忙忙碌碌一向都係香港人寫照，小妹當然都唔例外啦！
所以小妹一向都喜歡收到美妝盒，因為可以懶懶咁足不出戶就收到好多不同產品，又可以知道有D咩新產品推出市面！太User friendly啦！
6月份Glamabox依然都係有好多不同產品，又可以試餐飽，試到啱用先買～
小妹首先要介紹就係韓國 Royal Skin 產品，小妹已經第二次接觸該品牌 (回故Royal Skin)...
今次就可以試到佢哋另外3款產品！
熱體瘦身貼，45˚ V-Line貼膜＆完美提臀膜...提臀小妹好需要呀！
每一包產品上都印有產品資料，雖然係韓文，但都有圖可以睇知道點用，都算貼心！
夏天最想瘦身，所以小妹首先試左熱體瘦身貼先啦！
一包兩片，可以足夠貼係小肚腩位置。
貼都好Easy，只要拉起熱體瘦身貼然後直接貼到皮膚上就可以，手殘小妹都可以做到！
貼上第一刻冰冰涼涼，但慢慢就開始有D熱力，其實除咗用黎瘦身，小妹覺得Period時同都應該不錯。
貼上後繼續如常工作，瘦身貼都無脫落，只係小小移位情況，相信真係正常嘅！
約1.5小時後有少少熱同痕嘅感覺都可以接受，小妹敷約2小時後脫下，皮膚上少少微紅，應該因為少少熱令血管擴張變紅，但好快就退紅。
應該日子有功真係可以減到肥呀！
第二樣小妹試嘅就係完美提臀膜～
打開包裝見到兩片好似半月嘅提臀膜，同瘦身貼一樣，只要拉起就可以直接貼係皮膚，好Easy！
試提臀貼真的有點怕羞添！貼上一刻唔似瘦身貼無特別熱／凍....
其實沒有特別感覺，所以可以如常行座企，而就算不停郁動都可以貼緊PatPat。
提臀效果未到一次見效，但有貼提臀貼位置嘅PatPat皮膚就滑嫩咗D～
夏天會去沙灘水着嘅朋友可以真得一試呀！
第三樣Royal Skin產品就係45˚ V-Line，要V臉嘅朋友又唔想去美容做Treatment就要試下啦～
45˚ V-Line設計好輕易就可以貼到下巴位置和掛到耳仔上，特別有兩格可以適合不同面形人士！
使用時有少少拉緊嘅感覺，不竟掛在耳仔有向上拉緊的感覺是正常的。
小妹比較喜歡拉到最緊的感覺～
包裹着全個下巴位置，就算雙下巴人士亦應該足夠包裹～
使用時不會有不舒服感覺，如常工作亦沒問題～
用後面部有馬上V起的感覺，Dating前用適合不過，用後大半天都可以看起來V面小顏！
但應該日子有功才可以Keep住V面～
試完Royal Skin產品，就到小妹另一個喜歡品牌COMODYNES
分別有卸妝紙巾＆精華～
卸妝紙巾係榮獲多項優異獎，而且4合1，小妹就最Like！
紙巾包裝方便帶出外使用，而且有密封貼就唔怕紙巾會乾～
用後感，平日淡妝都算卸妝卸得乾淨，而且可以不用過水，十分方便！
再試就係Faith in Face產品，小妹不是第一次接觸這個洗面了～
D泡泡係面上面按摩好舒服呀～用水沖洗之後唔似一般洗面液咁乾，而係潤同滑～
小小Tips：因為小妹第一次用既時候唔知分量，所以用左好多Cleansing Foam，整左太多泡泡出黎，後來用上面個圖既分量加少少水不停係掌心擦，就會有好多泡泡。
第四樣韓國品牌The Yeon產品...
Mask & Hand Cream~
Hand Cream 未開封前有銀貼保護，好貼心～
擠出後濃濃香橙味，熱天好醒神呀！
而且好易就可以推開，加上滋潤情度好好，小妹好Like！
到Body產品啦！Olive Oil Body Wash~
小妹收到嘅係Rose味呀！
倒出感覺好似有D油，但用上身一點也不油笠...
而且皮膚好似剛剛搽完Body Cream一樣好滑，相信唔喜歡搽Cream嘅朋友就啱用！
最後小妹試用就係防曬產品～
Est Lab防曬霜SPF 50～
採用智能防護囊球技術，含有海洋DNA的微型囊球體對紫外線非常敏感，智能的囊球只對受到紫外線照射的肌膚做出反映，釋放有效防護成份，達到最佳防護效果。囊球內還含有維生素C和E，能夠有效保濕肌膚並且抵抗老化。ést.lab防曬霜也可用於妝前底霜，打造無瑕剔透的妝容。
輕輕擠出就見到有少少閃粉感覺～
推開時有D紅紅橙橙色，應該係囊球內維生素C和E被釋出～
推開後感覺就不會好膩笠，防曬霜算是不錯！
今個月仲有InSkin Coupon
小妹可以去試下佢個療程～
想知道多D關於Glamabox 6月盒子或者補購都可以Click入http://hk.glamaclub.com/glamabox-2015年6月盒子/
沒有留言:
張貼留言