西餐控小妹又出動搵食，今次出動搵食嘅地點就係中環蘭桂芳！
唔好亂諗呀...去蘭桂芳唔一定係飲酒賣醉，其實蘭桂芳都有好多不同特別嘅餐廳，而今次小妹就係去咗加州大廈入面嘅TOWNHOUSE享受一個Wonderful Night!!!
到底小妹係TOWNHOUSE點享受一於續一介紹啦！
未食飯前就緊係要食下個環境先啦！因為加州大廈座落蘭桂芳中腰位置，而且餐廳亦位處23樓比較高的樓層，所以在餐廳內都可以遠眺到維港風景。由於當日天氣比較多雲，所以未有機會遠眺到更遠風景。
除了有海景外還有山景，晚上時不同的燈火亮起份外浪漫～
拿起餐牌發現原來該餐廳唔係食單一菜式，而係以Fusion菜式為主呀！
有時小妹都覺得Fusion菜比單一菜式好，因為可以一次過食到不同風味食物，滿足不同食慾！
未食主菜之前當要食個前菜同享受杯Drinks先啦～
因為開始入夜，蠟燭加上柔和燈光配上美食真係好浪漫呀！
小妹前菜就點咗Chicken Wings, Lime, Lemongrass, Shrimp Sambal Sauce($68)...
顧明思義就係雞奕加上青檸及香茅再配以印尼虾米辣椒醬(又名參巴醬)~
首先雞奕炸得剛剛好，外脆內滑。而面層的青檸及香茅就雞奕點綴不少！
而印尼虾米辣椒醬更是整碟菜式的靈魂，初入口有少少酸及炒香虾米的味道，十分醒胃。
再慢慢細嚐，辣味就開始滲出，其辣又不至於太過搶，令人想一嚐再嚐。
如果辣控的你，小妹十分推薦要一嚐～
飲品小妹點了Ice Tea (Hibiscus Dance)($55)，就是洛神花冰茶～
入口酸酸甜甜，味道清新。
面上還一朵洛神花點綴，一問之下原來這朵洛神花可以食的，是煮好的洛神花，入口沒有太濃至酸的洛神花味，反以是淡淡清新味道，很特別呀！
到主菜，小妹點了一份Caesar salad, fried runny egg and spider jumbo soft - shell crab($148)， 凱撒沙拉配炸溫泉蛋及珍寶軟殼蜘蛛蟹。
軟殼蜘蛛蟹外面炸過但一點油膩感覺都沒有，反而份外脆口。
由於軟殼蟹全身沒有硬骨及硬殼，所以入口時啖啖肉，懶拆殼的蟹迷可以一試！
而切開炸溫泉蛋見到流心蛋黃，沒想到外層香脆，而內層就是滑流香濃的蛋黃。
再配上新鮮爽口的凱撒沙律，在香脆中帶有清新感覺。
不可不提係沙律內的芝士片，一片片淡香的芝士味，有一種齒頰留香的感覺。
最後當然是甜品時間，小妹的是Banana Creme Brûlée, Moscovado Sugar, dark coffee($88)...香蕉法式焦糖燉蛋加上黑糖配以黑咖啡！
上甜品時仲有驚喜添！為大家去片！
店員即場在Creme Brûlée上加一少杯Rum再點火，藍藍火光真係幾浪漫嘅！一瞬間浪漫完就係起動時間～
第一口就食到濃濃Rum酒味，如果愛酒一族一定會十分喜歡。
面層香蕉薄切如紙，但一口還有濃香香蕉味，加上黑糖味，一甜一清，令平日怕香蕉味淡口感差的小妹都忍不住吃光全部香蕉了！
再加上燉蛋細滑，入口溶化，溶化後絲絲蛋味散出～
食光後再細細品嚐帶有回甘味的黑咖啡，口內感覺就如過山車一樣，先苦(Rum)後甜(黑糖、香蕉、燉蛋)最後苦如回甘。
整整一道甜品，不單視覺享受，味覺更是滿意之極。
總結：匯聚不同國家風味做出獨有特式Fusion菜。
而菜式份量算上大份，就算一個男士都足夠。
環境更是滿意，日景遠眺維港，夜景燈光五光十色配上場內柔和燈光浪漫之極。
TownHouse Address：中環蘭桂芳加州大廈23樓
TownHouse Tel：23442366
TownHouse Tel：23442366
沒有留言:
張貼留言