每月一份小禮物哄下自己當然係唔少得啦！小妹就會選擇Glamabox...
每個月可以試到好多不同產品，而且又會有驚喜，最好就係試啱先買唔會浪費～
今個9月份又有好多新產品又可以有驚喜，一於一齊睇下啦！
2015年10月19日 星期一
2015年8月17日 星期一
每月一份小禮物哄下自己【Glamabox July Box】
其實每月收到Glamabox送上嘅盒子真係令小妹好驚喜呀！
個個月都可以為自己打扮下靚哄下自己，又唔洗好多錢就有依份驚喜，其實都幾吸引～
今月又睇下Glamabox點為小妹帶來驚喜啦！
2015年6月14日 星期日
和媽媽分享美麗-Glamabox 5月盒子
小妹原來都有一段日子無分享過美妝盒子啦！
今次一於同大家分享下收到嘅Glamabox 5月盒子，今次盒子以Happy Mother Day，和媽媽分享美麗為題。
5月盒子打開真係好驚訝！小妹都忍唔住大叫一聲「好豐富呀！」
個盒真係好重手...小妹數一數，發現一個盒就有足足8個品牌，11件產品～
貪食嘅小妹一打開就俾萃綠檸檬 L80 酵素精萃液吸引到啦！
其實未打開已經有濃濃檸檬味，對於檸檬控小妹真係大愛呀！
打開見到清晰嘅介紹、飲用方法、到期日期等...大頭蝦小妹最愛！
原來有兩個不同飲法，1)可以直接飲，2)可以加入其他飲料...
由於小妹真係好Like檸檬味，所以都係選擇直接飲啦...
小妹覺得 酵素精萃液酸味好足，檸檬味好濃，檸檬控一定Like爆
入口都唔會太寡，幾好飲，飲完好Fresh，早上飲完好醒神
相信小妹應該會回購，因為自己同家人都好鍾意！
檸檬控小妹再發現NOELLE青檸柚子產品，今次係護手霜呀～
NOELLE產品小妹唔係第一次用，過去試過磨砂同Lotion都好Like！
今次個瓶都係好靚呀！個花紋仲要係有凹凸感，真係好精緻呀！
產品上都例出清晰到期日期～
擠出就有濃濃而且香噴噴嘅Hand Cream，香味真係好Fresh，而且都幾滋潤，但又不致於笠膩。
夏天最合適！小妹份外喜歡放係公司用，因為平日做野做到攰，聞一聞就可以醒曬啦！
保護完女人第二張臉，當時要照顧番第一張面啦！首先由洗面講起...
潔面產品就有RE:CIPE 薏仁有機潔面泥面膜...又可以試到RE:CIPE產品啦！
一件產品又可以潔面又可以做面膜，二合一小妹最愛！
產品又係有清晰介紹，仲要圖文並荿太好呀！
潔面泥個Texture有D似壓實嘅泡沫好得意，原來產品仲係用有機原料製成，難怪搽上面好似感覺到有少少薏仁碎咁！
小妹分別用Mask方法同潔面方法試，小妹比較喜歡潔面方式，因為加上水製成嘅泡泡好舒服，而且好徹底就可以清潔到全面。
而面膜敷完面部都幾白，而且無敏感情況出現，都算不錯！
洗完成當然要敷下Mask啦！韓國Royal Skin產品出場~
動物面膜再加八字紋貼，之前試過其他牌子，已經好想再試其他造型，今次收到嘅係狐狸...可惜朋友見到用左老虎同小妹換咗，無得試做小狐仙添~
面膜精華好多好足料呀！抽起面膜係包裝內都仲有不少精華，足夠搽埋係頸添!
面膜紙好薄好貼面，就算坐係度敷都冇問題，唔會移位。只係鼻位差少少先看完全蓋到鼻亦，但不緊要多出嘅精華到可以倒到鼻亦位置。
敷完無出現敏感情況，面上都潤飽滿左。
到左八字紋貼啦！小妹貼上後個樣好搞笑，好似留左長胡子呀！XDXD!
8字貼由於要敷3-4小時，小妹就選擇係公司敷，就算講野同繼續做野，8字貼都牢牢緊貼係面上，so nice!
敷緊時有好少好少微溫，相信冬天敷一定更加舒服。
敷完虎紋雖然無馬上少了，不竟只敷了一次，但敷上嘅位置肌膚有改善，紋好淡了點...相信日子有功將更見效。
敷完mask到搽保養品時間啦!Filato天然骨膠原綿球...
可以摸到嘅骨膠原XD!今次收到三個小綿球加上一枝精華液!
小妹之前一直都想試，今次終於可以用到啦！
雪白嘅小綿球加上精華液後打圈就成為透明精華液，好得意呀！
搽上後感覺面上好似有層薄膜輕輕包住面上肌膚，好滑! 睡前塗完醒來面上依然Q彈!
護膚品後到化妝品啦！盒內有ysyoo CC霜，1分鐘就可以打好底妝，小妹like 爆呀！
原來CC霜有2個色，分別係象牙白及粉紅...盒內好細心兩個顏色都有，可以一次過試到!
小妹就試上粉紅色，少少就足夠推開到全手背上。
圓圖份量已經足夠小妹塗到全面上~
塗上時都是算上易推開，而且不會太膩笠，感覺不錯~
由於份量不需要多，所以妝容感覺很輕薄，遮瑕度不錯，小妹面上暗瘡印都遮蓋到!
夏天出街時用上都未有出現溶妝問題，平日返工用就最合適，趕時間情況下薄透妝容容易就打造出來!
化完妝當然要落妝啦！這盒子都兼顧上...
Michael Todd 青瓜味卸妝紙巾及南瓜面膜!
卸妝紙巾不單有膠蓋封口，而且袋口更有膠貼貼住，減低紙巾水份蒸發，令紙巾可以keep更耐!
拔出紙巾還有淡淡青瓜味!
小妹用了唇膏，眼影，眼線，眉筆平日化妝常用上嘅產品來試效果。
輕輕一抹眼影及眉筆都輕易卸去，餘下唇膏及眼線就要多花少少心機，最後都可以抹走。
南瓜面膜，黃黃啡啡嘅面膜有很重南瓜味!
敷上面上開始時有少少拮的感覺，但小妹沒理會繼續敷，拮嘅感覺很快就消失。(小小建議如果皮膚太薄或容易敏感的要小心用，不竟是純天然可能不是每個人可接受到的)
過了10分鐘左右洗去，面上透白了不少！
最後有小妹最愛嘅洗髮護髮產品~
每次Glamabox內護髮產品都不會令小妹失望...
今次的是LSnP水潤洗髮露加上潤髮乳!
小妹不是第一次用這產品了！家中其都有正裝...用後頭髮很滑，很亮。游水後小妹最愛用他!!!
想知道多D關於Glamabox 5月盒子或者補購都可以Click入http://hk.glamaclub.com/glamabox-2015年5月盒子/
2015年4月14日 星期二
為春天打打氣－Glamabox 3月盒子【文末有賞】
雖然過咗3月，但小妹都好想同大家分享收到嘅Glamabox 3月盒子，因為真係好重手呀！
小妹上Showroom拎到時真係覺得一枝 TefuTefu Serum 或者 Ysyoo Eye Cream已經值回票價啦～
又係小妹最愛嘅花紋盒子呀！小妹好鍾意用D盒黎裝東西，唔同盒子裝不同野，又可以分門別類，真好！
事不宜遲同大家分享一下3月盒子啦！
登登登登...真係好多野，好重手(因為雞精、Surem同Eye cream都係正裝, 特別係雞精令盒子好重呀！)，一件件拆禮物先！
首先當然要試Ysyoo － 蝸牛再生亮眼啫喱，小妹成個復活節都忙到無時間瞓，個眼袋就快大過拳頭啦！
依枝亮眼啫喱係以純蝸牛黏液萃取為基礎，再配合綠茶、魚子萃取、胜肽化合物等修護成份，能為肌膚提供極佳的補水再生功能，誘發自我鎖水機制，於再生細胞內不停注入滋養成份；同時促進眼周肌膚修護能力，改善細紋及皺紋，令眼周肌膚回復緊緻。
亮眼啫喱還發揮全面抗氧保護，改善黑眼圈、眼紋、浮腫等惱人問題，讓明眸重現光采。小妹見到可以改善黑眼圈、眼紋、浮腫就雙眼發光啦！
小妹好鍾意個Design，因為平日好怕要用手去瓶內刮D護膚，成日都怕唔衛生，但依枝就無依個問題啦！
原來係透白啫喱狀，小妹輕輕點係眼袋，再用指尖推開。
推開時覺得個感覺好Smooth，好易就推到，而且啫喱狀，好易就被皮膚吸收。
用後感覺浮腫有少少改善，個黑眼圈都可以改善到，但小妹因為眼紋太深可能要密密用先可以有明顯改善。
下一樣小妹都覺得值回票價就係TefuTefu－TefuTefuZERO™天然活能修護安瓿素，金色瓶身好高貴嘅感覺呀！
Serum原來含有革命性導入天然獨特植物萃取精華成份，連敏感肌膚都啱用，小妹近日忙到皮膚超敏感，一於Try下先～～
泵頭樽衛生之餘又易於控制份量，輕輕一按擠出透明凝露狀精華，小妹以前都介紹過凝露狀係可以令肌膚特別容易吸收。
今次依個精華同樣都係好易就係皮膚推開同吸收，用掌溫微微按摩吸收會更快添！
搽完感覺清爽，唔會有黏笠感覺，保濕效果不錯，第二日瞓醒皮膚都仲好Q彈～～
第三樣小妹都好Like就係白蘭氏-當歸雞精，養身小妹就心心眼啦！
當歸雞精是以當歸及其他珍貴中藥加上優質嫩雞配製精燉而成，可以有幫助補血活血、舒緩眩暈血虛及令氣色紅潤等功效。而且可以調理身體, 處理每月女人煩惱, 精神奕奕！
第四樣令小妹驚喜嘅係Enita產品，今次依個係薰衣草玫瑰深層身體滋潤系列！
小妹上次係美容展已經買咗不少依個品牌產品，小妹最大力推介係用佢嘅深層身體滋潤2合1沐浴乳霜。
記得上年小妹去做脫毛俾人話Underarm dry到爆，但用咗佢地產品一個月再去就被治療師大讚Underarm超潤，仲問我點解一個月就可以做到，所以小妹真心大讚！
今次就試用佢個Body Balm，打開就聞到好香薰衣草，瞓前用成晚都好好瞓！
依個Balm比cream清爽，但不失滑潤感覺，春夏季用不錯。
Next係來自巴西嘅exsicata-保濕抗衰老晚霜，採用獨家配方製成，配以來自植物的活性成分，在晚間滋養、緊緻及修復肌膚，讓您一覺醒來便能散發光滑亮澤。
蘊含豐富的巴西人參，刺雲實和黃芩的植物提取物，能減少面部老化的跡象，並有助提升肌膚的緊緻潤澤。經著名臨床實驗室的皮膚科專家測試及認可，絕不含對羥基苯甲酸酯、硫酸鹽、色素劑、石油化學物及鄰苯二甲酸酯。
小妹用後覺得好似比較笠身，但開住冷氣時用就剛剛～
第6樣同大家分享就係Glamour－瞬效極緻再生面膜，面膜蘊含維他命原B5、甘油、脉基海因，能為肌膚深層補濕，收細毛孔，令肌膚即時柔軟、平滑及富彈性，並有減退皺紋、暗啞和色斑的功效。
小妹之前都試用過，Mask好薄而且好貼面，敷緊時走來走去都唔會跌。精華都好多，可以足夠塗係頸，敷完皮膚變得滑嫩Q彈！
Final介紹係星洲Purer Skin產品Miracle Serum！
Purer Skin Miracle Serum 能掃除黑斑、細紋和皺紋憂慮，獨家燕窩配方讓你的肌膚在短短7天內顯得更年輕緊實。
想知道多D關於Glamabox 3月盒子或者補購都可以Click入http://hk.glamaclub.com/glamabox-2015年3月盒子/
小妹見到網站上，好多今個盒子內嘅產品都已經係Glamaclub上架添！小妹好心動想回購呀！
【文末有賞】
今次小妹想大家分享exsicata-保濕抗衰老晚霜，只要Like小妹Facebook Page ＆ Post，再係Blogspot本Blog留言「我想試exsicata保濕抗衰老晚霜」即可。
文章介紹為個人喜好發用後心得，不同人士各有喜好，膚質亦各有不同～
產品由Glamabox提供，文中產品成分轉載自www.hk.glamaclub.com/glamabox
2015年3月7日 星期六
聚寶盒-glamabox福氣送臨
今年新年真係好忙，可能因為屋企少少變化嘅關係啦，連出外搵新護膚品嘅時間都好似無...
好彩小妹收到Glamabox送上嘅2月盒子，令小妹可以係新年前全天候係屋企打理家頭細務，唔洗為護膚同扮靚出外東搵西搵!!!
2月盒子真係同一個聚寶盒無分別呀！因為除咗有護膚產品之外，仲有護髮產品，最令小妹驚喜高興係連清熱解毒嘅飲品都有...今個新年就當然係無有怕啦！
嘩!!唔好講笑真係幾豐富，一盒都只係$93就有一盒，其實真係好抵!!
事不宜遲，小妹一於為續一品牌為你介紹啦！
首先最catch my eye ball 當然係Dream Skin嘅正裝產品零毛孔蝸牛美白清潔泥面膜～～
零毛孔好吸引呀！原來依個Mask係可以吸附油脂及老化角質，令肌膚恢復均勻。仲蘊含蝸牛分泌物濾液、加拿大皂土、毛孔淨化美白精華，可以令皮膚變等白同達致明亮膚色。小妹就最鍾意啦！
產品入面仲附送個勺，小妹就最愛!!!因為小妹覺得直接用手去拎護膚產品，有機會會令產品接觸到手氣/手上細菌，令產品係瓶入面產生變化，影響產品保存。有個勺就大大減低依d事情發生啦！
打開本來以為係泡沫，原來係面上推開就係泥狀，唔洗2分鐘就推開曬係面上，so nice!
時間慢慢過去，泥就開始乾，由深灰變得淺灰，20分鐘過後用溫水就輕易洗走。
小妹覺得用起上黎都算方便，而且易推開，只係洗起上黎要多花少少時間先可以洗淨！
洗完面後好似白咗小小，毛孔都有細咗，但未至於無曬，我諗要日子有功先可以達致零毛孔啦～～
嘩嘩嘩！小妹係個盒入面竟然聞到最Like嘅Honey味～～原來係Swiss O－PAR枕頭仔髮膜！
細細個枕頭仔好Cute呀！而且好香，小妹真係唔係好捨得用呀！
好彩有兩個，一個就當然係試用啦！另一就放咗係床頭當香包，日日入房就聞到SweetSweet嘅Honey味！
小妹試用咗堅果油枕頭仔髮膜！依款就係For乾燥，受損及沒有光澤秀髮。髮膜入面含有摩洛哥堅果油能滋養頭髮，去除毛燥，修復受損髮絲，改善開叉，而維他命B3 則可強化和保護頭皮。小妹一向D頭髮都好似D乾草咁，啱曬！
小妹覺得用後頭髮真係好滑，而且光澤咗，髮尾好似無咩開叉...小妹應該都要買番D係屋企for 電髮後用先！
好香嘅產品仲有菊皇茶呀！小妹最鍾意就係飲茶啦！
其實小妹唔係第一次接觸菊皇茶啦！小妹一飲就愛上，因為真係好真材實料呀！
菊皇茶入面有6種原粒材料，有杭白菊,枸杞子,胖大海,橘皮,甘草,蓮子心...仲有冰糖調下味，啱曬小妹甜控一族!!!
菊皇茶飲入口甜甜地，就算小朋友都啱飲。而且小妹最愛就係食發脹咗嘅胖大海（又名安南子）個口感好似食燕窩咁，好好食呀！
小妹每次飲完都覺得好似無咁熱氣，每次食完煎炸之後都會必飲！當然小妹今個新年都係必備啦！
e...小妹發現正品，ADVANCED美白美容系列...小妹好想係夏天之前做好美白呀！
WOW！原來整個系列有5款產品，煥彩潔面乳、煥彩精華霜 、煥彩保濕露、瞬間煥彩賦活面霜及瞬間煥彩賦活眼霜～～
小妹好鍾意個個瓶，好靚呀！
原來煥彩潔面乳賦含維生素B3，C和E、抗氧化和精油的成份，更能有效地清潔及美白面部肌膚，不僅不傷害皮膚的天然油脂，同時能保持肌膚光滑濕潤。
小妹覺得面上D污垢都好易就洗走，而且洗完面，面都唔會好乾繃繃！
煥彩精華霜原來係有效淡化色斑、提亮及調理肌膚、修復肌膚，增加皮膚的光澤度。
小妹覺得精華個感覺好薄，唔會令皮膚覺得好重好膩，而且好易推開，搽完皮膚好光亮！！
瞬間煥彩賦活眼霜有減緩眼部紅腫和浮腫問題，緊緻眼部四周肌膚，緩解眼袋及減退黑眼圈嘅功效！！！
小妹覺得眼霜唔洗大力就可以係眼部推開，唔會傷害眼周肌膚，而且搽完眼部浮腫都有改善！
今次又再發現efresh產品啦！今次除咗綠魚子之外，仲有雪肌透白系列產品添！
又可以美白啦！Yeah！
綠魚子完美緊緻眼霜、雪肌透白面霜、雪肌透白活膚精華...好多產品呀！
小妹其實未收到盒子之前已經試用過雪肌透白活膚精華。小妹喜歡依個精華可以作為深層亮肌活膚護理，為小妹改善膚色暗啞。
質地好輕柔，而且搽完好快就吸收，唔會黏笠笠。
下一樣小妹為大家介紹就係明星品牌Dorissderm，點解係明星品牌...因為睇佢地官網就係好多明星都用佢地產品呀！
原來有除油脂粒睡眠面膜＆全效因子保濕精華素-補水王兩款唔同產品～
小妹見到補水王3個字，雙眼已經變心心眼啦！原來全效因子保濕精華素 - 補水王是一個簡易的保濕步驟就可以同時達到美白及除皺的效果的精華素。
獨特配方，透過特別的設計，將水份直接滲入皮膚的最底層，達成將最小的份子予以保濕以及滋潤的目的。
D精華真係好似水一樣，一搽上皮膚已經秒速吸收(連相都影唔切添)...搽完感覺D皮膚好彈，好似飲飽水！感覺清爽，夏天用一流呀！
盒內仲有另一貨裝產品，極致煥白隱形面膜！！！
面膜獨特複合美白因子，蘊含有效抑制酪胺酸酵素活性成份及蛋白分解酵素，阻礙黑色素形成及加快細胞再生，令肌膚變得透白亮麗。並含維他命B3能滲入肌底，持續發揮功效，抑制90%黑色素傳送至肌膚表層，令肌膚持久煥白。
之前都用過，Mask好薄，好多精華！
最後一樣就係PICO OK產品，一個係美白晚霜，一個係美白面膜
Booster Mask 由來自波多黎各的阿爾法熊果苷(alfa-arbutin)及維他命E等簡單又天然成份組成，加上PICO OK 的 BOOSTER 技術，不但能夠深入肌膚底層，激褪毛孔中的黑色素，更能讓皮膚變得緊緻有彈性，達致美白補水收毛孔的效果，去除熬夜暗黃臉。
White Scale 採用瑞士水荷葉芽精華提取物的美白晚霜，具有高效的抗氧化成份，能防止皮膚黑色素生長，淨化皮膚毒素，讓皮膚更加嫩白透徹。
小妹以前都試過，效果不錯！
想知道多D關於Glamabox 2月盒子或者補購都可以Click入http://hk.glamaclub.com/glamabox-2015年2月盒子/
小妹見到網站上，好多今個盒子內嘅產品都已經係Glamaclub上架添！小妹好心動想回購呀！
小妹見到網站上，好多今個盒子內嘅產品都已經係Glamaclub上架添！小妹好心動想回購呀！
文章介紹為個人喜好發用後心得，不同人士各有喜好，膚質亦各有不同～
產品由Glamabox提供，文中產品成分轉載自www.hk.glamaclub.com/glamabox
小妹仲有其他Blog同FB Page，歡迎大家去睇～
訂閱：
文章 (Atom)