2015年6月6日 星期六

銅鑼灣歇腳好去處@He She Eat

上個月小妹同朋友到銅鑼灣亂逛,無諗過一排無去,原來小妹喜歡嘅甜品Cafe-He She Eat已經登陸咗銅鑼灣地帶啦!


上到2樓一步出去就見到大大個He She Eat招牌,招牌粉紅唇Logo好Shape呀!


一坐低服務員就為小妹同朋友送上餐牌同水,服務真的不錯!服務員仲細心介紹幾款食品後就等小妹同朋友慢慢睇啦!


餐牌上林林總總嘅食物同飲品,叫小妹都睇到花多眼亂...所以小妹同朋友都揀選幾道係餐牌上有He She Eat 粉唇Logo嘅菜式。

就等小妹為大家一一介紹啦!首先第一道就係墨魚汁魷魚扁意粉(少辣)。


WoW!黑漆漆嘅扁意粉,上面加上煎香嘅魷魚片,香氣噴鼻呀~


卷起扁意粉,墨魚汁還是實實在在的掛在全條扁意粉上,不像平日食到的墨汁只一撻撻在意粉上。

吃起來有小小辣味,小妹不算是個可食吃辣的人也可以接受,加上濃濃墨魚汁味很搭配。
扁意粉爽口,不糊口,而魷魚是彈牙有口感,不會過韌或過「淋」。

食咗麵之後當然就係要飲D飲品啦!小妹就點咗一壺瘦身花茶飲~


茶倒出時不會太濃,散出少少薄荷香味,入口都是香香嘅薄荷味,少少涼涼地感覺。


小妹八卦打開壺蓋,見到原來都幾足料,因為整整成個茶包都盛滿茶葉。

另外朋友亦點了沙冰,燕麥沙冰。


上面滿清Cream加上冰冰涼嘅沙冰,夏天行街街到熱辣辣飲就最好不過!

小妹同朋友一個主菜又點夠呢?!所以都點了店內出名嘅He She Eat Burger~ 


原來Burger還有粗薯條及少少沙律菜跟上,太吸引了!


WOW!厚厚嘅漢堡包,足足有4層厚呀!


小妹一邊切一邊D汁就流出來,雖然邊切邊流,但入口時漢堡還是很Juice~

再加上芝士半熔的和漢堡一起味道十足。

而磨菇扒也是厚厚啖啖菇肉,而麵包就外脆內軟。


粗薯條條條都炸得通透,每條都脆卜卜。

食完兩道Main Dish之後雖然有少少飽,但無甜品又點可以稱上係滿足嘅一餐呢?!

小妹同朋友都各點了一道甜品,分別係櫻花草莓奶凍同是日梳乎里~

因為梳乎里是馬上焗的,所以奶凍先到...


好靚嘅奶凍呀!小妹唔捨得食呀!下面係櫻花加上草莓味嘅奶凍,奶凍面這有蛋白脆脆和威化餅碎,當然不少得大大球嘅草莓雪糕。


香滑雪糕加上一粒一粒嘅草莓果肉,令雪糕口感十足。
而奶凍香滑,微微櫻花香味,So Nice!
而蛋白脆脆十分脆口,整個甜品有多個不同口感,舌頭過足癮。

另一道就係是日梳乎里,每日都有不同味道梳乎里...


今次就試到雲喱拿味梳乎里加上野莓雪葩。


梳乎里焗到超高呀!一「吉」落去超鬆軟呀!彈彈下好得意呀!


入口都係鬆軟之極,啖啖香濃雲喱拿味,而且甜味亦十足。

雪葩控嘅小妹最欣賞當然係個野莓雪野莓雪葩啦!


雪葩充滿野莓味,入口酸酸甜甜,中和不少整頓少少飽膩感覺。 

總括而言,食物味道一流,環境不錯,服務滿意。



想知多D關於He She Eat 可以Click入其Facebook -->  https://www.facebook.com/HeSheEat?fref=ts

文章介紹為個人喜好及用後心得,不同人士各有喜好~

希望大家會鍾意小妹分享,小妹仲有其他Blog,FB PageIG,歡迎大家去睇~Blogspot | TheZtyle | Glamablog | BE | iTrial | F&B | Weshare | Elle | Pixnet | Openrice