又到觀塘搵食篇－小妹都搬到觀塘返工返咗4個月，好多時Tea Time都食得好Heavy～
近日小妹搵到Tea Time新寵，台式飲品店－米拉Milá，終於可以tea得light一點啦！
米拉Milá係東廣場地下45號鋪！門口有一兩張小枱可以堂食，但因為小妹公司好近，所以小妹都係打電話落Order，然後過一陣去鋪頭Take Away！
小妹試過叫滿$100就送到上office，有時懶懶地成班同事tea一tea都可以叫!
台式飲品店顧名思義有台式著名飲品珍珠奶茶啦！小妹飲過珍珠奶茶真係好有台式風味～
除此之外，仲有好多林林總總飲品，今次小妹見到有泡菜國飲品－韓國果茶特調系列，小妹今次決定要一試啦！
小店好多不同嘅小食、湯麵、Hot Dog...平日lunch想食得Light點都係不失為一個選擇～
今日嘅tea就係雙丸拼台灣腸，其實小妹因為同一班同事share，所以就叫咗墨魚同貢丸各一份再加兩條台灣腸!!!
細心老細知道小妹係同同事share所以特別將台灣腸都剪成小塊，方便share!
墨魚丸見到有少少墨魚肉粒，令墨魚丸彈牙之餘更有口感。
由於老細加咗少少蜜糖焗D墨魚丸，所以一入口就有一陣甜味，但又唔會太濃，唔會蓋過墨魚丸原有味道！
而貢丸同樣因為用上蜜糖焗所以帶有陣陣甜味(小妹差D飲埋蜜糖汁)。
貢丸有香香豬肉味，同樣都彈牙！
兩者中小妹比較喜歡墨魚丸，因為口感較多層次～
小妹最愛就係台灣腸，味道同小妹係台北時食嘅完全一樣！
外皮小小香脆有咬口，入口小小甜味，食到肥肉位都唔會有油膩感覺～
小妹覺得唔夠喉想Encore添！
講咗小食當然唔少得飲品啦！小妹同同事分別Order咗兩杯特選系列－話梅檸檬＆韓式清爽蘋果紅。
同事就飲韓式清爽蘋果紅，他覺得比較有點甜(小妹大頭蝦忘記代他叫少糖)，但正常甜度都可以為大眾接受。入口有少少蘋果紅茶味，再細味後就有陣陣柚子味。
他還說飲品內果肉(蘋果肉＆柚子肉)有少少咬口，但味道又不會喧賓奪主，非常配合。
而小妹就飲話梅檸檬，老細同小妹講佢哋特別用上話梅粉取代原粒話梅，令飲品一入口就有話梅味，而且又不會因為浸久了而越飲越酸。好細心呀！
入一第一陣是檸檬味，但不算太濃，再細味就飲到話梅味！
小妹用正常甜度，整杯飲品都不會過甜／過酸，味道很Match！
喜歡話梅的朋友真係要去試一試～
小妹見到原來可以用外賣App落Order，下次一於要試一試！
兩個人每人一杯飲品加上小食都只係＄78，平均每人＄39，都不算太貴！
小妹小推介：酸味/話梅一眾可以一試話梅檸檬！
喜歡奶味濃嘅就要試珍珠奶綠！
米拉 Milá地址：觀塘成業街7號東廣場地下45號舖 電話：2682 9899
文章介紹為個人喜好及用後心得，不同人士各有喜好，體質亦各有不同～
沒有留言:
張貼留言