Hello Kitty迷又有好消息，香港首間Hello Kitty Health Centre已經登陸尖沙咀永安廣場，小妹仲有幸出席到中心開幕禮，真係好開心呀～
其實未踏入Hello Kitty Health Centre已經感覺到有好多Hello Kitty陪住小妹啦！
但可惜小妹唔記得影門口，因為連門口都係Hello Kitty做門框～
除咗門框之外，門口仲有好多Hello Kitty護士公仔(聽聞好似只有依間Health Centre先有），一個個掛係門口，而且仲有好多Hello Kitty裝飾添，Hello Kitty迷一定會好開心！
小妹都帶走一隻返屋企希望Hello Kitty護士可以睇住小妹啦！
Health Centre入面仲有全港唯一一隻Hello Kitty護士大公仔。
小妹都忍唔住要同佢合照呀！
Centre內等候區嘅Sofa都滿佈Hello Kitty 咕𠱸，有心形又有方形，可以舒舒服服手抱Hello Kitty等睇醫生！
Centre內另一等候區嘅Sofa就係用Kitty頭飾為造型！
除咗大公仔同Sofa外，中心仲有Hello Kitty 水機，以Hello Kitty造型製成水機，而且仲提醒大家一日要飲8杯水添～
入到房間，每間房都滿佈Hello Kitty，包括牆身、櫃門、垃圾桶、紙巾盒...
開幕禮當日由健康中心執行董事張立申先生介紹中心，原來中心提供疫苗注射服務，更引入瑞士「兒童性格測試」，係亞洲首項基因性格測試，可以為小朋友提早搵出切合性格的訓練班。
由於中心提供疫苗注射、健康檢查及基因測試服務為主，並非醫療診所，故不設駐店醫生，只有四名註冊護士在店駐守，但會提供醫療轉介服務。
小妹見到每位護士制服都有Hello Kitty 公仔，相信小朋友見到會好開心！
開幕禮當日仲邀請Hello Kitty迷之一嘅陳嘉桓小姐出席。
張立申先生、陳嘉桓小姐、Hello Kitty等人一齊為Health Centre進行剪綵！
地址: 香港九龍尖沙咀東麼地道62號永安廣場1樓108室
服務時間: 星期一至六 : 早上9:30 - 下午6:30
星期日及公眾假期 : 休息
電話: +852 39746698
文章介紹為個人喜好及用後心得，不同人士各有喜好，體質亦各有不同～
想知更多Hello Kitty Health Centre 資料可以Click入
Hello Kitty Health Centre 官網 / Hello Kitty Health Centre Facebook
想知更多Hello Kitty Health Centre 資料可以Click入
Hello Kitty Health Centre 官網 / Hello Kitty Health Centre Facebook
小妹仲有其他Blog，FB Page及IG，歡迎大家去睇～
沒有留言:
張貼留言