早前小妹同一班喜歡嚐辣嘅朋友到灣仔食墨西哥菜，真係冇諗過一試難忘呀！到底小妹點解會咁講？！就要知小妹當晚食咗咩菜式啦～
當晚一班朋友和小妹來到大王東街嘅Verde MAR，地點非常便利，灣仔港鐵站行到餐廳都不消5分鐘。
門外有餐牌，打算一試嘅朋友可以睇啱先進入餐廳。
餐廳內有林林總總不同嘅墨西哥擺設，墨西哥帽、四腳蛇等...
原來老闆為了打造墨西哥郊外感覺，所以店內有屋頂型裝飾，更掛滿星星，仿如置身戶外一樣。
餐牌都有十分特別，每本封面都由廚房親手雕刻而成，每本都有點不同的。
食物未到前先飲點東西，小妹點了MOJITO (HKD$ 88) 。味道非常Fresh，有散散淡淡薄荷味，而酒味不算濃，對於唔善於飲酒嘅朋友非常合適。
食墨西哥菜又點可以缺少墨西哥脆片呢？！米脆片配牛油果醬 (HKD$68)，小妹十分喜歡。
自家製墨西哥脆片，唔點牛油果醬單獨食十分脆口。
點上新鮮製成嘅牛油果醬，味道配合，而且牛油果醬內有少少果肉，更添口感。
烤魚柳魚軟皮夾餅6件(HKD$98 / 3件)
夾餅內有生菜、牛油果醬、魚柳、蕃茄粒，加上秘製醬汁，材料豐富之極。
夾餅外皮微微帶暖而且軟熟，魚柳香口肉質嫩滑，再配上新鮮蔬菜，非常Match！
原來係墨西哥仙人掌亦是一種美食。烤仙人掌扒(HKD$ 108)，新鮮仙人掌扒由墨西哥空運到，而Verde MAR更係全港第一間有新鮮仙人掌扒食嘅餐廳添！
擠上小小檸檬汁就可以食，口感和山葵及青椒相似，味道清淡完全沒有草青味，配上檸檬汁就有酸酸味味感覺。
小妹細問店員，原來6-12個月大就是的仙人掌最合適食用，而且食仙人掌更可為身體排毒，是非常健康的菜式。
香辣紅魚刺身(HKD$148)，用上等刺身級紅魚。
魚柳用秘製辣醬醃好，再配上青瓜和洋蔥及一齊食。
入口辣味慢慢由魚肉滲出，魚肉新鮮有口感，辣得上癮，真的忍不住一口接一口食。
Chicken Wing Habanero (HKD 178 / 5隻)，用上全世界第二辣嘅辣椒醃製香煎雞亦。
小妹輕咬一口，入口辣味不是馬上滲出，當吞嚥後辣味就由喉嚨滲回舌頭，辣得小妹不停要飲水，但真的非常惹味。
小妹都忍不住要點了杯米糊來解辣呀！
Shrimp al Pesto (HKD$ 148)，用上新鮮珍寶大蝦配上秘方香蒜醬，更有墨西哥脆片可以點醬食。
大蝦新鮮，肉質彈牙，醬汁帶有辣香。
墨西哥海鮮飯Paella (HKD$328)，以七海湯煮成，加上林林總總海鮮，如蜆、魷魚、青口、蝦等...
海鮮飯鮮味十足，海鮮足料，加上青檸汁鮮味加倍提升。
炭燒頂級牛柳 8oz (HKD$ 298)，用頂級牛腹肌烤煮，所以牛味比較香濃，而且更將脂肪抽走，一點肥膩都沒有。
夾餅加上牛柳、牛油果醬、蕃茄粒、洋蔥等，味道香濃。
牛迷小妹最喜歡牛味比一般牛排更濃更好味。
墨式香蕉船(HKD$ 68)，以焗熱墨西哥獨有大香蕉作為底，加上粟米雪糕及芒果雪糕。
焗熱後香蕉更香，配上冰冰凍雪糕一冷一熱感覺回味。
自家製玉桂脆條Churro配朱古力醬 (HKD$68)
暖暖的玉桂脆條外脆內軟，散出陣陣玉桂香味，非常可口。加上朱古力醬有另一番口味！
墨式焦糖燉蛋 (HKD$68) ，燉蛋嫩滑，加上濃香焦糖，作為一頓晚餐嘅結尾十分完美。
＊如果大家都想食到Chicken Wing Habanero就要訂位時預訂啦！
Verde MAR地址：灣仔大王東街24號地下
沒有留言:
張貼留言