滘西洲半天遊之『洪聖爺』生日－Part 1

2015年4月1日除咗係Aprilʻs Fools之外，其實仲係洪聖寶誕正日添～～

到底咩係洪聖寶誕？！其實就係紀念洪聖大王的節日。相傳洪聖大王是唐朝重臣，姓洪名熙，官至番禺刺吏，通曉天文地理，常幫助商旅漁民；據説，他死後英靈不滅，屢次拯救人民於災難。為了紀念他並祈求庇蔭，沿海漁民建廟祀奉，將其奉為海神。

話說小妹上幾輩人都仲算係靠海為生，所以小妹唔多唔少都對洪聖寶誕有少少情意結...正值洪聖寶誕小妹就到咗已列為香港法定古蹟嘅西貢滘西洲洪聖古廟睇下到底大家係點慶祝...

每年寶誕前夕及當天滘西洲洪聖古廟對開都會有一連串慶祝活動，當中包括戲棚內演大戲、舞龍、獅及麒麟、買花炮...當然正日活動會比較豐富啦！

好啦！一於跟小妹一齊出發啦！Letʻs Go！

由於滘西洲都係海中心一個小島，所以都要坐船去，滘西洲理事會都會有免費船接送（西貢碼頭上船）或者可以自費搭其他非大會船隻（價錢大約＄30-50一程）

一於大會船都會係船頭掛上一塊紅布，寫上恭祝洪聖寶誕滘西值理會專船！

而且船身都是插滿不同祝賀說話嘅旗！放心有好多隻船，小妹都係等咗半小時就上到船啦！

上船後大約35分鐘就可以到達，船程期間可以到船頭吹下海風都幾寫意呀～～

未上岸已經見到好多個花牌，個個都係祝賀洪聖寶誕...

遠遠仲有個戲棚添！同平日神功戲戲棚都係大同小異。

終於上岸啦！由於每年都係由著名粵劇大老倌龍貫天同尹飛燕主演正日戲寶...細細聲講平日佢地一張戲飛都要講成幾佰蚊，貴可以去到成仟蚊，依家唔洗錢就可以睇到都幾好～～

上岸見到家家戶戶都係開住大門歡迎家人賓客回來...依種咁有70,80年代屋村風味，家家戶戶都好似朋友，唔似依家「隔離」鄰舍嘅感覺！

一入到去當然係要去搵「阿爺」食飯啦！

講緊係洪聖爺請食生日飯，免費呀！人人有份，但先到先得，派完就無啦！

都幾大碗嫁，個個都食得津津有味，可惜小妹來遲一步，到嘅時候已經派完（時間大約12點），但小妹都可以到堂姊家食佢地煮好嘅生日飯，總算唔會餓親。

大家都可以放心島上係有士多，如果食唔飽都可以係士多買野食～

今日介紹住咁多先，想知到底洪聖寶誕有咩吸引小妹就要留意下一篇滘西洲半天遊之『洪聖爺』生日－Part 2啦！

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

外拍一天都無有怕－【SHISEIDO WHITE LUCENT All Day Brightener SPF36 PA+++多元全日亮白乳霜】

熟識小妹嘅朋友都知小妹平日好鍾意Outdaoor活動，例如：外拍、行山、游水、旅行....同陽光玩遊戲更加係小妹最♡愛。

但每次去Outdoor其實小妹都好怕曬黑，又怕黑色素會因此積聚，更加怕陽光會影響到肌膚...由其係去外拍時，影緊相時邊會有遮可以遮住呢？！當頭曬住，想唔黑就奇啦！

今日就剛剛約咗攝影師哥哥出去迪欣湖外拍，大家都知湖邊無遮無擋，曬到傻呀！但好彩小妹用咗SHISEIDO嘅多元全日亮白乳 (WHITE LUCENT All Day Brightener SPF36 PA+++)...所以無曬到變炭，而且因為佢可以補濕令肌膚無出油同溶妝添！

一於一齊睇下SHISEIDO多元全日亮白乳到底係D咩啦！

WoW！唔好睇少只係得SPF36PA＋＋＋呀！其實都可以延緩 8 倍以上曬黑的時間，即係UVA 造成皮膚「變黑」及皮膚「老化」的時間，而且更可以延緩 36 倍的曬傷時間，即係UVB 會讓皮膚曬傷、發炎、紅腫、脫皮，致癌性最強的時間！

SHISEIDO多元全日亮白乳原來仲有4重美白亮肌功效...到底係邊4重？！咪就係...

1. 時間傳送保濕亮白科技 

因為多元全日亮白乳蘊含高效美白成分「4MSK」的微細膠囊，膠囊隨時間逐漸釋放，無間斷賦予美白效果，令肌膚愈用愈明亮。

而且維他命C鎖係微細膠囊入面，膠囊內的多效修護維他命C比過往的維他命C誘導體的狀態更穩定，更能發揮速效美白作用，並利用漸釋亮白技術，帶來更見效的美白方案。 

2. 亮肌效果 

多元全日亮白乳霜仲可以將光線轉化粉末，利用紫外線，於日間賦予亮肌效果。

而粉末本身呈白色，但在紫外線下，就會釋放螢光顏色，令膚色看來更透亮，肌膚睇落更Brightening！ 

3. 防曬效果 

話得係有SPF嘅乳霜當然係有防曬功效，蘊含SPF36 PA+++配方，能強效防禦日常紫外線。

4. 補濕效果

 配方揉合超卓水分相成複合物，有效鎖水保濕，重煥膚質。

打開Packing就見一到安全封條，可以放心用啦！

好清晰介紹點用，Smooth over face each morning, after cleanser and softener. 

So Easy！

原來唔係一D好重身嘅乳霜，小妹最愛就係依隻質地嘅防曬乳霜，因為唔會太黏笠。

推開後好似有層白色粉末，光線下好似塗上層閃粉咁，令肌膚睇落去好BlingBling，相信應該係因為個亮肌效果，令乳霜係紫外線下釋放出螢光顏色，令膚色看來更透亮。

係面上推開，好快好易就可以推到面上四周，大愛大讚呀！

唔洗2分鐘已經推開到全面都係乳霜，塗完D肌膚真係透亮，仲有好強的光澤感添～

而且因為好少份量就可以推開全面，所以推開後都係好透薄輕盈呀！

塗完後只要輕輕再以化粧掃掃上碎粉就OK！

小妹掃上碎粉同胭脂就出街，就算平日趕出門口都唔洗10分鐘就可以化好成個妝，對於成日趕時間嘅朋友真係一大喜訊呀！

俾大家睇下小小今日拍攝成果啦！有小小怕羞添！

咁曬法都無問題！

重要越曬越透亮，影起相時更透白，亮澤感依然Keep得住～

經過全日Outdoor活動，曬足一日面上都唔會因為缺水出油，補濕度相當不錯呀！

因為乳霜補濕做得好，所以個妝都無咩溶，而且亦唔見有曬黑情況出現。

小妹真心Like爆，以後外拍同去Outdoor活動都唔可以無SHISEIDO WHITE LUCENT All Day Brightener SPF36 PA+++多元全日亮白乳霜！I love it so much! 

文章介紹為個人喜好及用後心得，不同人士各有喜好，體質亦各有不同～

是次產品由theZtyle.com提供，文中產品成分轉自品牌網站，想知更多產品資料可以Click入（SHISEIDO WHITE LUCENT All Day Brightener SPF36 PA+++多元全日亮白乳霜）或者Facebook（https://www.facebook.com/SHISEIDOHK）

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

肌齡 ≠ 年齡【逆轉肌齡神仙水】

相信香港嘅朋友對彩豐行依個產品香港製造嘅品牌都應該唔會好陌生...因為佢哋嘅蔗糖沐浴露係香港賣得街知巷聞，除咗門市外，不少藥房，化妝品店都可以賣到，而小妹家人都係佢嘅小fans呀！

但大家又知唔知佢地其實都出品咗不少美容產品呢？！

小妹先前有幸收到佢哋其中一枝皇牌產品...產品盒面寫住94.8%酵母精華，8種氨基酸，仲有5大美肌功效!大家又估唔估係咩產品呢？!

登登登登...就係JOSERISTINE逆轉肌齡神仙水啦!

未講功效前，要先講下design!!!

小妹爆like♡磨砂玻璃樽身design，好grand呀！

而且磨砂樽唔會咁跣手，大意嘅小妹成日打爛野都心痛，今次就唔怕啦！

再細心睇盒上面清楚嘅說明，不單有例明功效，而且成分、用法同適合咩肌膚用都例清楚，用家自然又安心又放心啦！

連到期日都清清楚楚，大家都會用得更放心啦！

小妹一直諗到底5大美肌功效係邊5大??

原來就係深度補濕、緊緻提升、撫平細紋、淡化色班同煥發光澤。

好啦！一於等小妹開始向5大美肌出發啦！

一打開已經見到有個保護蓋係度，好衛生呀！

倒出黎見到透明嘅神仙水，而且傳來陣陣淡淡發酵味道，雖然味道未算討好，但都係可以接受的。

而且一D酒精味都聞唔到，令小妹有信心用，因為遇到產品倒出時傳來酒味皮膚易敏感嘅小妹都會秒速打佢地入冷宮...

細心睇說明，原來淡淡發酵味係天然酵母的氣味，而且因為無色素，所以都係透明的。

聽聞神仙水有多個唔同使用方法，小妹就試咗以下3個方法! 

1)直接用手拍打上面(當時係輕輕力拍啦！)

2) 沾滿化妝棉再在面上塗抹

3) 沾滿在空白壓縮面膜後於面上敷

首先講下拍打個感覺啦！不停拍打好快皮膚就可以吸收曬，清爽唔會太黏笠，可能加上拍打，所以皮膚好似Firm咗少少！

塗抹方式同拍打時感覺差不多，都係好快被皮膚吸收。塗抹完皮膚好似Bling Bling咗，光澤咗！

最後就係用面膜紙敷5分鐘，皮膚好快就抽走面膜紙內神仙水，敷完好似保到少少補，皮膚光澤咗！

小妹亦試過妝前敷，妝容都無咁易溶，可能因為保濕原故，所以面上出油溶妝嘅情況減少。

小妹用後兩星期，皮膚補濕度提升不少，起碼唔會覺得皮膚缺水。而且皮膚D細紋都淡咗，緊緻咗。小妹唔化妝皮膚光澤度都不差。

自問都步去中女嘅小妹，未必一定想去到要完全逆轉肌齡嘅地步，但都想肌膚可以Keep到依家個Age就足夠啦！

文章介紹為個人喜好及用後心得，不同人士各有喜好，體質亦各有不同～

是次產品由彩豐行提供，文中產品成分由品牌提供，想知更多品牌資料可以Click入佢地網頁（http://www.choi-fung.com/）或者Facebook（https://www.facebook.com/choifunghong.hk）

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

【漢方美容】渼籽．淨白美肌油

小妹有幸早前接觸到一個以漢方美容為主的品牌－渼籽．漢方美容，產品令小妹覺得又新奇又有趣，一於齊齊睇下係D咩東東啦！

話說漢方美容早在古代的《本草綱目》已有記載，漢方美容係運用草本天然配方，可使肌膚由內到外容光煥發，達到美容效果。

而渼籽．漢方美容產品就係採用純天然漢方草本及天然植物香薰成分，令肌膚美麗又健康!

嘩嘩嘩！好似好Nature wo，好正呀！事不宜遲，一齊睇下～

一向皮膚都比較黑嘅小妹，特別喜歡試用淨白產品，今次就有幸可以試到渼籽．漢方美容嘅淨白美肌油啦！

 淨白美肌油原來蘊含來自英國嘅優質天然植物精華油，當中包括有機玫瑰果油及石榴子油﹑覆盆子油﹑葡萄籽油﹑茶花籽油及月見草油等。

正正因為有咁多種天然植物精華油，所以美肌油具有高效抗氧化，並且能淨白淡斑同滋潤，令肌膚淨白有光澤。

點解小妹咁清楚產品功效，其實都係靠產品上嘅說明...

清清楚楚，令小妹都用得好安心！

連保存期都係瓶身Show出，咁就唔怕過期啦！

扭開見到黃黃金金嘅美肌油，有少少似按摩油咁，而且傳出好香嘅味道添！

美肌油有個細細嘅泵可以將D美肌油一滴滴咁滴出黎，依個Design小妹覺得好貼心呀！因為一滴滴咁滴出黎就唔怕會滴多咗浪費啦！

而且亦好容易控制份量，對於大頭蝦嘅小妹就係好有用呀！Very Nice！

小妹特別再將美肌油同B5精華一齊Mix埋搽，一來可以易D係面上推開，二來油對小妹黎講都有少少笠，所以用B5精華Mix上再搽就可以去走少少黏笠感覺！

將兩種精華滴係手上，再用手指輕輕Mix埋，先搽上面上...

小妹覺得一搽上面就有濃濃嘅香味，小妹都幾鍾意！

由於加上B5精華，所以唔算好笠，冬天季節好似比較適合。

美肌油慢慢被肌膚吸收，未吸收時就好似有層保護膜保護皮膚咁！

左面係搽美肌油前，右面係搽美肌油後...

搽完D皮膚都真係即刻白咗少少，但面上光澤度就一定有唔同，好似真係有少少反光添～

暫時試咗幾日，面上D斑未見明顯淡走，但都算有少少改善啦！

希望用耐D就會改善。

文章介紹為個人喜好及用後心得，不同人士各有喜好，體質亦各有不同～

是次產品由渼籽．漢方美容提供，文中產品成分由品牌提供，想知更多品牌資料可以Click入佢地網頁（http://www.meitsz.com.hk/）或者Facebook（https://www.facebook.com/meitszbeauty）！

小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice