原來小妹真係好耐無更新BLOG...事源係工作關係加上小小懶惰令到暫停咗一段時間，不過大家放心，小妹之後都會勤力KEEP住UPDATE！
懶惰嘅小妹今次決定要向大家介紹一件懶人必備護膚產品 - 妝蕾 ®泰國蠶絲面膜。
於2014年諾帕頓·礽西先生在泰國研發出妝蕾 ®泰國蠶絲面膜，以與人體皮膚極相似並且具有強力精華液儲存力嘅蠶絲製成。面膜不單貼敷性強，而且滲透力強，再加上蠶絲具有多種胺基酸，有助將精華液滲入肌底補水同時促進肌膚代謝，令肌膚長效展現光澤感。
妝蕾 ®泰國蠶絲面膜至今全球銷量已經突破2億多片，不單係泰國人氣面膜之選，連有面膜狂人之稱嘅范爺(范冰冰)同內地人氣影星林允都選用。
未敷面膜之前當然要確保買到正貨先，如果用到假貨仿版，無功效事小，敷壞皮膚事大呀！
首先當然去指定零售商買就最好啦！妝蕾 ®泰國蠶絲面膜 已經登陸全線SASA化妝品、萬寧、屈臣氏、雅施ASTER及阿布泰國生活百貨。
當然有可能其他地方都會有售，小妹一於同大家分享下點分辨真偽妝蕾®泰國蠶絲面膜。
真嘅妝蕾®泰國蠶絲面膜(金)包裝上有Gold字，無嘅就好可能係假貨。
另外，包裝後面有圖文並茂嘅使用說明同正貨QR CODE防偽標籤添！
最重要係正貨QR CODE防偽標籤，只要刮去銀色塗層見到16個位數字防偽驗証碼。
SCAR個QR CODE，輸入16個位數字防偽驗証碼就可以Check到係唔係正貨，而且仲可以了解到面膜更多資料，用家就可以用得安心。
介紹完點買正貨，當然到試用分享啦！
妝蕾 ®泰國蠶絲面膜分別有金色及銀星兩款不同功效，每盒有10片。
金色功效主要以緊緻、亮白和淡斑去痘為主，含有具抵抗黑色素生成的金箔、能保濕抗皺的蝸牛原液、有助修補肌膚細胞及延緩皮膚衰老的膠原蛋白。
銀色功效主要以保濕、提亮、收毛孔為主，含有舒緩肌膚敏感的尿囊素、具保濕潤肌功效的甘油及甜菜鹼。
敷面膜前當然要知點用啦！每片包裝上都圖解使用。
當然係香港指定零售商買仲有中文使用說明添~
打開包裝就見到用白色膠膜和藍色纖維紙包住嘅面膜。先撕去白色膠膜並敷於面上，定好位置後再撕走藍色纖維紙，敷10-20分鐘就OK！
小妹因為面上出咗不少痘痘，所以首先用咗金色，希望可以去痘先。
用完幾片後，面上痘痘出少咗，而且痘痘印有減淡...小妹比較高興係膚色有改善，用後起碼無咁「黑面」情況。
保濕方面都不錯，因為敷完面部唔再乾繃繃。
之後試埋銀色，要為肌膚保濕同提亮。
銀色真係保濕一流呀！小妹用完最大感覺係個妝KEEP到一日，溶妝情況減少。而且上妝時更貼服，好大機會係因為面膜具有持久保濕功效。
敷完唔化妝面上好似有層水膜包住肌膚，令肌膚水潤光澤同時減少肌膚水分蒸發，全日都唔會感到面乾要噴保濕。
😆！記得認住個方形QR Code防偽標籤同16個位防偽碼先係正貨
😉
文章介紹為個人喜好及用後心得，不同人士各有喜好，體質亦各有不同～
