2015年11月8日 星期日

【附食譜】Gigi姐食譜之學嘆貴茶紅寶石紅茶|貴茶紅寶石紅茶發佈會

飲茶一向都係一個健康嘅習慣,所以小妹平均每日都有飲一杯茶嘅習慣。特別係紅茶,小妹就份多喜歡。但有時只係飲茶都會有少少悶。


但經過係貴茶紅寶石紅茶發佈會上烹飪專家黃淑儀(Gigi姐)同佢嘅公子徐肇平(Shaopin)教路將紅茶入饌添!



一踏入尖沙咀美麗華商場嘅貴茶店內就見到一盒盒整齊排隊嘅茶包裝,當中包括紅寶石紅茶(特級)、紅寶石紅茶(精選)、綠寶石綠茶、茉莉花茶等...


再行入店內就見到主角紅寶石紅茶嘅真身啦,依款係紅寶石紅茶(尊品)!


細心一睇介紹,原來紅寶石紅茶係高原紅茶,泡出嘅茶湯紅艷明亮,還會散發出高原獨有的松煙及桂圓香味。茶味醇厚細緻,柔和爽口,而且持久耐泡添~


原來紅寶石紅茶(精選)仲有原片茶葉裝添,用嚟送禮都會幾大方得體呀!


活動開始由貴茶(香港)有限公司高級經理─銷售及市務陳展業先生為大家介紹紅寶石紅茶,由產地到製造等,小妹又學到野啦!


當日主角點少得仲有Gigi姐同佢公子教大家整野食呢!


Gigi姐特別教識我哋用紅茶整兩道新清紅茶甜品,分別係紅茶啫喱同紅茶芝麻鬆餅。


因為小妹份外喜歡啫喱所以都特別記下食譜...

1盒魚膠粉,8杯8安士紅茶(紅茶濃淡可自己選擇),適量紅糖

將已經放涼嘅紅茶加入魚膠粉內,再加入紅糖混勻,再放入雪櫃雪至啫喱狀即可。


Gigi姐仲特別教,如果喜歡甜的朋友可以再加入紅豆蓉同紅茶味會很Match,Shaopin更即刻示範加入紅豆蓉!


小妹有幸都可以試到Gigi姐手藝-紅茶啫喱。

震騰騰啫喱散發出淡淡紅茶味,味道清新可口。加上淡奶及紅豆蓉,味道又有另一感覺。


學完用紅茶入饌後當然要學埋睇茶葉點先係靚啦!

原來部份茶都會有茶毫(茶色比一般淡而且有光澤),而茶毫就係茶葉芽尖上面細小的絨毛,其中含有豐富的茶氨酸、茶多酚等營養物質,是最幼嫩而且最珍貴的。

當然專家仲教咗大家紅茶可以上加莓類水果(如:草莓、紅莓...)沖出水果茶,冷熱飲亦可以。


難得見到Gigi姐同Shaopin真人緊係要集下郵啦!


咁多人一齊出席當然都要留下倩影啦!


小妹亦帶咗兩盒茶包裝茶葉返屋企,一盒係紅寶石紅茶同綠寶石茉莉花綠茶!


包裝上已經有清楚寫明點沖泡,可以用茶壺或者杯沖泡,幾時想飲都得~

一盒仲有10包,放係公司一包包非常方便!


綠寶石茉莉花綠茶同樣都係有清楚例明沖泡方法,而且一樣又是一包包的很方便呀!


小妹閒時都會係家中或者公司沖一杯飲,放入三角茶包再加入熱水。2-3分鐘後就有茶香撲鼻醒神的紅茶,入口茶味香濃但又至於澀口。


另一個方法就是用茶壺加入兩個茶包,可以會家人一同分享,一家人坐着談天飲茶。

小妹當然唔少得用茶包整下甜品哄鄰居小孩啦!今次就整啫喱糖~


將5 Tables Spoons 紅糖加 2 Tables Spoons 魚膠粉混合。

其實可以用白糖/ 其他糖取代紅糖,但因為小妹想啫喱糖顏色比較似紅茶,所以就用紅糖。

另外如果想更健康可以用大菜取代魚膠粉。


然後加入 450ml 預先沖泡好的紅茶(小妹今次用上兩包茶包沖1公升水,一半整甜品,一半飲,所以其實一包茶包亦足夠)。

想啫喱糖更爽口/ 牙簽易拮起可以當中的50ml用冰水取代。


加入紅茶後攪勻至魚膠粉及糖全溶化即可倒入糕模內。(小Tips 如果加入冰水的話這步驟就要快一點,不然就會在容器內膠着...)

然後放入雪櫃雪至凝固即可。


小妹整成品出世啦!如果大家喜歡椰絲都可以加入少少作為點綴。

平日Party都可以整,簡單方便,又唔會太甜,小朋友同長者都可以食。聖誕節Party就到大家都可以試下!



想知更多貴茶資料可以Click入--> 貴茶Gui Tea官網 /貴茶 Gui Tea Facebook
而且部分產品都係佢哋網站可以訂到啦!

文章介紹為個人喜好及用後心得,不同人士各有喜好,體質亦各有不同。

是次活動及產品資料由貴茶提供,而產品成分由品牌提供。

希望大家會鍾意小妹分享,小妹仲有其他Blog,FB PageIG,歡迎大家去睇~