2015年9月21日 星期一

新彩妝之選|SHISEIDO MAQuillAGE 2015 Autumn Winter秋冬彩粧系列

小妹一向都對化眼妝嘅產品有一份鍾情,所以家中都儲起不少眼影、眼線、眉筆等...而小妹近日新寵就有SHISEISO嘅MAQuillAGE 2015 Fall Collection秋冬彩粧。


套彩粧眼影都係用上秋冬季最Hit嘅珍珠色系,所以就算小妹一隻眼撞傷都要同大家分享~


加上BlingBling金色馬賽克Case都係小妹「飛佛」呀!


首先當然係要介紹彩粧中嘅眼影Set,Dramatic Mood Eyes 絕色魅瞳眼影(Limited Colour)。

成套眼影Set除咗有3色眼影,分別係淺藍色、淺紫色同金色,而且有埋眼線Gel,單單一盒就可以輕易打造眼影,相信仲係一個Best Travel眼影Set!


先將眼影試上手上感覺,開始用刷取眼影時發現粉末很幼細而且滑,係手上一畫就已經非常顯色。

就算用紙巾一抹都仲有顏色留係手上,相信化足一整日妝都可以持久不脫妝。


入面最特別應該係依個特製的上翹眼影刷,眼影刷唔係平成一條線而係有小小微微向上翹起的,而另一端就係眼線刷,有咗依個眼線刷就更容易畫到有層次而且大眼眼妝啦!


其實打開眼影盒仲有張教學教大家點可以完美運用成套眼影化出秋冬最Hit眼粧,小妹都要偷下師學下野,跟Step做啦!


小妹首先用特製的上翹眼影刷將眼線Gel係眼線位置塗上,然後慢慢推開。其實單單咁就可以化到個Easy版嘅Smoke Eye妝,而且兩面都好易就可以做到Balance效果。但小妹又點會唔用盡不同眼影令層次加深?!


再用其他三隻色嘅眼影係眼窩上同下眼線位置畫上。


So Easy就可以化完有層次嘅眼影妝啦!



眼妝又點可以缺少眉筆呢?Lasting Foggy Brow持久柔霧眉筆(自然棕色) 。

眉筆用上轉蓋式Design,就算平日放係化妝袋內都唔怕自己打開蓋啦!而眉刷呈螺旋形就可以令推開眉色時更平均。

眉筆更用上幼細蠟粉末概念,令眉粉在不單可以做到輕營效果,而且在眉毛上甚為貼服,用力擦及全日都不易脫落!!!


小妹由於眉毛天生稀淡,但頭髮又偏深,所以用較深嘅自然棕色就剛剛好~

小妹會先用眉頭畫出眉型,畫上時很易控制,而且易於顯色,不需用力就可以畫好眉型。 


然後用眉刷將眉粉推開,而螺旋型眉刷輕易就可以為眉粉推開,十分就手。

而且眉刷的尖尖位亦令使用時更易做出微修改及做出尖尖眉尾效果。


輕易就已經畫好整個眼妝啦!


彩粧另一不可缺少的一環當然是唇妝,Dramatic Melting Rouge絕色精華油唇膏真的大力推薦!!!小妹對它愛不釋手呀!

唇膏有多個不同色調,小妹的是清新橘黃調健康的珊瑚唇色(RD 351)

唇膏本身加入玫瑰精華油,玫瑰精油不單可以為唇部作出修護滋潤,而且更令唇部有份光澤感。更仿如為唇部蓋上一層保護膜,秋冬天都不怕唇部會乾燥啦!


搽上時十分Smooth,而且搽上後已經感受到澤潤感覺,真係好潤呀!就算無搽潤唇產品都無問題!

而且唇色亮澤鮮明,不停飲水食野都可以Keep都好耐,唔多需要補色~


大家睇下Before同After,原諒小妹其中一隻眼撞傷咗...

眼部明顯增大不少,而且更有精神!


全妝後,兩面眼妝都好平衡,對稱。


今個秋冬天小妹靠曬SHISEIDO MAQuillAGE 2015 Autumn Winter秋冬彩粧系列,特別枝唇膏呀!

SHISEIDO  MAQuillAGE Dramatic Mood Eyes (眼影) HK$240 
SHISEIDO MAQuillAGE Lasting Foggy Brow (眉筆) HK$180
SHISEIDO MAQuillAGE Dramatic Melting Rouge (唇膏) HK$240

文章介紹為個人喜好及用後心得,不同人士各有喜好,體質亦各有不同~

是次產品由theZtyle.com提供, 而產品成分轉自Maquillage Shiseido Website
想知更多產品資料可以Click入 Shiseido Facebook 


希望大家會鍾意小妹分享,小妹仲有其他Blog,FB PageIG,歡迎大家去睇~



沒有留言:

張貼留言