週末貪睡相信大家都會...小妹當然都唔例外啦！
起身時早餐時段已經過，Lunch又好似食唔落？！Brunch就最係最佳選擇～
小妹今次就去左一間幾好情調嘅餐廳食brunch開始Weekend Holiday...
小妹同朋友甫入餐廳就被安排到閣樓小桌就坐，如果喜歡靜靜地嘅朋友一定喜歡！
睇下餐牌，佢地都有好多不同Brunch選擇...
Brunch由一杯細橙汁＋主食＋餐飲組成，感覺好豐富呀！
而且餐廳係唔同時段都有推出其他優惠，小妹下次都要試下其他時段黎試下先～
而且餐廳內有Free Wi-Fi，落完單等野食時都唔怕悶啦！
小妹點了炭燒牛扒焦糖洋蔥脆法包配法式薯條～
好開心係粗薯條呀！
脆法包烤得非常脆口，而牛肉非常Juicy，完全無「鞋」口感覺，想不到只要Brunch都可以食到這樣有質素的！
粗薯條外脆內軟，熱辣辣非常好食～
小妹朋友還點了煙三文魚熱溶芝士牛角包配法式薯條，但由於太餓了都忙了拍照！
牛角包非常軟身，而且熱辣辣，非常好食，只是芝士熱溶好像差了一點，不太溶，有一點美中不足～
另外小妹還外加了雞翼，這個是蜜糖芥末炸雞翼...
炸雞翼炸得乾脆香口，再配上甜甜酸酸醬汁，一流呀！
但要小心真的非常燙口，上菜後不要馬上食呀～
Cossi: 荃灣大壩街19-27號地下
港鐵荃灣西站 A1/ A2/ E2 出口, 步行約10分鐘
文章介紹為個人喜好及用後心得，不同人士各有喜好，體質亦各有不同～
小妹仲有其他Blog，FB Page及IG，歡迎大家去睇～
沒有留言:
張貼留言