2016年2月11日 星期四

炭燒西冷值得一試|LAB EAT Restaurant & Bar

小妹向來都係一位西餐迷,好多時同朋友出街都會捐窿捐罅搵好食嘅西餐食。


今次就同朋友去尖沙咀金巴利道行街,見到名叫LAB EAT Restaurant & Bar嘅餐廳,一於要試試先!


甫入店內見到林林總總嘅酒瓶都陳列係Bar枱位置附近,喜歡飲酒嘅朋友一定搵到自己心頭好。


除此之外,仲有大大隻風乾火腿,用來佐酒相信相當不錯。


店內仲有生蠔供客人享用,由於每天都會有不同款式的新鮮生蠔,所以店內的生蠔餐牌每日都會轉。


餐廳仲有Set Dinner可以選擇,小妹當日去就有5款不同Set dinner!小妹同朋友就決定要試佢地兩款Set Dinner同生蠔。


未上頭盤前就有少少麵包作為開胃菜。


桌上分別有橄欖油及黑醋可以用來點麵飽食。

小妹就十分喜歡佢地個黑醋因為酸味剛剛好,令小妹可以更開胃!


小妹同朋友就點了3 Choices of Oyster,分別係Irish Rock (Ireland),White Pearl (France)及Majestic (France)。


右面的是Irish Rock,它是3種生蠔中最淡海水味,入口有鮮甜而且非常Creamy。

左面的是White Pearl,海水味比Irish Rock重,帶有少少海水的鹹味。


最後的Majestic是海水味最濃而且亦是最肥美的一隻,小妹最喜歡的。


小妹更喜歡它們的貼心,因為有擠檸檬汁的器,Lady們就不怕整污糟雙手有失儀態啦!


小妹點了Santa Claus作為餐飲,酒精含量不多,適合不太懂似酒的女士們。

加上上面點綴嘅士多啤梨甜甜地,小妹非常喜歡。


小妹朋友就點了Snow White,上面有荔枝點綴,酒味較濃。 


頭盤到啦!雞肉華多夫沙律,雞肉煎得香口,味道不錯。


餐湯為Daily Soup,每日都會有不同款式的餐湯。
小妹今次飲嘅係南瓜湯,味道非常香濃,而且入口Creamy。


到主菜啦!首先就係香草雜菌炒意粉。

意粉炒得非常乾身,一點都唔油膩,而雜菌全無草青味,配上香草味濃,入口非常可口。


另一味主菜就係炭燒美國西冷牛扒配黑椒汁,牛扒係小妹Favourite!


小妹平日喜歡食比較5成熟的,但今次就係點了7成熟。牛扒非常嫩滑,軟腍適中,非常易就可以切開。入口肉味相當濃香,加上少少肥膏就更加甘香。


配牛扒還有薯角,薯角炸得外脆內腍,非常香口。


主菜食完到甜品啦!芒果荔枝芝士餅,上面畫有圖案非常可愛。

入口散出淡淡荔枝味,芒果味重,芝士餅算上香滑。


另一件就係熱情果芝士餅,入口有濃濃熱情果味,加上熱情果果籽令甜品更有口感。


小妹同朋友都非常喜歡LAB EAT Restaurant & Bar為我們帶來豐富又開心嘅晚餐。

LAB EAT Restaurant & Bar
地址 : 尖沙咀金巴利道83-89號僑豐大厦地下1-2號舖
電話 : 2833 1976
營業時間 : 1500 - 0100

想了解更多LAB EAT Restaurant & Bar可以Click入
LAB EAT Restaurant & Bar Website / LAB EAT Restaurant & Bar Facebook


文章介紹為個人喜好及用後心得,不同人士各有喜好,體質亦各有不同~
是次試食由LAB EAT Restaurant & Bar提供,希望大家會鍾意小妹分享。

小妹仲有其他Blog,FB Page及IG,歡迎大家去睇~