍不住要同同事們分享啦！所以特別揀咗當日幾款Mini Cupcake買返公司俾同事...
分吃係Green Tea, 芝麻, 檸檬同香蕉。同事都讚味道不錯呀！
除左Mini Cupcake原來仲有為新人訂製Big Day Cupcake!
Cupcake有中式又有西式，就算Wedding點搞都可以Match到無有怕啦！
見到有D結婚公仔紙盒，原來ACCOCAKE唔止為客人整Cupcake仲有埋Packing，細心之極！
細心嘅ACOCake當然仲有為新人訂製結婚蛋糕，好細緻嘅花紋呀！
可想言之ACOCake手工巧手而且好有心思～
店入面仲有一樣令小妹心心眼嘅就係Le Cupcake de la alace...
到底係D咩等小妹為大家介紹啦！
登登登登...就係Cupcake底加上雪糕，再配上果仁＆蝴蝶餅...未食就知口感會好豐富啦！
當日雪糕有榴連同熱情果兩個口味，本身小妹想試榴連，但可惜要返工只好試熱情果味...
雪糕香滑，入口散散酸酸甜甜味道，熱情果味十分RICH～
一問之下原來個雪糕係限量，出面無得買嘅...
雪糕上的焦糖海鹽醬，咸甜適中配上雪糕三個味互相Match！
Cupcake 味香而且鬆軟，再配上白滑Cream，一口食曬三層，口感豐富而且各有特式。
另外在雪糕旁邊嘅蝴蝶餅亦十分香脆，而Hazelnut用朱古力包住甜甜地但又不會蓋住棒子味，味道一流！
一杯就有多個味感，配上甜酸咸三個味道，太豐富大滿足呀！
想知多D關於ACOCake可以Click入其Facebook --> https://www.facebook.com/acocake/timeline
文章介紹為個人喜好及用後心得，不同人士各有喜好~
2015年5月16日 星期六
Follow Your Choice...Letʻs Kick Start the Summer @ TST松坂庫
Yeah! Summer is coming soon～～
正因為夏天嘅來臨當然要有一番慶祝，而小妹有幸出席到由松坂庫尖沙咀概念店舉辦嘅Follow Your Choice, Letʻs Kick Start the Summer活動，同唔同朋友一齊Kick off Summer!
未介紹當日點Kick Start之前，等小妹同大家介紹下松坂庫先啦！
米蘭站集團旗下嘅松坂庫係一間集合多個國家零食、飲品於一身嘅零食店。
而當中於本年初開嘅尖沙咀概念店有別於一般零食店，它們特別於概念店內加入新鮮麵包、美容產品、雪糕等產品，可以方便一眾好似小妹一樣忙碌嘅朋友享受一站式購物樂！
WOW！台、日、韓，罐罐、枝裝、紙包，林林總總不同種類嘅飲品，小妹依個飲品控差D都發狂啦！
除此之外店內仲有好多美容產品可供選購呀！好方便呀！
但講到最特別可算係店內有自設嘅麵包工場啦...每日都有新鮮麵包烘焙出爐，小妹粗糙一數3個麵包架上嘅麵包都有超過20種可以選購，日日都可以試到不同麵包就唔怕悶～
Week day早上更有早餐Set，一個自家製牛角包加上一杯Hot Coffee為辦公室一族一早打打氣，太貼心啦！
而小妹活動當日都試咗其中3款新鮮出爐麵包，分別係芥末吞拿魚包、沙律醬香腸包、朱古力鬆餅（由左向右）
芥末吞拿魚包：芥末同吞拿魚味道Match，對於怕魚會有腥味嘅朋友都會接受到，而且麵包外面嘅麵包糠令外皮香脆，但入面就好鬆軟，餡料都唔會因為焗到太乾～
沙律醬香腸包：沙律醬唔會濃味，而香腸味道亦不會太鹹，好適合大清早作為早餐。
朱古力鬆餅：香濃朱古力味，而且中間有少少焗到半熔嘅朱古力粒，對於一眾朱古力迷一定唔會失望！
話明係慶祝活動點可以欠缺酒類飲品呢～
店內一個個架上排列出多款不同酒精類飲品，紅酒、白酒、香檳、甜酒等林林總總，任君選擇～～
活動當日特別挑選6款適合Summer雪凍飲用嘅Drinks來迎接Summer！
首先為大家介紹Hugo Freeztime($168)，依款係小妹心水Drinks~
一倒出黎就聞到陣陣花香，係小妹心愛之一嘅接木骨花味呀！而接木骨花一向都係俾到人夏天感覺，夏天飲就最Match～
入口好Light唔會好濃酒味，一般唔係飲開酒嘅朋友都可以輕易入口，而且有少少薄荷味道，但又唔會搶走接木骨花味！
夏天雪凍用黎同朋友小聚時陪上輕便小食時飲一流～
第二枝為大家介紹就係來自法國嘅Blanc & Passion By Fanny ($158)
一聽酒名就知入面有熱情果啦，入口有淡淡熱情果味，又係另一枝好夏天嘅酒。
依枝比Hugo濃少少酒精，而且會比較上微酸一點，最好用黎做餐前酒or搭上肉類食物就好Match！
之後為大家介紹就有Allimant Hubert Laugner Gewurztraminer 2011, Alsace France ($198)
濃濃熱帶水果味，但入口就會有一陣陣荔枝味道擁出，再細細品味又會帶有微微甜味及桂花香味！喜歡甜嘅女士一定唔可以錯過！
第四枝為大家介紹嘅就係連Marketing哥哥都大讚，哄女仔一流，女士們必定會喜歡嘅Moscato, Spumante, Italy ($198)
一入口就有清香蜂蜜同桂花味，兩個搭配非常合適。可能因為有蜂蜜味亦令酒帶有少少甜，令酒很易入口，女士們都必定會Like！
而且酒亦帶有麝香葡萄味，令酒味更芳香迷人，難怪Marketing哥哥說哄女仔無得輸！
第五種要為大家介紹就是Molly, Irish Cream($198)
它跟Baileys味道相似，而且Texture同Baileys都係相似，但價錢上Mollyʻs比較相宜～
可惜小妹比較怕奶酒，所以只輕輕品嚐一口！
可惜小妹比較怕奶酒，所以只輕輕品嚐一口！
當晚最後一枝酒就是Vin Zero($98)...其實依枝都唔算得上係酒，因為它都係 0酒精～
Vin Zero 糖份濃郁，蘊含豐富的石灰岩礦物和鎂營養。而因為葡萄長在弱酸性的石灰土壤上，汲取陽光的精華，所以果酸和果味份外豐富醇厚。
因為 0酒精所以適合任何人，就算多飲一D都唔怕！相信Vin Zero好快都會成為小妹Party上的常客～
當晚小妹仲同露露公主一齊飲，真係好開心呀！
尖沙咀概念店仲有一個係其他分店都未有嘅獨特小區...就係以日本北海道3.6牛乳作為基底的雪糕專區！
全部雪糕都係用小妹最愛嘅日本北海道3.6牛乳，I love it so much!!!
單單以日本北海道3.6牛乳作為雪糕基底都可以變化出12星座雪糕、白日夢雪糕...太利害啦！小妹同露露公主見到自己星座嘅雪糕都好雀躍呀！
雙子座嘅小妹終於見到雙子座雪糕，依個雪糕同雙子座好襯呀！因為一杯雪糕可以享受到兩種口味，原味加上茶味雪糕，而且雪糕上嘅自家製馬卡龍都係兩個口味！
雪糕送上時散出陣陣白煙，原來係因為有小小乾冰係杯底～小妹真係冇諗過食雪糕除有味覺享受，仲有視覺享受呀！
12星座雪糕小妹真係好想一杯一杯試曬呀！
當晚好開心呀！大家最後都拎住自己星座雪糕，享受一個Wonderful Night~
松坂庫magstore 尖沙咀概念店: 尖沙咀金馬倫道35號地下
松坂庫magstore 尖沙咀概念店: 尖沙咀金馬倫道35號地下
想知道多D 松坂庫magstore資料可以Click入 網站 : http://www.magstore.hk/OR
Facebook : https://www.facebook.com/magstore
訂閱：
文章 (Atom)