2016年4月9日 星期六

敏感性皮膚用嘅果酸?!ULTRACEUTICALS 溫和亮透白精華液

空氣污染、生活壓力、作息失調都會減慢身體代謝速度,久而久之肌膚健康都會受影響,角質變厚令致皮膚暗啞、粗糙就最明顯。要改善角質問題,其中一個方法就係煥膚。

煥膚不能不提當然係用到果酸及水楊酸,但好多朋友一聽到,特別有敏感性皮膚嘅朋友聽到都會搖頭Say No!

原來只要強度合適,連敏感性皮膚都無需怕用果酸同水楊酸為皮膚煥膚。小妹有幸可以接觸到ULTRACEUTICALS近日推出回復膚質系列產品,系列中分別調配出3種強度果酸及水楊酸,適合不同膚質人士使用。



敏感肌嘅小妹當然就要一試ULTRACEUTICALS 為敏感性皮膚人士及初次做用煥膚成分而設嘅溫和亮透白精華液。溫和亮透白精華液,pH值為4.4,而主要成分分別有果酸8%、水楊酸0.49%、煙醯胺(維他命 B3) 5%、熊果萃取1%。

當中嘅果酸及水楊酸可以刺激及促進皮膚細胞更新,令粗糙和老化舊皮質加速脫落,重組皮膚細胞排列令肌膚幼嫩滑溜。

而煙醯胺(維他命 B3)就能舒緩紅腫及敏感問題,達至抗炎抗敏,去痘及修復。



包裝上有清楚使用說明,潔膚後,採係面同頸,按摩至完全吸收就可以!

更貼心的是有特別提示,如果日間使用要配合防曬SPF 30+ 產品。


產品Made in Australia, 100% Australian Owned,用家更安心使用。


打開包裝入面分別有精華液及滴管...利用滴管方式滴出精華就更易掌握分量。


精華液呈透明液體狀,微微有點香味。

在手上輕易推開,延展性高,而且瞬間就能被皮膚吸收,吸收後皮膚清爽不笠。


原先手部皮膚微微暗啞同時光澤度亦欠逢,但使用後膚質已經有明顯改善,皮膚暗啞情況不再,而且摸起來更滑溜。


一於係面上試下先,面上都能輕易推開,而且吸收速度同樣迅速,不消一分鐘就可以搽勻全面,搽完後清爽不笠。

可能小妹太耐無做好煥膚,所以第一次用就有少少角質擦出,但之後用該問題都已經沒有發生。


使用前,角質都比較厚,特別在額頭、下巴位置最嚴重,明顯暗啞無光,而且面上明顯很粗嚡。


使用後面上看起來光澤了不少,摸起來亦明顯水潤滑溜很多。


近一點看,可以見到粗嚡問題都改善了,凹凹凸凸情況減少。


再試用差不多兩星期效果,原來泛黃暗啞的皮膚都變得透白,面上亦感到滑溜不少!而面上的痘印都比使用前更快減淡。

ULTRACEUTICALS 溫和亮透白精華液 30ml HK$ 780,

想了解更多ULTRACEUTICALS 產品可以Click入

文章介紹為個人喜好及用後心得,不同人士各有喜好,體質亦各有不同~
是次產品成分及資料由品牌提供,希望大家會鍾意小妹分享。

小妹仲有其他Blog,FB Page及IG,歡迎大家去睇~