美顏又唔臭嘅美顏汗－Amigo 岩盤浴

小妹近日不停忙住公司搬遷，每日都好攰更加係無時間可以做運動，想出下汗排下毒同去濕都無機會...

好彩有朋友介紹我去試岩盤浴，不單可以出汗排毒，仲只係需要瞓係度，小妹乘機可以抖抖休息下啦～

朋友就係介紹咗小妹去Amigo Spa Beauty一試岩盤浴魔力啦！

未介紹Amigo之前不如講下咩係岩盤浴先啦！

岩盤浴係日本近數十年廣受歡迎的獨特養身美容療程，除咗可以做到同spa一樣放鬆繃緊肌肉，消除疲勞的功能外，更加係兼具排毒、美容及提升免疫力的獨特功效。

而岩盤浴係配合天然礦石使用的溫浴，將岩盤礦石加熱至攝氏45度左右。岩盤礦石床慢慢將熱力均勻地散透到身體及體內器官，鬆弛身體各部分。同時透過美顏汗將體內毒素排出。

在室溫下，岩盤礦石可不斷釋出遠紅外線及負離子。遠紅外線能穿透皮層達1.5吋，更可深達肌肉及關節位置。除了慢慢提升身體表面的溫度，更能激活體內各重要功能，透過汗水加速排出有害毒素。

而岩盤礦石釋出的負離子，就如自由森林或海岸地區所釋出的負離子一樣，為周遭提供大量清新乾淨的空氣，有益身心。

Amigo spa beauty就係採用咗櫻島火山石，登登就係以下圖中個款石做成石床。

仔細睇，石上面有好多微細小孔，凹凹凸凸，其實好可以証明d石係天然，因為相信合成係做唔到依個效果!!!

原來要岩盤浴功效盡顯，係有相關動作，細心嘅amigo spa beauty 已經圖文並茂list out出黎啦！

分別有反身、仰卧、平睡、側身左及右，5個動作，每一個都你針對不同作用改善你嘅身體功能。細心嘅staff都係入房前提醒40分鐘內可以自由轉換動作添!

未入房之前當然係要換衫啦！Amigo都為每位客人準備好浴袍、紙內褲係locker...客人貴重物品都可以鎖入locker先換衫...

請原諒小妹因為入岩盤浴房時有其他人同時用緊，所以未能影到房內情況只可以文字形容...房內有4個格位，每格中間都裝有一張岩盤浴床，床上溫馨地鋪上毛巾，每位貴賓用完都會換走毛巾，十分衛生。旁邊仲有水同水杯供客人飲用，而房間角位都有切開嘅波蘿令房間添上香氣!♡^_^♡ 

小妹覺得瞓上初時只係暖暖地，但已經感覺好舒服，好想瞓啦！(～ o ～)~zZ


因為唔可以用相機影只好用手機自拍啦！瞓到豬一般嘅小妹呀！

小妹大約每8分鐘就轉不同動作，希望可以改善小妹全身不同部位!!!

小妹平日比較難面紅同出汗，但係房內躺了差不多20分鐘就已經面紅同出汗，特別係面額同背部(小妹個兩人個部位都比較易出粒粒嘅地方)

而且身體內好似有一股暖身，令身體好舒服好relax，肌肉都好似放鬆曬!!!

完成40分鐘岩盤浴treatment後，客人會安排係環境舒適嘅休息室稍作Cool Down，亦同時建議客人安坐10-15分鐘先換衫。

由於流出黎嘅汗都美顏汗同平日一般流出嘅汗水係有分別，美顏汗是由皮脂腺流出，而平日汗水由汗腺流出。所以排美顏汗是真正為肌膚排除皮脂上毒素。

而美顏汗係唔會有臭味傳出，所以就算做完岩盤浴都可以唔洗沖涼，相反沖涼可能會令血液循環出現問題，所以店內都有貼出，完成岩盤浴後最好等2小時後先沖涼會比較好！

小妹當然好乖咁冇沖涼，只係更衣室內抹去汗水，再梳洗一番就走啦！

坐完15分鐘，見到小妹面色都紅潤，而且唔知係唔係出完汗好似皮膚滑咗。

攰氣都全消啦！小妹應該會愛上依個懶人養生保健法！

提提大家，佢地仲可以網上預約，同小妹一樣忙碌嘅朋友就唔怕Miss左office hour時間打去做Booking啦！So Friendly！

文章介紹為個人喜好及用後心得，不同人士各有喜好，體質亦各有不同～

Amigo 沙田店：沙田鶴丁街10﹣18號新城市商業大廈9樓901﹠912室

Amigo荔枝角店：香港九龍荔枝角寶輪街9號8樓8E-F室(九巴大廈)

部份資料及相片由品牌提供，如果想知多D品牌資料可以登入http://www.amigospa.com/

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

Sexy Queen Party＠Nubra LKF

小妹身材一向都係平平無奇，有時侯着起晚裝都覺得自己好似care唔到...連帶出席party都唔夠膽着得性感d!!!

好彩小妹有機會接觸到美國時尚女性內衣品牌Nubra，小妹自信心返返黎啦！依家NuBra仲係香港中環蘭桂芳開旗艦店，唔洗只係靠網購啦！

一於等小妹帶大家睇下旗艦店當日開幕嘅情況啦！

開幕當日一班演藝人去示範穿上nubra效果，而且亦請到袁嘉敏出席剪綵...見到袁嘉敏着起低胸裙，澎湃上圍真係令小妹♡♡眼呀！

剪綵啦！除咗有袁嘉敏同2014年中華才藝小姐，當然唔少得Nubra亞太區總經銷商佰隆盛國際有限公司CEO吉春旭小姐同其他嘉賓啦！

大合照見到位位女士都可以自信show出身材，小妹都好想可以有咁嘅機會呀！

開幕禮當日仲有一眾中華小姐為大家展示不同Nubra穿上嘅效果

2014年中華才藝小姐展示出前扣式Nubra，穿上後自信十足～

最上鏡獎小姐都可以盡展Nubra密實一面！

亞軍穿上Nubra谷出深深「事業線」～

季軍就算穿上薄衫都睇到Nubra款式！

一眾得獎佳麗更係蘭桂芳街頭行Catwalk，展現出女性明媚一面添！

講咗咁多一於同大家睇下店內有D咩產品啦！

WOW！好多個不同款式嘅Nubra呀！款式多到花多眼亂呀！其實Nubra大多產品都出自美國同日本Top Fashion Designer，適合配襯不同服飾，如晚裝、Casual Wear、OL wearing...

小妹見到心愛嘅喱士花紋呀！

當然佢地都有賣最Simple嘅Nubra款式啦～

除此之外，店內仲有內衣買添！款款都好靚呀！

小妹摸過，質地手工都唔錯添！

經過今次小妹更加相信，一個好嘅Nubra不單可以瞬間Upgrade胸型，而且仲可以為女士們提高自信，個個都可以Show off傲人嘅事業線啦！

文章介紹為個人喜好及用後心得，不同人士各有喜好，體質亦各有不同～

Nubra 中環旗艦店地址：香港中環蘭桂坊2號1樓

部份資料及相片由品牌提供，如果想知多D品牌資料可以登入https://www.facebook.com/nubra.tw/timeline

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

滘西洲半天遊之『洪聖爺』生日－Part 1

2015年4月1日除咗係Aprilʻs Fools之外，其實仲係洪聖寶誕正日添～～

到底咩係洪聖寶誕？！其實就係紀念洪聖大王的節日。相傳洪聖大王是唐朝重臣，姓洪名熙，官至番禺刺吏，通曉天文地理，常幫助商旅漁民；據説，他死後英靈不滅，屢次拯救人民於災難。為了紀念他並祈求庇蔭，沿海漁民建廟祀奉，將其奉為海神。

話說小妹上幾輩人都仲算係靠海為生，所以小妹唔多唔少都對洪聖寶誕有少少情意結...正值洪聖寶誕小妹就到咗已列為香港法定古蹟嘅西貢滘西洲洪聖古廟睇下到底大家係點慶祝...

每年寶誕前夕及當天滘西洲洪聖古廟對開都會有一連串慶祝活動，當中包括戲棚內演大戲、舞龍、獅及麒麟、買花炮...當然正日活動會比較豐富啦！

好啦！一於跟小妹一齊出發啦！Letʻs Go！

由於滘西洲都係海中心一個小島，所以都要坐船去，滘西洲理事會都會有免費船接送（西貢碼頭上船）或者可以自費搭其他非大會船隻（價錢大約＄30-50一程）

一於大會船都會係船頭掛上一塊紅布，寫上恭祝洪聖寶誕滘西值理會專船！

而且船身都是插滿不同祝賀說話嘅旗！放心有好多隻船，小妹都係等咗半小時就上到船啦！

上船後大約35分鐘就可以到達，船程期間可以到船頭吹下海風都幾寫意呀～～

未上岸已經見到好多個花牌，個個都係祝賀洪聖寶誕...

遠遠仲有個戲棚添！同平日神功戲戲棚都係大同小異。

終於上岸啦！由於每年都係由著名粵劇大老倌龍貫天同尹飛燕主演正日戲寶...細細聲講平日佢地一張戲飛都要講成幾佰蚊，貴可以去到成仟蚊，依家唔洗錢就可以睇到都幾好～～

上岸見到家家戶戶都係開住大門歡迎家人賓客回來...依種咁有70,80年代屋村風味，家家戶戶都好似朋友，唔似依家「隔離」鄰舍嘅感覺！

一入到去當然係要去搵「阿爺」食飯啦！

講緊係洪聖爺請食生日飯，免費呀！人人有份，但先到先得，派完就無啦！

都幾大碗嫁，個個都食得津津有味，可惜小妹來遲一步，到嘅時候已經派完（時間大約12點），但小妹都可以到堂姊家食佢地煮好嘅生日飯，總算唔會餓親。

大家都可以放心島上係有士多，如果食唔飽都可以係士多買野食～

今日介紹住咁多先，想知到底洪聖寶誕有咩吸引小妹就要留意下一篇滘西洲半天遊之『洪聖爺』生日－Part 2啦！

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice

外拍一天都無有怕－【SHISEIDO WHITE LUCENT All Day Brightener SPF36 PA+++多元全日亮白乳霜】

熟識小妹嘅朋友都知小妹平日好鍾意Outdaoor活動，例如：外拍、行山、游水、旅行....同陽光玩遊戲更加係小妹最♡愛。

但每次去Outdoor其實小妹都好怕曬黑，又怕黑色素會因此積聚，更加怕陽光會影響到肌膚...由其係去外拍時，影緊相時邊會有遮可以遮住呢？！當頭曬住，想唔黑就奇啦！

今日就剛剛約咗攝影師哥哥出去迪欣湖外拍，大家都知湖邊無遮無擋，曬到傻呀！但好彩小妹用咗SHISEIDO嘅多元全日亮白乳 (WHITE LUCENT All Day Brightener SPF36 PA+++)...所以無曬到變炭，而且因為佢可以補濕令肌膚無出油同溶妝添！

一於一齊睇下SHISEIDO多元全日亮白乳到底係D咩啦！

WoW！唔好睇少只係得SPF36PA＋＋＋呀！其實都可以延緩 8 倍以上曬黑的時間，即係UVA 造成皮膚「變黑」及皮膚「老化」的時間，而且更可以延緩 36 倍的曬傷時間，即係UVB 會讓皮膚曬傷、發炎、紅腫、脫皮，致癌性最強的時間！

SHISEIDO多元全日亮白乳原來仲有4重美白亮肌功效...到底係邊4重？！咪就係...

1. 時間傳送保濕亮白科技 

因為多元全日亮白乳蘊含高效美白成分「4MSK」的微細膠囊，膠囊隨時間逐漸釋放，無間斷賦予美白效果，令肌膚愈用愈明亮。

而且維他命C鎖係微細膠囊入面，膠囊內的多效修護維他命C比過往的維他命C誘導體的狀態更穩定，更能發揮速效美白作用，並利用漸釋亮白技術，帶來更見效的美白方案。 

2. 亮肌效果 

多元全日亮白乳霜仲可以將光線轉化粉末，利用紫外線，於日間賦予亮肌效果。

而粉末本身呈白色，但在紫外線下，就會釋放螢光顏色，令膚色看來更透亮，肌膚睇落更Brightening！ 

3. 防曬效果 

話得係有SPF嘅乳霜當然係有防曬功效，蘊含SPF36 PA+++配方，能強效防禦日常紫外線。

4. 補濕效果

 配方揉合超卓水分相成複合物，有效鎖水保濕，重煥膚質。

打開Packing就見一到安全封條，可以放心用啦！

好清晰介紹點用，Smooth over face each morning, after cleanser and softener. 

So Easy！

原來唔係一D好重身嘅乳霜，小妹最愛就係依隻質地嘅防曬乳霜，因為唔會太黏笠。

推開後好似有層白色粉末，光線下好似塗上層閃粉咁，令肌膚睇落去好BlingBling，相信應該係因為個亮肌效果，令乳霜係紫外線下釋放出螢光顏色，令膚色看來更透亮。

係面上推開，好快好易就可以推到面上四周，大愛大讚呀！

唔洗2分鐘已經推開到全面都係乳霜，塗完D肌膚真係透亮，仲有好強的光澤感添～

而且因為好少份量就可以推開全面，所以推開後都係好透薄輕盈呀！

塗完後只要輕輕再以化粧掃掃上碎粉就OK！

小妹掃上碎粉同胭脂就出街，就算平日趕出門口都唔洗10分鐘就可以化好成個妝，對於成日趕時間嘅朋友真係一大喜訊呀！

俾大家睇下小小今日拍攝成果啦！有小小怕羞添！

咁曬法都無問題！

重要越曬越透亮，影起相時更透白，亮澤感依然Keep得住～

經過全日Outdoor活動，曬足一日面上都唔會因為缺水出油，補濕度相當不錯呀！

因為乳霜補濕做得好，所以個妝都無咩溶，而且亦唔見有曬黑情況出現。

小妹真心Like爆，以後外拍同去Outdoor活動都唔可以無SHISEIDO WHITE LUCENT All Day Brightener SPF36 PA+++多元全日亮白乳霜！I love it so much! 

文章介紹為個人喜好及用後心得，不同人士各有喜好，體質亦各有不同～

是次產品由theZtyle.com提供，文中產品成分轉自品牌網站，想知更多產品資料可以Click入（SHISEIDO WHITE LUCENT All Day Brightener SPF36 PA+++多元全日亮白乳霜）或者Facebook（https://www.facebook.com/SHISEIDOHK）

希望大家會鍾意小妹分享，小妹仲有其他Blog，FB Page及IG，歡迎大家去睇～

Blogspot ｜ TheZtyle ｜ Glamablog ｜ BE ｜ iTrial ｜ F&B ｜ Weshare ｜ Elle ｜ Pixnet ｜ Openrice