Dry爆天氣唔再怕♡多謝Bevy C.水潤肌系列

冬天天氣除咗之外就係乾燥，特別係冇拖拍嘅小妹就更加dry到爆T_T!!!

好彩小妹有機會體驗到來自台灣嘅BEVY C.嘅水潤肌系列產品，之後睇女人我最大見到介紹已經好想試啦！

當然因為依個系列產品拎到2014女人我最大美妝大賞最佳化妝水賞同美妝大賞最佳網路人氣賞就更令小妹想試啦！

 之前都聽聞過朋友話BEVY C.產品好好用，由其係水潤肌保濕系列產品好保濕同滋潤，一於我小妹引證下\^o^/ ~

要為皮膚保水？！面膜當然係其中一種不可多得嘅產品啦！以下隆重為大家介紹BEVY C.水潤肌保濕水導膜!!!小妹好鍾意嗰珍珠色packing呀！

Packing上面有清楚嘅使用說明同功效，仲係中英對照，好貼心呀！由於小妹好多時都會大頭蝦用錯方法or時間，清清楚楚嘅說明，小妹好buy!!!

一睇說明之下知道原來依個mask除咗可以作為平日修護、潤澤、保水、鎖水嘅保濕面膜外，仲可以當急救面膜添!!!啱曬近排大忙嘅小妹係新年前做個保濕大急救!

打開包裝就見到由珍珠紙包住嘅日本和紙布面膜，小妹都係第一次接觸和紙布，感覺好Soft，好舒服呀～～

敷在面上時已經覺得面膜個Size好Fit, 就算小妹係面大一族，都可以完成Cover到全面。

而且好貼面，輕輕一推將D氣泡推出後面膜就可以完成貼服面上，而且唔會因為大動作而走位，小妹平日坐係度敷面膜好怕D面膜會走位，但BEVY C. 面膜就無依個問題，大愛！

敷完之後感覺皮膚好水潤，好似為肌膚泵咗好多水入去，肌膚脹卜卜，好彈手(小妹當然唔會彈自己塊面咁傻啦！)，但最好係唔會有一種笠痴痴感覺，小妹真係好怕笠痴痴嘅～

而且膚色同毛孔粗大都有少少改善，始終因為皮膚多咗水，所以光澤度都明顯高咗，好似打咗一層光油，而且D毛孔明顯比敷之前細咗不少，小妹最愛就係依個Feel啦！

其實Packing入面都仲有不少精華，上面右上角都係係包裝內嘅精華，個份量都夠塗上頸同手！Yeah，小妹隻手都可以飲飽到水啦～

小妹另外覺得依個Mask好用之處係佢個水潤感覺好long lasting，真係好似為肌膚底層注水，小妹敷完面膜第二日朝早都仲Feel到好多水潤彈滑～

要為肌膚Keep住保水又點可以少得後續護膚品呀！登登登登...水潤肌系列產品，當中產品包括水潤肌保濕化妝水，水潤肌保濕精華液同水潤肌保濕霜～

WOW，依3件產品來頭都唔少呀！分別都得到女人我最大2014美妝大獎中的產品分類最佳獎項，而當中的化妝水更加獲得網絡人氣獎...咁受大家歡迎嘅產品，小妹好心急想試呀！

首先為大家介紹下枝BEVY C. 水潤肌保濕化妝水先啦！原來可以解決乾燥肌膚之外，仲可以解決到暗沉、粗糙等困擾，依D正正係小妹面對最大嘅問題！

BEVY C. 水潤肌保濕化妝水含有乾燥修護型8種胺基酸同玻尿酸鈉，可以加強保水修護，如果配化妝棉用可以進行濕敷。但小妹都未至於以濕敷方式用，所以小妹決定用以下方法...

小妹就係用咗輕輕拍打按摩方法將化妝水拍打入皮膚，因為化妝水唔算太水狀，所以可以慢慢拍打，而且拍打時都唔會整到周圍都有，小妹幾鍾意，Nice！

用後小妹覺得肌膚好似有似水膜包住，D水Keep住係皮膚入面，好Q彈呀！最好就係化妝之前用，因為小妹皮膚比較易出油，所以妝前用令個妝都可以Keep到耐D仲會貼服D，唔會咁易溶妝～～

塗完化妝水當然唔少得精華啦！為大家介紹就係獲得最佳精華液獎嘅BEVY C.水潤肌保濕精華～～同樣地含有乾燥修護型8種胺基酸，可以提升皮膚保濕力，令皮膚恢復水潤細緻。

小妹最愛係無添加酒精同人工色素，因為小妹有時都會因為產品含有酒精而敏感泛紅。

小妹好鍾意個泵嘅Design呀！一般精華都要扭開瓶再擠or倒出，小妹覺得有小小麻煩，一來係難控制份量，而且好多時都怕扭唔唔實個蓋。但泵就可是以免去好多麻煩，好方便就可以擠到合適份量or建議份量，而且又唔怕打開蓋入咗細菌...

因為小妹係混合乾燥肌膚，所以按壓兩下個份量會比較適合。原來係美容液質地，所以係油性皮膚上用都唔會油膩。

可能因為成分含有微米分子淬取技術，令保濕修護活性成分更加親膚、更容易被肌膚吸收。小妹用後覺得一塗上面就好快可以推開，而且被吸收(當然可能有機會係小妹肌膚真係太乾，所以好快就吸收曬啦! )

因為精華只係晚間用，用完後第2朝早起身個感覺都好水潤，係小妹大愛嘅地方。因為小妹都用咗差不多2星期，發現平日起身嘅乾紋好似少咗，而且皮膚都仲係好有光澤～

最後一步就係塗面霜，BEVY C. 水潤肌保濕霜同樣獲得最佳面霜獎，實力都係有保証的～

Picking入面仲有個膠勺，咁就唔怕會整污糟成瓶面霜啦！面霜針對亞洲女性乾燥肌膚而設，可以改善暗沉、乾荒、粗糙等問題，當然又係小妹最大嘅肌膚煩惱啦！

小妹用膠勺拎咗D面霜，然後都係用輕輕按摩嘅方法將面霜塗均，小妹仲會特別用擦熱掌心，令D面霜更加易入到皮膚。塗上後唔會有好Heavy個感覺，唔油膩同笠痴痴，唔錯唔錯～

依個面霜仲可以係秋冬妝前使用，令肌膚深度滋潤鎖水。小妹都試過依個方法，效果不錯。個妝都可以Keep到一整日，唔會因為出油溶妝，而且上妝時份外貼服～～

化完一日妝，不必都會令皮膚乾咗同暗啞，當晚用厚少少塗上面，加上按摩就令肌膚好快補充到水份，回復到透亮水潤光澤。

講咗咁多次話第2朝早起身個感覺好水潤，當然要俾大家睇下個成效，黃衫係未用之前，橙色係用後！(原諒小妹每一朝起身時都會面腫腫，希望大家唔好介意）

用咗約2星期後嘅朝早，面部D皮膚都算好水潤，而且都幾Q彈，面上暗啞問題都可以改善到！小妹相信Keep住用應該效果更明顯！

依家香港都有BEVY C.產品買啦！想買到可以到LOG-ON 13間門市or BGO美集合美妝網買到！

水潤肌保濕系列產品套裝價HKD820(水潤肌保濕化妝水 130ml HKD 220, 水潤肌保濕精華液 30ml HKD 320, 水潤肌保濕霜 30ml HKD 280)，水潤肌保濕水導膜 3片裝 HKD120。

想知多D BEVY C. 產品，可以Click入佢地Facebook： https://www.facebook.com/BEVYC.HongKong

文章介紹為個人喜好及用後心得，不同人士各有喜好，體質亦各有不同～

是次產品由BEVY C. 提供

小妹仲有其他Blog同FB Page，歡迎大家去睇～

Blogspot

TheZtyle

Glamablog

BE

Elle

Pixnet

BB、CC...不如GoodSkin Labs 8小時修護調色ABC霜

小妹一向都係好懶化妝嘅人，好多時只係會靠BB Cream、CC Cream打左個Basic，之後再上胭脂，但為咗要遮到小妹面上瑕疵有時都不必「重手」咗，搞到成個妝都好厚。


有幸獲邀試到Good Skin Labs嘅8小時修護調色ABC霜，其實小妹好耐之前係巴士已經聽過依個Brand，個時接觸嘅係緊緻淡紋抗皺霜，可惜小妹當時未用得着...

而今次依枝Good Skin Labs－8小時修護調色ABC霜，聽聞一枝就可以做到BB Cream嘅妝容透薄效果，而且更加可以有CC霜嘅遮瑕，達致WinWin兩得，小妹真係好心急要一試啦！

WOW！未用之前睇到個包裝，已經清楚介紹到產品功效而且又有用法，太User Friendly啦！而個用法都好簡單。只要潔面及爽膚後，取適量均勻塗於面部(避開眼部位置)。早上可於塗抹保濕霜後使用，用作調和膚色及防曬。需要時可補充塗抹。

原來GoodSkin Labs A-B-C Cream係全新革命性概念底妝產品，糅合護膚品和完美化妝底霜多功能於一身。而A－B－C都係代表不同的meaning同功效...

A－Anti-aging, Anti-pollution 可以防止肌膚老化，對抗環境污染、B－Brightening幫助肌膚透潤亮白、C－Color Correction 有助調控膚色！

而8小時修護調色ABC霜特別蘊含調色光學因子，有效自動調節面部不同部位的色素，趕走暗啞、完美修飾肌膚色調。仲有玻尿酸可以即時為肌膚補濕，減少肌膚出現幼紋、皺紋及膚色不均等現象。

當然唔少得令肌膚回復生氣礦物顯色因子，能夠將光線折射和分散，讓肌膚時刻綻放耀眼光芒，為你締造健康飽滿的肌膚。

佢個防曬系數都好高，有SPF 30及PA+++，有效阻截紫外線和游離基的侵害；配方中的維他命E、海藻醣和山梨醣醇更能為肌膚補濕抗氧。

咁多好處，就等小妹試下先啦！失手擠多咗添！XDXD

其實擠少量已經好足夠推開搽均全面啦！小妹以下小圖已經係夠搽全面連頸份量啦！

推開時質地都算係透薄滋潤而且易推，唔會覺得太油同太笠，都算係幾清爽啦！

推開後係肌膚感覺都算舒適的，好多時有D BB Cream 推開之後好似有層膜「MON」住咁，但依個ABC Cream 都冇依個Feel 。

相比沒塗上同塗上效果，遮瑕度算不錯，小妹手上斑點都遮到。而且都有做到調節膚色效果，雖然調得比我預期中白，但都算自然，唔會覺得好似好厚粉。

 

上完一日妝感覺唔會好重負擔，肌膚唔會有缺水問題，超碼小妹化完妝一日都唔見有出粒粒問題。

總括而言，依枝GoodSkin Labs A-B-C Cream都算不錯！如果肌膚比較白嘅朋友會比較適合。

如果想一試GoodSkin Labs A-B-C Cream或其其他產品都可以到莎莎選購，GoodSkin Labs產品由莎莎獨家代理並於全線分店發售，顧客查詢熱線：2505 5023。

文章介紹為個人喜好及用後心得，不同人士各有喜好，體質亦各有不同～

是次產品由theZtyle.com提供，文中產品成分轉載自https://www.facebook.com/SGSaSa/

小妹仲有其他Blog同FB Page，歡迎大家去睇～

Blogspot

TheZtyle

Glamablog

BE

Elle

Pixnet

My All Day Breakfast On Sunday Morning ＠ Bubble Tree Tsuen Wan

又到七日一度嘅星期日啦！忙咗6日終於可以舒舒服服咁Enjoy個早餐啦！

一向都喜歡將2餐合併做一餐食嘅小妹當時都貫徹平日作風啦！但大食嘅小妹點可以只係食一份早餐呀！（因為一定唔夠，平日早餐都要食兩個杯麵啦！）

所以有見及此小妹決定試下屋企樓下間Cafe新推出嘅All Day Breakfast!!! 

Let Go And Try!!!

未食之前已經有杯檸檬紅茶為小妹個胃get start啦！

平日係會用紙杯方便客人食完拎走野飲，但因為All Day Breakfast 係要慢慢歎，所以佢地特別為客人轉左用玻璃杯，希望客人可以慢慢享受。

好啦！一於睇下依個All Day Breakfast 有D咩野食啦！GO！GO！Letʻs Go！

WoW！好豐富呀！除咗飲品之外，有1,2,3,4,5,6...6種不同食物呀！分別就係牛仔腸，鮮奶炒蛋，煙肉，鮮果沙律，風乾火腿沙律，英式鬆餅配鮮忌廉及士多啤梨果占。

真係好多野食呀！等小妹一一為你介紹～～首先由小妹最愛嘅牛仔腸先。

牛仔腸煎得剛剛好，好香口，而且味道唔會太濃太咸，亦唔多油好適合膩，早餐食好適合。

而個英式鬆餅配鮮忌廉及士多啤梨果占，鬆餅好濃香蛋味，但如果口感再鬆一點會更好，而個士多啤梨果占好讚，因為少少酸加上適中甜味，Good！鮮忌廉上面有少少Chocolate粉，如果可以再多一D就更好。

到咗鮮奶炒蛋同煙肉，鮮奶炒蛋就OK，味道唔太咸，但小妹就覺得比較老身少少，因為小妹真係好鍾意食好生嘅炒蛋。煙肉有少少脆口，煎得幾香口。

到鮮果沙律，風乾火腿沙律！兩個沙律小妹就比較Like鮮果沙律，因為D生果(士多啤梨、火龍果、波蘿)都係用新鮮生果，唔係Can Fruit，水果控小妹大愛～

而風乾火腿，小妹覺得唔係太夠咸，但D生菜都幾新鮮，真不錯呀！因為小妹有少少怕黑醋汁酸，所以餐廳哥哥為我加咗少少honey mustard! 好貼心！  

成個餐都只係＄78, 小妹覺得價錢都合理，而且豐富程度足夠小妹由11點頂到4點先再食Hi－Tea Time！

味道：4粒星   （5星滿分）

賣相：4.5粒星（5星滿分）

價錢：3.5粒星（5星滿分）

餐廳名稱：Bubble Tree Tsuen Wan 

餐廳地址：荃灣沙咀道寶石大廈地下G2A舖

小妹仲有其他Blog同FB Page，歡迎大家去睇~~~

Blogspot

TheZtyle

Glamablog

BE

Elle

Pixnet

想聯絡小妹就可以Send Email去april_ckl@hotmail.com

Party聚會必需之選 - 美顏 Tomasella Winery

由細到大，小妹就好鍾意同家人同朋友相聚，大家坐低飲下野、食下野、傾下計，大家唔單止可一齊開心Share到好野食，仲會增進大家感情添！

飲飲食食...冇野飲又點會有野食呢？！而近排小妹就喜歡上Tomasella Winery嘅山莓莫斯卡托葡萄酒(Red Raspberry Moscate)同黑莓酒(BlackBerry Wine)啦！當中Red Raspberry Moscate係美國飲料測試協會仲獲得92分嘅高分數添～

登登登登，就係以下兩枝啦！HaHa...因為小妹一拎到黑莓酒當日已經同朋友食飯開咗黎飲都影唔切相俾大家睇添！不過都可以同大家分享下個口感同味道嘅...

小妹一打開時就已經聞到好香嘅莓味，倒出黎嘅時間香味就更加濃郁。而味道方便都幾易入口，一入口就有少少酸味，之後就到一陣陣果香味。小妹唔多飲酒嘅朋友都大讚易入口！！

原來依款酒係100%純黑莓酒，用馬里昂黑莓製成。上網睇資料原來黑莓對身體幾好，因為黑莓中含有維生素C、維生素B1、維生素B2、有機酸、粗蛋白、維生素K、氨基酸、維生素E同6種礦質元素－鉀、鈣、鈉、鎂、鋅、鐵、磷等。其中，有延緩衰老、抗氧化、防衰老、提高免疫力。小妹知道可以抗氧化同防衰老...咁多美顏作用真係雙眼想發光添～

黑莓酒除咗可飲之外仲可以用黎做醬汁，經典嘅法國烹飪都會用到添～～用黎做甜點酒同配Cake就最啱啦！

WOW！原來佢都贏咗不少獎項添...其中包括：國際獎項－雙金牌品酒師公會國際葡萄酒評審,國際獎項－雙銀牌洛杉磯縣博覽會，而係美國飲料測試研究所仲得到88分～～

但小妹都係覺得酒精含量都算比較高（10.5%），所以每日只係飲一少杯比較好一D／一大班朋友一齊飲會比較好！

另一枝係小妹比較喜歡的就係山莓莫斯卡托葡萄酒(Red Raspberry Moscate)...Red Raspberry Moscate融合100％山莓酒和莫斯卡托，用紅樹莓同蜜思嘉葡製成。當中紅樹莓含有好豐富嘅維生素、氨基酸，可以有助清除氧自由基、提​​高免疫力、美容、抗衰老，又係一個可以美顏嘅水果呀！

依款酒仲係美國飲料測試研究得到92分，係2013年品酒師公會國際葡萄酒評審獲得金牌！竟然可以飲到品酒師公會國際葡萄酒評審金牌酒，小妹好興奮呀！

小妹分別用咗兩種方法試依款酒，第一種當然唔雪凍飲，第二種就係雪凍飲啦！（因為聽聞雪凍會比較好飲）！WoW倒出黎時見到杯等好多氣泡呀，好得意呀！

第一種方法飲嘅時候都算幾易入口，可能因為酒精含量唔算高，只有6.5%，相信飲多一兩杯都唔會太醉！入口會有微酸，當慢慢品嚐就Feel到個果味就開始係口腔浮現，吞完之後口腔會有一種甜味，Nice！

第二種方法飲嘅時候真係比較好，因為可能雪凍關係好似再易少少入口，小妹唔覺唔覺差不多飲咗兩杯添！而味道大致同第一種差不多都相當可口！

小妹發現原來一面食住Chocolate一面飲又有另一番味道！一甜一酸之後慢慢Mix埋，好似食甜品咁....唯一美中不足係小妹用咁普通Chocolate，如果Black Chocolate味道應該會更Match，更好～

小妹都一枝都試飲咗幾日，所以都用個酒塞塞住放係雪櫃，由於同一於紅酒酒口Size一樣，所以用平日D酒塞就可以輕易保存，當然如果有抽真空嘅酒塞會更佳啦！

小妹因為都係夜晚飲，發現好似好瞓咗，可能真係少少酒精會幫助入睡啦！

小妹仲有獨家優惠呀！即日起，於購買時輸入2015A即可以享有8折優惠，折後HKD 158（原價HKD 198），小妹自己就會係星期日補購For團年飯＆新年時同家人分享！同小妹一齊訂都可以聯絡小妹！

對養顏酒有興趣的朋友可以瀏覽  http://www.tomasellowinery.com.hk/ 

小妹仲有其他Blog同FB Page，歡迎大家去睇~~~

Blogspot

TheZtyle

Glamablog

BE

Elle

Pixnet

想聯絡小妹就可以Send Email去april_ckl@hotmail.com

水潤嫩肌＠LISSE

小妹一向都係D肌膚比較缺水的一群，由其係秋冬天氣乾燥，小妹更要四出尋找速效保濕方案，希望皮膚可以潤澤光滑，好彩小妹都搵到肌膚補水嘅Mr. Right！！

登登登登⋯就係B5保濕精華！而小妹一向都好信賴B5保濕精華，因為好多時B5 Gel都可以滲透肌膚底層，強化表皮的保濕功能與防禦能力，增加皮膚鎖水能力。但無奈係用手擦個效果都唔及有儀器幫助。

而小妹剛剛上位處中環LISSE就竟然見到有個療程係專門將B5保濕精華滲透去肌膚底層，小妹又點可以錯過呢？！（小妹唔係第一次去LISSE，之前都有去打過BOTOX，想個可以Click去睇下）

原來依個療程係叫「LiftYoung™冰感水潤嫩肌療程」，療程係透過超聲波冷凍儀器，等D B5保濕精華滲透肌膚底層，強化表皮的保濕功能與防禦能力，並且修復肌膚，有效改善皮膚乾燥、粗糙以及老化所造成的細紋。

其實成個療程功效仲有收細毛孔，整體改善肌膚質素、減淡乾紋、提升皮膚彈性及緊緻度、提高健康細胞皮膚修復速度、令皮膚變得有光澤、平衡油脂分泌及保濕。

小妹當然唔放過可以為肌膚補水嘅機會啦！

未開始療程之後當然要俾大家睇下我肌膚有多缺水當然仲有做完個效果比較下啦！（唔好打小妹呀！因為旅行完肌膚真係好乾，而且曬完幾日都出左好多粒粒同暗瘡）

好啦！就一於睇下成個療程係點樣為小妹肌膚打打氣，Sorry應該係泵泵水至真～

第一步美容師幫小妹搽好面上污垢之後就已經搽上SKIN TECHNICA嘅Moisture B5 MOIST＋...

依個Moisture B5 MOIST＋蘊含透明質酸優良水潤配方，由不同大小的透明質酸分子組成。先以較小粒子注入真皮層，承托細胞組織架構，刺激膠原增生並防止水份流失，豐滿肌膚底層，有效提升抗氧功能。而較大粒子的透明質酸能於表皮層吸收空氣中之水份，即時令皮膚濕潤度上升！同時平衡肌膚狀態，煥發肌膚亮澤，令肌膚更見健康，適合任何肌膚使用。

搽咗D Moisture B5 MOIST＋然後就用超聲波冷凍儀器慢慢係面上碌下碌下～

小妹第一刻感覺就係冰冰涼涼，好舒服呀！當然美容師有好細心問小妹會唔會太凍，因為不竟冬天俾D冰冰凍嘅Gel係面上碌下碌下都會有小小「赤」。但反而小妹太愛！相信夏天應該會更舒服呀！

大約碌咗15－20分鐘之後面上大部份B5 Gel都被肌膚吸收咗啦！小編舒服到差D瞓着添！

期間小妹都八卦問美容師依個療程係唔係個個都適合，原來適合各種肌膚，包括敏感性肌膚或接受醫學療程後的肌膚，因為可以促進皮膚抵抗力與修復能力，鎖緊肌膚內的水分，令肌膚健康水潤。

但係要留意如係面上有好多暗瘡的話就唔建議，建議先處理好暗瘡發炎問題先補水會比較好D～～

你哋睇小妹肌膚真係好似唔同咗D！面上唔再乾繃繃，而且好似有番D彈性同光澤啦！

當然未夠啦！仲要敷多個補水Mask先至完成成個療程啦！

WOW！個Mask D精華多到不得了呀！敷咗大約10分鐘左右就差唔多係療程嘅尾聲啦！

美容師再幫小妹搽埋D Cream就完成成個療程啦！

小妹完成療程覺得皮膚真係水潤咗，無緊繃繃感覺，而且好似油脂都少咗D！唔錯！

成為個療程大約都係一個鐘左右，秋冬想用個有效方法補水，小妹都幾推薦！

想知多D依個療程同LISSE嘅資料都可以瀏覽佢哋

Website：http://www.lisse.com.hk/zh-hant/index/main/

Facebook：https://www.facebook.com/LisseMedicalSpa

文章介紹為個人喜好發用後心得，不同人士各有喜好，膚質亦各有不同～

是次療程由LISSE Medical Spa提供，文中產品成分及功效轉載自https://www.facebook.com/LisseMedicalSpa

小妹仲有其他Blog同FB Page，歡迎大家去睇～

Blogspot

TheZtyle

Glamablog

BE

Elle

Pixnet

大大份聖誕禮物 － Glamabox 12月盒子

雖然聖誕都過左一段時間，但小妹都想同大家分享今個聖誕買左／收到嘅聖誕禮物！當中點可以少得Glamabox 12月盒子呢？！

今次嘅盒子唔單只比平日大盒，而且仲好重手添，就等小妹同大家分享下啦！

好滿呀！1,2,3,4,5...WoW，原來有9個不同品牌，15件不同產品！可以慢慢試到不同產品啦！懶懶嘅小妹最愛就係唔洗出街都試到新野啦！ 就由正裝產品開始介紹啦！Letʻs Go and Try la!!!

第一樣吸引小妹嘅正裝產品就係NOELLE青檸柚子身體磨砂！ 小妹唔係第一次接觸依個品牌，上次就係青檸柚子潤膚乳（想睇回顧可以Click依度） 

今次嘅青檸柚子身體磨砂Keep住都有青檸柚子系列蘊含的細胞提升配方能有效亮白肌膚，提升緊緻，並具消炎抗痘功效。仲可以為皮膚補濕鎖水，有助肌膚細胞抗氧化，促使膠原蛋白及彈力纖維再生，讓肌膚由內至外呈現白、淨、透、亮。

磨砂特別蘊含幼細蔗糖微粒有效乳化肌膚，同時溫和去角質，令肌膚立刻變得白嫩柔滑。 

D蔗糖微粒真係好幼細呀！好舒服，唔會好似一般粗粒磨砂，磨到紅同痛呀！

小妹試左兩次（都係因為無睇清楚用法），分別係好似一般咁搽完就馬上洗同搽完等左5分鐘先洗。

原來真係有小小分別，第一種用後就會好似有層Honey係身上有少少笠，但都可以接受，特別係冬天都算潤。而第二種（正確方法）用後就清爽，而且真係白D同好似有彈性D...小妹諗應該係皮膚吸收左D精華。 個香味都係好fresh，小妹要再三講句「用後好精神呀！」

第二樣正裝產品就有K＆M絲絨魅肌兩用粉＋寶石眼影～  小妹一向都鍾意試用不同眼妝產品，因為眼妝可影響到成個妝容～ 

今次依個No.34眼影，開頭見到金金黃黃對小妹黎講真有小小難用。但試到上手都幾Shape，啱曬新年用，今個新年小妹又可以化個靚妝去拜年。

第三樣正裝產品就有白蘭氏當歸雞精～

原來依個當歸雞精是以當歸及其他珍貴中藥加上優質嫩雞配製精燉而成，可以有幫助補血活血、舒緩眩暈血虛及令氣色紅潤等功效。而且可以調理身體, 處理每月女人煩惱, 精神奕奕！

小妹入口第一啖直係有小小濃味得未可以接受，但聽家人講熱飲會好D，即刻用熱水坐暖，即刻易入口左。味道真係有好濃郁當歸味，好足料！

唔知同飲完雞精有冇關係，小妹坐完之後當月MC真係冇平常咁痛，小妹媽已經同小妹講要回購，唔想再聽到小妹每次MC叫生叫死！

第四樣同大家分享就有Victoria嘅LANOLIN蛋白面膜皂！依樣係小妹大愛！

由於一向懶開嘅小妹對一物二用產品特別喜歡，今次依個面膜皂係面膜同潔面2 in 1，能一次過收細毛孔、去黑頭、緊緻、美白及保濕！大懶蟲小妹最愛！

而皂由蛋白，羊毛脂，玫瑰水等天然成份製成，對護膚有顯著功效，仲係小妹喜歡嘅材料，點可以叫小妹唔Like！

小妹用後覺得唔會面乾，而且都可以洗走面上污糟野，雖然未見有明顯毛孔收細，但緊緻情況都有少少！小妹用完家中洗面將會回購～～

第五樣產品想為大家介紹就有Smillson燕麥滋養茶香潤膚沐浴露(燕麥+綠茶)～

添加咗燕麥精華和綠茶蒸餾配方，為皮膚進一步滋潤同修復敏感，拒絕乾燥，仲要係專門為敏感性或中性偏乾性的膚質而設。

小妹覺得沖完真係好清爽，唔會咁乾燥，無敏感情況出現。

而小妹最Like係佢個味道，因為沖完涼好醒神，小妹鍾意一早沖涼出門口就可以用佢！

第六樣為大家介紹就係BAKEL骨膠原緊緻精華 ＋淡斑美白再生精華 ＋去角質滋養抗皺面膜！

WoW！原來係一個好貴嘅品牌，因為最平個樣產品都要＄7XX，小妹可以試到真係幸運！

其中想同大家分享個PEEL，配方中含有水楊酸和檸檬酸和其他天然氨基酸的組合而成，配方能有效去除已死的細胞，加速細胞更新。第一次使用後可明顯感受到表皮更新，肌膚光滑，均勻明亮。

小妹即刻用完有小小紅，但可能因為水楊酸同檸檬酸都令小妹有小小敏感，但泛紅好快就退，退左之後真係好似將D死皮退走埋，好令小妹又驚又喜！XDXD！

而另外骨膠原緊緻精華含獨有三種緊緻成分，包括為肌膚注入充足水份及滋潤補濕的植物甘油；為肌膚提供高效彈性及滋潤，令肌膚時刻保持青春滋潤緊緻的豐富的膠原蛋白；維他命B5則能促進細胞更生，修護受損肌膚組織令肌膚有效地吸收足夠養份，收緊毛孔，去除暗啞膚色。

小妹搽完都覺得感覺不錯！

而淡斑美白再生精華含多種亮白活膚及高效保濕因子給蘋果酸、酒可酸、曲酸等結合互相發揮顯著成效，幫助肌膚去除角質死皮，撫平粗糙表面並刺激細胞生長，更能去除肌膚黑色素，阻截黑色素形成，有效減淡色斑，改善膚色暗啞問題，瞬間回復光采亮麗。

第七樣產品就有efresh綠魚子完美緊緻面霜 + 綠魚子緊緻修護精華～

當中綠魚子完美緊緻面霜能持續改善皮膚的健康和質素，為肌膚帶來即時水潤飽滿，具延緩衰老的功效。

而綠魚子緊緻修護精華具α- 葡低聚糖、 蘆薈精華等高度保濕成份、 令肌膚獲得充分修護及保濕、 為肌膚提供細胞生長所需要的營養。 同時舒緩敏感肌、 迅速有效提升肌膚光澤、 彈力與補水程度。

小妹覺得精華好易推開同吸收，唔需要好多時間就可以再塗上面霜，So Nice！因為小妹好怕要等好耐同要不停推黎幫助吸收嘅產品！

第八樣產品都係小妹好Like嘅SharaSharaGirls 冰潤女孩冰爽水份爽膚水＋冰潤女孩冰爽水份乳液 + 蜂蜜炮彈肌底液

蜂蜜炮彈肌底液蘊含蜂蜜提取物、蜂王漿提取物、蜂膠提取物，能給疲憊肌膚提供豐富的水分和營養，塑造蜂蜜起彩肌膚。配方中亦含有尼克酰胺和腺甘，能使暗淡皺紋肌膚變得明亮富有彈力，並且是7無添加。

冰潤女孩冰爽水份爽膚水及乳液能控油調理、收緊毛孔、令肌膚透亮、定妝保濕的功效。蘊含100% 的喜馬拉雅冰川水，而冰川水有豐富的礦物質，能保濕及調理肌膚，讓肌膚達致水油平衡健康，讓後續護膚品更易吸收。當中的冰鎮美肌因子，使炎熱而疲倦的皮膚消暑冷卻，亦含冰涼劑型可為肌膚提供水份，達到恢復朝氣的效果。

個Toner好易就被皮膚吸變，好清爽，而Lotion唔會好笠，都幾好用！

最後一樣產品就係電視成日見到DODO姐介紹嘅Bach，但依件產品為唔係甜睡寧而係急救寧顆粒！

含有五種巴哈花卉精華，包括聖星百合，岩玫瑰，鳳仙，櫻桃李及鐵線蓮，再以先進科技抽取五種花草的精華，無人造色素, 無蔗糖，無任何化學副作用的顆粒，能花療鎮靜，鬆弛神經。隨時隨地，放一粒入口就能發揮花療鎮靜，拯救慌心，説話前、 決策前、 考試前、花療鎮靜幫到你。

細細粒都幾好食，平日放係手袋一流！

想知道多D關於Glamabox12月盒子或者補購都可以Click入

http://hk.glamaclub.com/glamabox-2014年12月盒子/

---

文章介紹為個人喜好發用後心得，不同人士各有喜好，膚質亦各有不同～

產品由Glamabox提供，文中產品成分轉載自www.hk.glamaclub.com/glamabox

小妹仲有其他Blog同FB Page，歡迎大家去睇～

Blogspot

TheZtyle

Glamablog

BE

Elle

Pixnet