2015年4月12日 星期日

妝容水潤又貼服嘅秘密 • BEVY C.光透幻白妝前保濕系列

近日不少同事問小妹用咗咩幻術,點解返咗成日工個妝都仲可以貼貼服服,又唔溶妝...就算成日on stage spot light燈下個妝都全日不變?!

小妹當然唔係識得咩幻術,而係小妹有來自台灣嘅BEVY C. 光透幻白妝前保濕系列。

光透幻白妝前保濕系列好特別嫁!因為係台灣綜藝節目「女人我最大」中柳燕老師推介,而台灣過百藝人及名人上妝前必用產品,UrCosme網友推薦為「Good Buy」產品。


記得上次接觸嘅BEVY C.產品係水潤肌系列,已經感覺好潤好保濕(回故-->Dry爆天氣唔再怕♡多謝Bevy C.水潤肌系列),今次光透幻白妝前保濕系列相信都唔會令小妹失望嘅~

今次介紹嘅光透幻白妝前保濕系列共有4件產品,分別係妝前保濕精華、妝前保濕眼唇精華、妝前保濕化妝水及妝前保濕修護乳,當中兩枝精華更加係新產品添,小妹好♡急想試啦!Letʻs Go!


未試之前當然係要睇清楚說明啦!BEVY C.所有產品都係Packing上面有清楚嘅使用方法、功效、生產及到期日等,好貼心呀!對於成日都會大頭蝦用錯方法or時間嘅小妹有清清楚楚嘅說明,真係好buy!

細心睇原來每枝都係Step by Step用,就等小妹跟著步驟試落去啦!

化妝前潔面後,第一枝為肌膚營造出水潤透白肌膚嘅係光透幻白妝前保濕化妝水。


依枝化妝水利用獨家鎖水保濕配方再配上雙重明星保濕成分,鎖水同時全天候為肌膚提升保水力,而且可調理角質和平衡肌膚酸鹼值,讓保養品擁有完整成效的第一道關卡。


樽口利用有鎖泵頭設計,不單衛生而且有效防止漏出化妝水,更加有效控制使用分量添!
小妹出Trip時帶去時都唔怕會漏到成喼都係啦!


泵出時見到係露狀質地,依種質地滲透性特別好,好快就可以被肌膚吸收,做第一重關卡就最啱。

按壓2下就已經有足夠份量化妝水,小妹特別喜歡在面上5點(額頭、兩邊面頰、鼻頭及下巴)先塗上,再慢慢用掌心按摩至完全吸收,用掌心因為掌心暖暖溫度可以加快吸收。

小妹特別會係兩邊面頰上輕輕拍打,因為拍打完會令肌膚Firm D,上起妝時會特別易做到V面效果!

塗上化妝水嘅感覺,小妹覺得D化妝水好快已經完全吸收曬,面上完全唔會感覺黏笠油膩,清爽感覺小妹就最Like...



除咗可以按摩拍打外,其實仲可以沾濕化妝棉濕敷,濕敷大約3-5分鐘,小妹只會係特別易出油位置用,因為小妹覺得化妝棉有時會Lock住不少化妝水做成浪費。但如果皮膚特別乾嘅時候,依個方法就可以免去敷Mask嘅時間。



登登登登!拍打完同敷完化妝水後,肌膚真係BlingBling水潤咗,皮膚都好似飽滿不少添!

搽完化妝水,下一步就係精華,首先要為眼同唇打個精華先...當然係用光透幻白妝前保濕眼唇精華啦~


小妹當然又係好鍾意按壓泵頭設計,手殘小妹唔怕浪費精華,又衛生D。妝前保濕眼唇精華特別用咗天然植物萃取配方而且無防腐劑添加,所以用係嘴唇位置都無問題。



簡單一按就有微微黃色精華啦!相信係因為有能促進肌膚角質代謝嘅牛蒡萃取,平日小妹飲牛蒡茶都係微黃色。

原來牛蒡萃取仲可以令肌膚平滑緊實、平衡油水分泌,減少並撫平細紋,再配上能預防水份、養份流失提升肌膚防護能力嘅黑鑽墨藻精華就令眼唇周圍肌膚長效潤澤、平滑緊實,上妝後嘅眼周乾燥細紋都可以減少。



由於近日天氣都唔算乾燥,小妹只係用按摩方式就已經足夠啦!輕輕由眼頭沿著眼袋向眼尾按摩,用指尖慢慢按至完全吸收。



精華好快就完全吸收,吸收後感覺眼周肌膚好飽潤,眼紋未至於消失,但都明顯淡同少咗。眼袋光澤度提升,暗啞bye-bye。最好係清爽唔笠,而且唔會有「醃」眼情況出現。

小妹覺得妝前保濕眼唇精華就算唔係用妝前,用係平日早晚都不錯!

試完眼當然要試埋唇啦!


同樣地輕輕由唇中間向兩邊按摩,用指尖慢慢按至完全吸收。小小Tips除咗按摩其實同化妝水一樣可以濕敷5分鐘。


輕輕按完小妹以為自己有幻覺,見到有D白色小皮係嘴邊出現,相信係唇嘴嘅角質都擦左出黎,只怪小妹平日懶無定時做好去除角質啦!



小妹覺得唇色無咁暗啞,以前小妹成日都俾人話唇無血色,無顯唇色,依家唔怕啦!
而且唇紋有明顯減少,搽起唇膏時覺得順咗,唔會搽搽下停咗。

精華顧及完眼同唇當然唔少得面同頸,第三步就係用光透幻白妝前保濕精華~


同樣用上按壓泵頭設計,小妹俾10個Like~


凝露質地滲透性特別好,精華利用智慧型大中小三分子,令精華可以深入肌底,達到高效控油、保濕、與調理肌膚的全方位妝前保養精粹。就算炎炎夏日一都可以Keep到底妝輕薄持久不溶妝。


小妹面頰同T字位特別易出油,所以特別重點係依2個位置按摩。


小妹塗上後T字位唔會好油笠,清爽,肌膚亮澤度都提升了,肌膚都好彈滑。



精華除咗可以直接搽係面上之外,仲可以同底霜混合一齊用添!



左面只係搽上底霜,右面係精華+底霜。
小妹感覺底霜更貼服,而且感覺冇咁厚身,輕薄情度不錯。平日可以直接咁Mix黎用再塗少少胭脂就出街,就連粉底都可以慳埋添!XDXD!

最後第4步就係用光透幻白妝前保濕修護乳~


同樣利用有鎖泵頭設計,大頭蝦小妹真係會每次用完之後都Lock番!


一按之後見到白色嘅修護乳,質地比Cream狀輕,相信塗上後唔太厚身。原來修護乳配方中蘊含親膚性高的油脂和鎖水修護,令水分Lock住係皮膚,清爽之餘不失滋潤,而且唔會對肌膚不易造成負擔,為打造妝前完美肌底最後一道重要防護。 


小妹又係面上5點(額頭、兩邊面頰、鼻頭及下巴)先塗上。



再慢慢用掌心按摩至完全吸收,用掌心因為掌心暖暖溫度可以加快吸收,其實用雙手抱面個刻都幾Enjoy,小妹個樣好嘆呀!

小妹感覺肌膚亮澤咗,但清爽感覺Keep到好似剛剛潔面後時。


搽完4個Step,肌膚都唔會好似搽咗好多野好厚咁,而且肌膚飽滿水潤,膚色都true白咗,好似有少少白裡透紅添!

當然要試埋上妝效果啦!特別上係眼妝時一筆過就可以畫好眼線,好Smooth。
而上起粉時好貼面,唔再似「油頭粉面」呀!



上妝當日全日都有陽光,濕度唔係太高,但玩完成日個妝好Keep到貼服,就算冇補妝情況下都無出現「油頭粉面」情況。

落完妝,肌膚都仲係Keep住水潤,唔會有缺水情況出現!小妹夏天就靠佢幫手補水補濕啦!

光透幻白妝前保濕系列產品:妝前保濕精華35ml HKD320、妝前保濕眼唇精華15ml HKD 180、妝前保濕化妝水100ml HKD 180 及妝前保濕修護乳100ml HKD180

BEVY C.產品已經登陸 Fingershopping 同13間Log-on門市啦!

想知多D BEVY C. 產品,可以Click入佢地Facebook: https://www.facebook.com/BEVYC.HongKong


文章介紹為個人喜好及用後心得,不同人士各有喜好,體質亦各有不同~

是次產品由BEVY C. 提供,希望大家會鍾意小妹分享。
小妹仲有其他Blog,FB PageIG,歡迎大家去睇~

Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice