Glamabox原來已經4歲啦！
小妹之前已經收到Glamabox 4週年盒子，但一直都未有時間同大家分享，今次依個盒子豐富程度遠超想像呀！
總共有成5件正裝產品，但都只係$338太有驚喜吧！
一於一件件為大家介紹啦～
第一件就大家介紹就係Glamour逆轉歲月眼部緊緻霜!!!
逆轉歲月眼部緊緻霜採用專利配方有效舒緩眼部浮腫，減退眼紋及黑眼圈，使疲倦暗啞的眼部肌膚即時回復光澤。
打開蓋有封口，好衛生呀！
擠出眼霜，白色眼霜沒有香味。
於手上試推，亦非常容易。
到係眼部試推啦！
小妹沿眼窩位置推開及輕按，眼霜迅速吸收，而且不膩笠。
用後黑眼圈有改善，原來的眼袋都減淡不少！
第二件要為大家介紹就係Noelle 100% 天然純正橘子植物精油10 ml & 100% 天然純正甜杏仁植物油100 ml...
100%天然純正橘子植物精油以植物精華萃取提鍊出芳香及擁有神奇療效之植物精油，可應用在身體上消退妊娠紋、清潔及淡化疤痕。而在精神上能安撫焦慮、幫助睡眠，為你打造優質健康生活。
100% 天然純正甜杏仁植物油是基礎油可作為緩衝及稀釋精油，含有豐富的「必需脂肪酸」（EFA）和維生素。「必需脂肪酸」提供營養，有助保持皮膚嬌嫩，而維生素中和自由基，提供抗氧化保護。還含有高營養素的特質，是很好的滋潤和混合油，是理想的按摩油。具有良好的親膚性，適合嬰兒、乾性，皺紋、粉剌及敏感肌使用。
產品後面仲有介紹，唔怕唔識用啦！
100% 天然純正甜杏仁植物油，可以直接使用，於是小妹在大腿上搽上並按摩。
非常易就可以於皮膚上推開，而且滋潤度十分足夠，冬天皮膚乾紋出現，按摩後乾紋都按走了，冬天乾燥天氣都冇有怕！
另外甜杏仁植物油可以和橘子植物精油一齊Mix嚟用。產品內有個Mix瓶可以方便將兩款油混合用～
小妹發現混合後嘅按摩油更可以令身心放鬆，而且滋潤度同樣好！
第三件產品係Oxygen蜂蜜酵素面膜
蘊含高含量麥蘆卡蜂蜜成份、小黃瓜、蘋果提取液、蘆薈精華及新西蘭本土有機啤酒花酵素，具有助消炎袪痘、美白提亮、柔軟肌膚、鎮靜滋養、抗氧化等功效。
包裝上印有Made in New Zealand，新西蘭製造，小妹都係第一次用新西蘭產品。
從包裝睇，牙膏裝蜂蜜酵素面膜應係Gel Mask type！
擠出係金黃色Gel狀，有陣陣蜂蜜香味，味道都幾Nice！
唔需要厚敷，薄薄係面上搽勻就可以，因為只需薄薄一層，所以一枝都可以用到好多次WO！
等15分鐘後就用溫熱毛巾拭去，冬天用都唔怕洗面時凍冰冰啦！
而且好易就可以拭走面膜，So Easy~
用後面上厚厚角質明顯軟化不少，因為輕易就可以在面上拭走死皮。而且膚色透白提亮了，面上原來紅點都鎮靜下來。
第四件產品就係Wild Organic 有機藍甘菊防敏潔面泡泡。
有機藍甘菊防敏潔面泡泡蘊含有機認証羅馬洋甘菊油，可抗炎、止癢、消毒殺菌、緩和過敏現象，同時強化組織，抵禦外來因素破壞皮膚，使肌膚回復光滑亮澤。並有效舒緩因暗瘡引致的發紅反應，減少泛紅現象，舒緩肌膚。富含天然椰子油及甘油成份，高效保濕及有效地滋潤肌膚，質地清爽無油膩感，而且能提供足夠泡沫，質感柔滑豐盈。
產品上印有Made in Australia，而且更有有機認證添！
擠出已經係豐盈泡泡，而且散發出陣陣洋甘菊味。
係手上推開泡泡，泡泡係手上推開即散，感覺好soft好舒服。
係面上用，就算係眼周圍都唔會澀眼。
洗面後面部完全冇繃緊感覺，用後面上明顯亮白不少...
降紅舒緩效果不錯，原來痘痘紅印位置都舒緩了。
最後一件產品就係Ysyoo AQUA 3S極致水凝全效爽膚水！
爽膚水蘊含大豆籽及金鏤梅萃取，有助抑制過量的皮脂分泌和緊緻毛孔；並含有洋甘菊和積雪草萃取，有助紓緩鎮靜肌膚。而蝸牛黏液精華及天然保濕因子，就能滋潤肌膚同時鎖住水分於肌膚內，使肌膚呈現水嫩觸感，並促進肌膚對後續護膚品的吸收。再添加了氨基酸及山茶花葉萃取，有效加速肌膚細胞新陳代謝，促進肌膚修復效果。
上面亦印有Made in Korea~
打開就見到有密封條，保證衛生！
倒出爽膚水，透明冇香味，Nice！
拍打上面迅速吸收，而且清爽不膩笠。
小妹亦會用爽膚水沾滿棉花敷在面上，化妝前敷可以令妝容更貼！
不論拍打還是沾濕棉花敷面，皮膚都水嫩清爽。
4週年盒子每件產品都各有特色，5件合共都只係＄338，真係非常超值呀！
每件產品建議零售價:
逆轉歲月眼部緊緻霜12 ml HKD 530
100% 天然純正橘子植物精油10 ml HKD229
100% 天然純正甜杏仁植物油100 ml HKD 299
蜂蜜酵素面膜 200 ml HKD 320
有機藍甘菊防敏潔面泡泡 80ml HKD180
AQUA3S極致水凝全效爽膚水 120ml HKD 189
想知更多Glamabox資料可以Click入--> Glamaclub Website / Glamaclub Facebook
文章介紹為個人喜好及用後心得，不同人士各有喜好，體質亦各有不同～
是次產品由Glamaclub提供，文中產品成分由品牌提供。
沒有留言:
張貼留言