平日忙忙碌碌，敷Mask有時都變得好奢侈，但小妹竟然接觸到只需30秒就可以敷到嘅喚膚水面膜，當然要急不及待試用體驗，Blithe嘅30秒奇跡喚膚水面膜(綠茶)小妹嚟啦！
Blithe係韓國 Anti-polluaging專家，以天然無污染成份對抗外來侵害，而且Blithe 的產品絕不含 9 種常見的有害物質，包括對羥基苯甲酸酯(paraben)、二苯甲酮
(benzophenone)、滑石、月桂基硫酸鈉、三氯生、三乙醇胺、苯氧乙醇及人工色素，所以不會對敏感脆弱嘅肌膚構成負擔，小妹就最Like！
而今次小妹接觸嘅Blithe產品就係30秒奇跡喚膚水面膜(綠茶)，30秒奇跡喚膚水面膜故明思義就係喚醒肌膚嘅Mask。
革命性設計將面膜濃縮再仿照韓國女性以大米水洗面的傳統護膚之道，短短30秒就能有效去除停留於肌膚表層 14 天的死皮及灰塵，而且溫和滋潤，絕不刺激幼嫩肌膚。
蘊含複合水果萃取物的營養素，於喚膚期間源源注入潔淨毛孔，用後不會感到繃緊。同時加入綠茶萃取物、法國水果複合物、薰衣草及茶樹，能鎮靜和舒緩肌膚，潔淨毛孔及令肌膚水油平衡。 配方同時加入荼樹油等有效控制油脂的成份，尤其適合油性肌膚或於炎夏天氣使用。
每盒Mask後面都有清楚說明，小妹係綠茶味，所以適合混合性至油性皮膚。
而且圖文並茂的使用方法，一定唔會用錯啦！
用法都算簡單，將一瓶蓋份量(約 7 毫升)的喚膚水面膜倒入 700 毫升清水。輕輕攪拌後將水輕拍於潔淨的面部大約 30 秒，最後以毛巾輕力印乾面上水份即可。
扭開瓶蓋仲有個保護塞就唔怕會倒瀉...
而且瓶蓋用後有時都要清洗下，所以有個保護塞塞住先就唔怕會污染到產品啦！
小妹Ready，700ml清水(其實4分1面盆水就差不多) 同1瓶蓋奇跡喚膚水面膜。
其實喚膚水有陣陣茶樹味，小妹就覺得個味幾濃，但又唔係刺鼻，都幾好聞。
將奇跡喚膚水面膜倒入水就可以，加入後D水有微微變成綠色，可惜小妹影唔到。
混合好嘅水就只需要係面上拍打就可以，30秒就可以。
拍打後小妹就會等佢自然風乾，如果朋友唔喜歡自然風乾都可以用毛巾印乾。
拍打完D水其實有少少污糟，水面有少少白色泡泡，相信係小妹面上灰塵同死皮等落水後的效果。
風乾後面上完全無繃緊感覺，面上感覺水噹噹，而且死皮除去，皮膚都變得亮白幼嫩。
全日肌膚水油平衡，唔會全面油光，上妝前用都無問題。
小妹用咗3次，面上原有的暗瘡舒緩同減退不少，特別係鼻翼位置，原來大大粒的暗瘡都完全退去全無疤痕。
有暗瘡嘅朋友，小妹超推薦，超快可以KO暗瘡！
30 秒奇跡喚膚水面膜 (綠茶) HK$256/ 200ml (除開每次都唔洗＄20，都幾抵用）
想了解更多Blithe產品可以Click入Sasa Facebook / Sasa Website
文章介紹為個人喜好及用後心得，不同人士各有喜好，體質亦各有不同～
是次產品成分及資料由theZtyle.com提供，希望大家會鍾意小妹分享。
小妹仲有其他Blog，FB Page及IG，歡迎大家去睇～
沒有留言:
張貼留言